Tsutɨarika 7:11 - Kakaɨyari Niukieya

¹¹ Kepauka Nuhexi 'ataxewime tsienituyari wiyari mexeiyakai, hutarieka metseriyaritsie tamamata heimana 'atahuta tukariyaritsie, 'ana haramaratsie haa patinexɨa, muyuawitsie pɨreuyepierixɨa mɨkawiyekɨ.

Tsutɨarika 7:11 ပူးပေါင်းရင်းမြစ်များ

Tsutɨarika 8:2

Haramara tetɨata haa matineikakai kaneunarixɨani, muyuawitsieta katineunarixɨani, wiyerita katiniuhayewa.

Marakiyaxi 3:10

»Xekene'atɨa 'aixɨa 'anemekɨ tamamatatsie mieme xeime tukita muyuhayewanikɨ, mɨpaɨ 'ikwai kanixuawekamɨkɨ netukita. Mɨkɨkɨ xekeneneuta'inɨata —mɨpaɨ kanaineni Yawé Naimekɨmɨtɨrɨkaɨye—, xekaninenierikuni muyuawitsie wiyeri nekaneuyepimɨkɨ meta 'aixɨa nekanixeyurimɨkɨ waɨkawa yemekɨ 'anutiyakamekɨ.

Keremiyaxi 51:16

Tɨranarieya heyuayu, wiyeri kanikuyuaneni muyuawitsie, kwie manu'atɨka paitɨ hai kanewa'iniwani, mimierɨka tsata wiyeri kaneyenɨ'awani, meta 'eka muye'ɨnetɨkatsie peiyepiwa.

Keremiyaxi 5:22

Yawé mɨpaɨ kanaineni: «¿Kamɨtsɨ petiuhayewaxɨ penetsi'ayemakatɨ? ¿Kareuyewetse pemɨnetsi'ayemakaka? Ne xiekari 'anekanitiyeni haramara mata'atɨka 'inɨarieya mɨhɨkɨtɨnikɨ, mana muye'atɨyeikanikɨ yuheyemekɨ. Tsepa hamewari mana mɨreutiwaya, mana pɨka'anutitsuna, tsepa kwinimieme mutaine, mɨkɨ 'inɨari heima pɨka'anutiyani.

2 Te'aitamete 7:19

'ana ti'aitame ti'uximayatsiriwame mɨpaɨ kaniutayɨkaitɨni: «Mɨpaɨ pepɨkahaineni. Xɨka Yawé naime muyuawitsie reuyepiexɨanike, yaxeikɨa 'atsipɨkatiyɨni». Tewi Kakaɨyari hetsɨa mieme mɨpaɨ katinitahɨawekaitɨni: «'Ekɨ peninierimɨkɨ 'ahɨxitekɨ, peru mɨkɨ 'ekɨ pepɨkatitikwani».

'Etsekieri 26:19

»Yawé naimekɨmɨyɨwe mɨpaɨ kanaineni: Mɨraku'unarie nekamenayeitɨamɨkɨ, kiekari mana kiɨripa nekanayeitɨamɨkɨ. Yaxeikɨata nekatiniyurimɨkɨ haramara mɨmatsi'anukananikɨ.

Nɨawari 33:7

Mɨkɨ haramaratsie haa panatihanɨwe xarita, meta xariteta haramara 'ameukatewa kanikuxexeɨriwani.

2 Te'aitamete 7:2

Ti'aitame parewiwameya mɨpaɨ kaniutayɨni: —Mɨpaɨ pepɨkahaineni. Xɨka Yawé naime muyuawitsie reuyepiexɨanike, yaxeikɨa 'atsipɨkatiyɨni. 'Eritseu mɨpaɨ katinitahɨawe: —'Ekɨ pekaninierimɨkɨ 'ahɨxitekɨ, peru mɨkɨ 'ekɨ pepɨkatitikwani.

Tsutɨarika 1:7

Mɨpaɨ katiniuyɨni. Kakaɨyari 'amakuyewa kaniutawewieni, mipataxɨanikɨ haa, tahetɨa mɨtamakakɨ, taheimata muyemakakɨ.

Mateu 24:38

'Ana memɨkatihauwekaitsie 'akuxi, mepɨtekwatɨwekai, mepɨ'ietɨwekai, mepɨneɨketɨwekai meta mepɨtewikitɨatɨwekai, 'atsita kepauka Nuhexi meutaha kanuwatsie,

Kitsariyaxi 24:19

Kwie kaniutaxɨkeni, pɨkayuwiyamɨkɨ, kwie pukatsinetɨyeika, pukatarike, kwie putayuane yemekɨ waɨkawa putayuane.

Nɨawari 74:15

'Ekɨ pepɨtiuyuri haixa pemanetɨaxɨa meta hatɨa, haa manuyehapane waɨkawa pepikawatsiɨxaxɨ.

Tsutɨarika 6:17

Ne haa waɨkawa nekananɨ'amɨkɨ kwiepa, yunaitɨ memɨtekwinikɨ kwiepa memɨte'u'uwa memɨte'ayeneniere.

Kuwi 28:4

Teewa paitɨ teɨteri memɨkahakuteitsie, teɨteri hatsuaku memɨkahanu'uwatsie peuta'ine, 'ateewa paitɨ teɨteri memɨkahanu'uwatsie, kaunari hetsie 'ukuwietɨ.

1 Tetsarunikatari 5:3

Kepauka mɨpaɨ memutiyuaneni: «Kayuwatɨ tepexeiya, tepɨkakweriwa'a», 'ana mekanika'unariekuni, yapauka pɨwa'axe 'uka mɨtiniwerɨme kwiniyaya mi'axe hepaɨ. Mepɨkatawikweni.

2 Pekuru 3:6

Mɨkɨkɨ meta 'ana miemete kwiepa memɨtamakai mekaniutatɨmaiyarieni haa 'utahɨneku.

Tsutɨarika 7:6

'Ataxewime tsienituyari wiyari pexeiyakai Nuhexi, kepauka mɨtiutihauritɨxɨ.

Kuwi 12:15

Xɨka mɨkɨ wiyeri kaheyenɨ'ani, pɨtitiwauke, xɨka 'i'eirieni tsepa muwiye, naitɨ kwie pukayuyuipike.

Kuwi 38:16

»¿Haramara haixayari hakewa metineika peremarie, meta perekuyeixɨari meukatetewatsie paitɨ?

Temaiwawemete 3:20

Mɨkɨ yareitimaixɨaku haramara kaniupatsirixɨani meta haa kanetinetɨaxɨani, meta haiwitɨritsie wiyeri 'akaneikatɨ kanayani.

Kitsariyaxi 24:18

Kemɨ'ane muyuta'una mɨkɨ hiwari makatɨ putsu 'emeukatewata kaneukawemɨkɨ, kemɨ'ane meukatewata muwatiyani winiyaritsie kaniyɨhɨamɨkɨ, katineuyepiekari muyuawitsie kitenie 'etsimayeyeutsie neniereme, meta kwie tsutɨmeyari kaniwatayuaneniri.

Tsutɨarika 8:14

Hutarieka metseritsie xeitewiyari heimana 'atahuta tukaritsie, kwieri waɨkawa kaniwakikaitɨni.

Kuwi 38:37

¿Kemɨ'ane pɨtimaiwe haiwitɨri puti'inɨatawe? ¿Kemɨ'ane pɨyɨwe xarite muyuawitsie mieme metiyeuriexɨanikɨ