Tsutɨarika 6:3 - Kakaɨyari Niukieya

³ Hikɨ Yawé mɨpaɨ kaniutayɨni: «'Ari ne'iyari tewi hetsie pɨkayekani, tewi mɨmɨwe xeikɨa kanihɨkɨtɨni, xeitsienituyari heimana xeitewiyari wiyari xeikɨa puyuruwani».

Tsutɨarika 6:3 ပူးပေါင်းရင်းမြစ်များ

Nehemiyaxi 9:30

»Mɨixa wiyari pepɨwanewiekai, 'a'iyarikɨ pepɨwaraye'eritɨwakai 'aniukamete yame'utiyuanekaku, peru mɨkɨ mepɨka'u'enana. 'Ayumieme pepɨwayetua mɨkɨ kwieyaritsie memɨtama wahetsɨa.

Keremiyaxi 11:11

'Ayumieme Yawé mɨpaɨ kanaineni: “Ne, nekanenunɨ'amɨkɨ 'uximatɨarika, xewitɨtɨma mɨkɨ pɨkatawikweiya. Tsepa memɨnetsihahɨawe, nepɨkawa'enieni.

Kitsariyaxi 63:10

Peru mɨkɨ mepɨkahenu'eni, meta 'iyarieya mɨpatsie mepu'iyarimɨtɨa. 'Ayumieme waraye'unietɨ patɨa, mɨkɨtɨtɨ pɨwarutakwi.

Nɨawari 78:39

Paye'eri kename tixaɨtɨ mekatehɨkɨtɨkai mekwiwawekai, 'etsiwa xeikɨa yamɨreutetere 'eka hepaɨ tawarita pɨkanuani.

Nɨ'ariekate 7:51

»Xeme xekɨipi pɨtsetse'i, yu'iyaritsie yunakata xepɨka'inɨaritɨariewawe Kakaɨyari 'inɨarieyakɨ, xeme yuheyemekɨ xepeye'unie 'Iyari Mɨtiyupata yututsima wahepaɨ.

'Inɨatsie 11:17

Ne 'ahamatɨa nemɨtitaxatakɨ nekananukatemɨkɨ, mɨkɨ wahetsieta yanekatiniyurimɨkɨ 'iyari pemexeiya memexeiyanikɨ, memɨmatsiparewiekakɨ 'ikɨ teɨteri mɨmatsihɨritɨa wahekɨ. Mɨpaɨ 'ekɨ 'axaɨtame xeikɨa pemɨkayɨanenikɨ.

1 Tetsarunikatari 5:19

'Iyari xepɨkakutɨtsani,

Wani 3:6

Tita tewitsie mɨtiyenuiwa kanitewitɨni, tita 'iyaritsie mɨtiyenuiwa kani'iyaritɨni.

Kitsariyaxi 5:4

¿Tawarita 'akuxi kenetiyurienikekai nekaxie haraweriyari hetsiemieme tita reuyewetɨ ratɨa? Ne 'aixɨa 'anenetɨ kaxie mɨkayaxekɨ nepɨta'ikwewakai. ¿Titayari kaxie hatsinatɨ tiukaxuawerixɨ?

Keremiyaxi 11:7

Kepauka paitɨ xe'ukiyarima 'Ekipitu nemɨwarayewitɨ hikɨ 'akuxi, nepɨkatihayewawe mɨpaɨ netixekɨhɨawetɨ: ‘Xekeneneu'enieka’.

Tsutɨarika 6:2

Kakaɨyari niwemama mekaniwaruxeiya teɨteri waniwema witsimemɨte'ɨimarixitɨkai, hikɨ mekaniwarutiwitɨni kemɨ'ane memɨwarutihiwe'eri.

Kitsariyaxi 57:16

Yuheheyemekɨ nepɨkamatsixanetani, meta yuheyemekɨ nepɨkaha'aka, xɨka mɨpaɨ 'anenike nehɨxie yunaitɨ memɨte'u'uwa nemuwarutiwewi mekaniukwiwaweni.

Nɨawari 90:10

Hipatɨ haika tewiyari heimana tamamata wiyari mepɨtihipite, heiwa tepanuti'axe nauka tewiyari wiyari, xɨka tɨrɨkariya 'akuxi tehexeiyani. 'Apɨpaɨme mɨkɨ wiyari, mɨyatɨtɨ, waɨkawa 'uximayatsika pɨtiuyɨne meta 'uximatɨarika: yapauka kananuyekɨkani, tameta wahamatɨa tekaniuhuni.