Tsutɨarika 7:21 - Kakaɨyari Niukieya

²¹ Mɨpaɨ mekateneuyehɨiyani kwiepa memɨte'u'uwakai: memɨte'awɨwawe, yeutari, tewaxi, kuterixi, metatsiere teɨteri.

Tsutɨarika 7:21 ပူးပေါင်းရင်းမြစ်များ

Tsutɨarika 6:13

Nuhexi mɨpaɨ katiniutahɨawe: «Teɨteri nekaniwatayuniyamɨkɨ, mɨkɨ meteyuriekaku kwiepa 'axamɨti'ane kwinimieme katinixuaweni. 'Ayumieme teɨteri nekaniwareuyehɨamɨkɨ meta kwie naime.

Tsutɨarika 7:4

Karikɨ 'atahutarieka tukari 'aye'ayu, wiyeri nekaniyuitɨamɨkɨ 'ena kwiepa mɨkawiyekɨ huta tewiyari tukari meta tɨkarikɨ, mɨpaɨ nekatiniwarakumaweriyamɨkɨ kwiepa memɨtama nemɨwarutawewi».

Tsutɨarika 6:17

Ne haa waɨkawa nekananɨ'amɨkɨ kwiepa, yunaitɨ memɨtekwinikɨ kwiepa memɨte'u'uwa memɨte'ayeneniere.

Xumatari 8:20

Tita mɨtiunetɨarie witsikemɨ'anekai kaneuyehɨani, mɨkɨ mɨpaɨ mɨtiyuwaɨriyakaikɨ mɨpaɨ pɨkatiuyɨ. Kemɨ'ane mɨpaɨ 'aneme meyeitɨa yamɨtiuyurikɨ pɨta putiuyɨ. Ta'ikwewatɨ xeikɨa yuri katini'erieka.

2 Pekuru 2:5

Yexeikɨata meripaitɨ 'amemu'uwakai pɨkatiwareuyehɨwiri, kepauka wiyeri meyenɨ'a 'axateyurɨwamete watsata, tsepanetɨ 'atahaikame pɨwaruta'ɨwiyaxɨ Nuhexi mɨkɨ pɨtiwakuxaxatɨwakai heitseriemekɨ.

Xumatari 8:22

Mɨpaɨ tepɨtemate tinaitɨ mɨtiunetɨarie yaxeikɨa yunaitɨ mepa'aiwatɨka, hukame mɨtiukakukuine hepaɨ tiniwerɨmetɨ.

Rukaxi 17:27

'Ana mepɨtekwatɨwekai, mepɨ'ietɨwekai, mepɨneɨketɨwekai meta mepɨtewikitɨatɨwekai, kepauka Nuhexi meutaha kanuwatsie, 'ana haa tiyaka yunaime katiniwareuyehɨani.

Mateu 24:39

'atsimepɨkatemaikai, 'arikeke xeikɨa haa pɨtitɨa pɨwarehautsitɨa yunaime. Yaxeikɨata katiniyɨmɨkɨ kepauka Yuri Tewi munuani.

Tsupuniyaxi 1:3

Teɨteri meta tewaxi nekaniwareuyehɨamɨkɨ, meta memɨte'awɨwawe meta haramaratsie memɨteye'uwa, metatsiere kakaɨyarixi memɨwewiyatɨka metatsiere teɨteri 'axamemɨte'u'iyari yaxeikɨa. »Teɨteri nekaniwarakumaweriyamɨkɨ 'ena kwiepa naitsarie —mɨpaɨ kanaineni Yawé—.

Kuheri 2:3

Mexiyukukuyamete meka'aye'axɨawawe 'iya tai kaniwatixɨtsitɨwani, kepauka mɨpaɨ mɨraye'ani tai pɨtititaiya naime. Mexixi kahaye'awe kiekari 'Ereni haraweriyari witsimɨraku'ane hepaɨ pɨtiyuxexeiya, kepauka mɨpaɨ mɨtiyɨni yeuta makumawe payani. Tɨrɨkariyaya hepaɨtsita tixaɨtɨ pɨkatitawikweni.

'Utseyaxi 4:3

Hikɨ 'ayumieme kwiepa pukuwani pɨkatitixuawere, 'anari yunaitɨ mepukwini teɨteri. Yunaitɨ mepɨtekwini yeuta memɨte'u'uwa, memɨte'awɨwawe meta haramaratsie memɨteye'uwa.

Kitsariyaxi 24:19

Kwie kaniutaxɨkeni, pɨkayuwiyamɨkɨ, kwie pukatsinetɨyeika, pukatarike, kwie putayuane yemekɨ waɨkawa putayuane.

Kitsariyaxi 24:6

'Ayumieme kwie 'axa'itɨrietɨ kanitaxɨximeni, mana kiekatari wahetsie mɨrahɨiwakɨ. 'Ayumieme tai kaniwaxɨtsitɨaka, yayupaɨmetɨ xeikɨa mekaniyuhayewatɨweni.

Tsutɨarika 1:25

Kakaɨyari yunaime katiniwarunetɨani memɨteyutewatsinɨa, yeutari, yunaime yuhukama memɨteku'uwa, yunaime kemɨtiwarupitɨa. Kakaɨyari mɨpaɨ kaniutayɨni: «'Aixɨa pɨ'ane».

Kuwi 34:15

yunaitɨ teɨteri mekaniukumaweriweni, yunaitɨ tumuanari mekanakɨniwaweni.