Tsutɨarika 6:9 - Kakaɨyari Niukieya

⁹ 'Ikɨ Nuhexi kemuyɨ pɨ'ɨxatsiyari. Nuhexi 'aixɨa katiniuka'iyarikaitɨni, yakatinikamiekaitɨni yuteɨterima wahamatɨa. Kakaɨyari hetsiemieme 'aixɨa katiniuyeikakaitɨni.

Tsutɨarika 6:9 ပူးပေါင်းရင်းမြစ်များ

Rukaxi 1:6

Yunaitɨ heitseriemekɨ yamekateniyuriekaitɨni Kakaɨyari hɨxie. Yamekatenikahukaitɨni Ti'aitame kemɨti'aitakai naimetsie, wahetsie karahɨiwakaku.

Hepɨrayutsixi 11:7

Yuri mɨti'eriekaikɨ, Nuhexi yukweriwayurietɨ, kanuwa kaniutawewieni mɨwatawikweitsitɨanikɨ yukie kiekatari, mɨpaɨ tiutahɨawarieka tita teɨteri 'akuxi memɨkatexeiyawawekai hepaɨtsita. Mɨpaɨ mɨtiuyurikɨ, kwiepa memɨtama wahetsie pɨtiuhɨiya, mɨkɨtsie pɨta pɨtiunakixɨ heitserie mexeiyanikɨ yuri ti'erietɨ.

2 Pekuru 2:5

Yexeikɨata meripaitɨ 'amemu'uwakai pɨkatiwareuyehɨwiri, kepauka wiyeri meyenɨ'a 'axateyurɨwamete watsata, tsepanetɨ 'atahaikame pɨwaruta'ɨwiyaxɨ Nuhexi mɨkɨ pɨtiwakuxaxatɨwakai heitseriemekɨ.

Tsutɨarika 7:1

Hikɨ Yawé Nuhexi mɨpaɨ katiniutahɨawe: «'Ekɨ xeikɨa 'aixɨa pekatiniuka'iyarini 'ena pemuyeika, kanuwa 'amɨtimariwetsie keneutahaki 'atɨɨriyama xeyunaitɨ.

Tsutɨarika 5:24

'aixɨa mɨtiyurienekaikɨ Kakaɨyari hamatɨa, kaniutatɨmaiyarieni Kakaɨyari meiwitɨkɨ.

Karatsiyatari 3:11

Mɨpaɨ katinihekɨaka, Kakaɨyari hɨxie nixewitɨ heitserie pɨkapitɨarie 'inɨari niukiyaritsie tiwiyatɨ. Mɨpaɨ pɨta panuyɨne: «Kemɨ'ane heitserie yamɨtikamie yuri ti'erietɨ kanayenierekamɨkɨ».

Tsutɨarika 17:1

Kepauka 'Apɨrami nauka tewiyari heimana tamamata heimana 'atanauka wiyari mexeiyakai, Yawé mɨpaɨ katinitahɨawe: «Ne Kakaɨyari Naimekɨmɨtɨrɨkaɨye nekanihɨkɨtɨni, nehɨxie keneuyeikani 'aixɨa ketineyurienetɨ.

Tsutɨarika 5:22

'Utinuiwaku Matutsareni, 'Enuki Kakaɨyari hamatɨa 'aixɨa pɨtiuyeikakai haika tsienituyari wiyari, tawarita hipame pɨwarayexei 'ukitsi 'ukari.

'Etsekieri 14:14

Xɨka mana Nuhexi meta Tanieri metatsiere Kuwi mɨkɨ kwieyaritsie metitenike, mɨkɨ xeikɨa mepɨtawikwenikekai heitserie memexeiyakɨ. Ne Yawé naimekɨmɨyɨwe mɨpaɨ nekanaineni.

Kuwi 1:1

'Utsi kwieyaritsie tewi xewitɨ kaniukateitɨni heitseriemekɨ 'aixɨa tiyurienetɨ meta hetsiena karahɨiwakaku, Kakaɨyari 'ayemakatɨ meta 'axamɨti'anekɨ yupatatɨ. Mɨkɨ tewi Kuwi pɨtitewakai.

Tsutɨarika 2:4

Kepauka mɨtiutiwewiya muyuawi meta kwie, 'ikɨ pɨ'ɨxatsiyari. Kepauka Yawé Kakaɨyari muyuawi meta kwie mutiwewi,

1 Pekuru 2:5

xemeta tetexi kemɨtiu'uitɨariwa kii mayanikɨ yaxeikɨa xeme xe'ayenenieretɨ xepɨti'uitɨarieni kii xemakɨnekɨ 'iyaritsie mieme. Mawari wewiwamete xekenakɨni Kakaɨyari hetsiemieme xepatsietɨ, xemixatɨanikɨ mawari 'iyaritsie mieme kemɨtinake Kakaɨyari, Ketsutsi Kɨritsitu xeparewiekaku.

Ti'ɨkitame 7:20

Xewitɨ pumawe 'ena kwiepa 'aixɨa 'anetɨ, 'aixɨa tiyurienetɨ hatsuaku 'axakatiyuriwetɨ.

Nɨ'ariekate 10:22

Mɨkɨ mɨpaɨ mekatenita'eiya: —Kuxineriyu xeitsienituyari kuyaxi mɨtiwa'aitɨwame tatsiheyenɨ'aku tepeyekɨ, mɨkɨ heitseriemekɨ yapɨtiyuriene meta Kakaɨyari kanayemakaxeni, yunaitɨ huriyutsixi mekaneyemakaxekaitɨni. Kakaɨyari niukieya tuayame mɨpaɨ katinita'aitɨani 'ekɨ kiena pemɨmiekɨ, mɨmatsi'enienikɨ niuki 'ekɨ pemitaxatɨanikɨ.

'Etsekieri 14:20

xɨka Nuhexi, Tanieri meta Kuwi mɨkɨ kwieyaritsie metitenike, waniwema 'ukitsi meta 'ukari mepɨkatawikwenikekai. Mɨkɨ xeikɨa mepukuwikwenikekai heitserie memexeiyakɨ. Ne Yawé naimekɨmɨyɨwe yurikɨ mɨpaɨ nekanaineni.

Kuwi 1:8

Hikɨ Yawé tawarita kanita'iwawiya: ―¿Keri petiku'eriwa neti'uximayatsiriwame Kuwi hetsiemieme? Nixewitɨ mɨkɨ hepaɨ 'anetɨ kwiepa kaniumaweni, tewi 'aixɨa mɨtiuka'iyari meta hetsiena mɨkarahɨiwa kanihɨkɨtɨni, kenemɨrehɨawe kaneni'enieka meta 'axamɨti'anekɨ yukweriwayurietɨ.

Xumatari 1:17

Xɨka yuri ti'erieka, mɨkɨ niukitsie kanimatsiɨkɨkamɨkɨ Kakaɨyari heitserie kemɨtiyupitɨwa, para yuri mɨti'eriekakɨ, kemɨre'uxa: «Kemɨ'ane heitseriemekɨ yamɨtikamie, mɨkɨ kanayenierekamɨkɨ yuri mɨti'eriekɨ».

Rukaxi 23:50

Merikɨtsɨ tewi 'akaniuyeikakaitɨni Kutse titewatɨ, 'itsɨkate muwanɨ'ɨ kanihɨkɨtɨtɨkaitɨni, 'aixɨa pɨtiuka'iyarikai heitseriemekɨ yapɨtikamiekai, mɨkɨ yapɨkara'eriwakai kememɨteyu'eni kememɨte'uyuri. 'Arimateya kanikiekametɨkaitɨni Kureya kwieyaritsie, yuri katini'eriekaitɨni ta'ikwewatɨ Kakaɨyari mitsutɨanikɨ ti'aitatɨ.

Rukaxi 2:25

Hikɨ tewi Kerutsareme kaniukateitɨni Tsimiyuni titewatɨ, mɨkɨ heitseriemekɨ yatikamietɨ Kakaɨyari kanayexeiyakaitɨni, kanikwewiekaitɨni 'ixaheritsixi teɨteriyari wanɨtɨwame. 'Iyari Mɨtiyupatakɨ kanihɨnekaitɨni,

'Awakuki 2:4

»Memuyuti'ɨre 'iyari heitseriekame mepɨkahexeiya, peru kemɨtiheitserie 'amuyeika yuri mɨti'eriekɨ payeyurini.

Temaiwawemete 4:18

Heitseriemekɨ yamemɨtekahu wahuye witsipɨ'ane, kepauka tau 'ɨrɨya ximeri manatinexɨaxime hepaɨ: hekɨariya waɨkawa mɨhekɨariwiexime hepaɨ kepaukake hekɨariya 'aixɨa tixawatɨtɨ mayani.

Nɨawari 37:37

Kwi keniwaruxeiyata 'aixɨa memɨtekahu: tukari 'upamie kayuwatɨ memɨkuwautɨwe wahetsiemieme.

2 Kemɨtiuyɨ 15:17

Tsepa 'Atsá 'Ixaheri kwieyaritsie kakaɨyarixi watuki mɨka'uti'unaxɨ, 'aixɨa pɨtiuyeikakai yuheyemekɨ Yawé hetsiemieme,

Tsutɨarika 48:15

Kanitsutɨani mɨpaɨ 'utaitɨ: «Kakaɨyari 'aku, 'Apɨrahami 'Itsahaki 'ahamatɨa kememɨte'u'uwakai, pemɨnetsi'ɨwiya kepaukapai nemutinuiwaxɨ, mana mɨtiyetɨa meta hikɨ.

Kuwi 12:4

»Ne, Kakaɨyari nepɨkɨhɨawekai mɨkɨta pɨnetsiku'eiyakai, hikɨri nehamikuma netsi'atsemete memɨhɨkɨtɨnikɨ nepayuyeitɨa, ne 'atsieriwame nepɨhɨkɨ, heitserie nemexeiya nehetsie mɨkarahɨiwa.

1 Te'aitamete 3:6

Hikɨ Tsarumuni mɨpaɨ katinita'eiya: —'Ekɨtsɨ waɨkawa pekaninaki'eriekaitɨni mati'uximayatsiriwame Rawiri, nepaapa, mɨkɨ 'aniuyeikakaitɨni yatikamietɨ naimetsie kepemɨtihɨritɨa 'aixɨa 'anemekɨ 'ahetsie tiwiyatɨ, 'iyarieya niheitseriekaitɨni. Hikɨta yaxeikɨa tepɨneniere kepemɨtinaki'erie Rawiri nu'ayatɨme pemanayexeikɨ 'uwenieyatsie mayerɨnikɨ.

2 Kemɨtiuyɨ 25:2

'Amatsiyaxi Yawé kemɨtinake katiniuyurieni, tsepanetɨ yemekɨ 'iyarieya ya'anekaku katiuyuri.

Tsutɨarika 10:1

'Ikɨ mepɨhɨkɨ Tsemi, Kami meta Kapeti Nuhexi niwemama meta wanuiwarima, tiutihauritɨkuke memɨwarayexei.

Tsutɨarika 5:1

'Ikɨ 'Arani nuiwarimama mekanihɨkɨtɨni. Kepauka Kakaɨyari tewi mutawewi, yuhepaɨ 'aneme putawewi.

Tsutɨarika 6:10

Yuniwema yuhaikame kaniwarayexeiya: Tsemi, Kami meta Kapeti.

Hutarieka 'inɨari 18:13

Yawé xekakaɨyari hɨxie 'aixɨa xeketeneu'iyarini.

2 Tsamuheri 22:24

Hɨxiena ne'uyeikatɨ nepɨka'ikwamanawe, meta nepɨkanewaɨriyari 'axanemɨtiyurienikɨ.

Nɨawari 37:39

Heitserie memexeiya wawikweitsitɨarika Yawé hetsie kanayeneikani, mɨkɨ mɨwatɨrɨkariya kanihɨkɨtɨni kepauka memɨte'uka'eniwatsie.