Tsutɨarika 6:11 - Kakaɨyari Niukieya

¹¹ Kakaɨyari kaniuniere kwiepa 'axamɨti'ane kemɨtixuawekai, teɨteri kememɨteyunanaimakai.

Tsutɨarika 6:11 ပူးပေါင်းရင်းမြစ်များ

'Etsekieri 8:17

Mɨpaɨ kanetiniutahɨawe: «Tewi pemunu'aya, ¿'ikɨ petiwaxeiya? 'Ikɨkɨ Kura 'axamekateyuriekame mekaniyu'erieka, mɨkɨta kwiepa 'axamɨti'ane katiniwiwieka, meta netsihaxɨatɨatɨ mɨkatihayewa. Neuxei yamekanetenihaxɨatɨaka, nekani'ukweni tupiriya 'axamu'ɨa.

'Awakuki 2:8

Nuiwarite mekaniyumɨireni pemɨtiwarunawatsiri, keyupaɨmetɨ teɨteri memɨyutawikweitsitɨani mɨkɨta mepɨmetenawatsirieni, mɨmɨirekɨ xuriya pemutayeuri, meta 'ikɨ kwie hetsie waɨkawamekɨ pemɨtiunanaimakɨ, meta 'ikɨ kiekari hetsie meta mana kiekatari pemɨwarunanaimakɨ.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Xumatari 2:13

Mɨkɨ memi'enie xeikɨa 'inɨari niukiyari, mɨkɨ heitserie mepɨkahexeiya Kakaɨyari hɨxie. Mɨkɨ yamemɨtekahu 'inɨari niukiyari kemaine, mɨkɨ pɨta heitserie mekanipitɨariekuni.

'Etsekieri 28:16

Waɨkawa perexeiyatɨ pematɨakɨ, 'axapetiuka'iyaritɨ pepatɨa, 'ana 'axapepɨtiuyuri. 'Ayumieme nepɨmatsihayewei Kakaɨyari hɨrieyatsie, tixaɨtɨ mɨkatipatsie hepaɨ. 'Ekɨ, Kakaɨyari 'ɨwiyame tihɨweme, tetexi mɨtatɨkatsie nekamenakumaweriyamɨkɨ.

Kitsariyaxi 60:18

'Akwietsie nanaimarika pɨkamariwani, meta pepɨkaka'unarieni, metatsiere 'akwie manuye'atɨka pɨka'anuye'unarietɨyani, matsi pɨta 'akurarute “Wikweitsitɨarika” pepɨtiterɨwa, meta 'a'ituparite “Nɨawari” pepɨtiterɨwa.

Rukaxi 1:6

Yunaitɨ heitseriemekɨ yamekateniyuriekaitɨni Kakaɨyari hɨxie. Yamekatenikahukaitɨni Ti'aitame kemɨti'aitakai naimetsie, wahetsie karahɨiwakaku.

'Awakuki 2:17

Riwanu hepaɨtsita kepemɨtiunanaima mɨkɨta kematsi'utapɨna. Tewaxi kepemɨtiwareuyehɨa mɨpaɨta peketiuka'unarieni. Karikɨ kanimɨireni xuriya pemitayeuri, meta pɨwaɨkawa 'ikɨ kwie hepaɨtsita kepemɨtiunanaima, meta 'ikɨ kiekari hetsie meta teɨterimama.

'Awakuki 1:2

Yawé, ne'utahiwatɨ parewiya nepɨmatsiwawirie, peru 'ekɨ pepɨkanetsi'enie, ¿Kepaukakeri pepɨnetsihanu'enieni? Waɨkawamekɨ nepɨmatsiwawiriekai mukumawerekɨ ketemɨtenanaimarie, peru 'ekɨ 'atsipepɨkara'eriwa.

Keremiyaxi 6:7

Putsuta haa kemɨrewatineika, mɨpaɨta 'axamɨti'ane Kerutsareme pɨtiuhane. Hetsiena nanaimarika xeikɨa pɨrayu'eniɨriɨkɨ meta 'imieri, mana kwiniya xeikɨa nepɨxeiya meta teɨteri mewitekietɨkaime.

Nɨawari 140:11

Meke'ukumawere 'ena kwiepa teɨteri memɨte'itawa, 'uximatɨarikakɨ mete'uka'eniwatɨ meke'ukwini yunaitɨ teɨteri memɨteyukananaima.

Nɨawari 55:9

Ti'aitame, keniwaruka'una, mekayu'eniekame keniwarayeitɨa. Kiekaritsie nanaimarika 'imieri xeikɨa nepɨxeiya,

Nɨawari 11:5

Yawé kaniwaxeiyani kememɨteyurie 'aixɨa memɨte'u'iyari meta 'axateyuruwamete, kaniwa'uxiwe'erieka kemɨ'ane memɨteyukananaima.

Tsutɨarika 13:13

Teɨteri Tsuruma kiekatari 'axamekateniu'iyarikaitɨni, Yawé hepaɨtsita waɨkawa 'axamɨti'ane mekateniyuriekaitɨni.

Tsutɨarika 10:9

mɨkɨ waɨkawa reutamiewetɨ meta heuyutamiewetɨ kamatɨ kanayani Yawé hɨxie. 'Ayumieme hipatɨ mɨpaɨ meputiyuane: «'Ikɨ tewi Nimiruri hepaɨ pɨreuyutamiewe Yawé hɨxie».

2 Kemɨtiuyɨ 34:27

‘'A'iyari muyuitɨariekɨ meta tixaɨtɨ pemɨkarayuyeitɨakɨ nehɨxie pe'u'enaka 'ikɨ kwieyaritsie meta 'ena kiekatari wahetsiemieme kenemutayɨ, meta 'akamixa pemeukatsanaxɨkɨ hiwerikakɨ meta nehɨxie pemutatsuakakɨ, ne nekamaniu'enieni. Ne, Yawé, mɨpaɨ nekanaineni.

Tsutɨarika 7:1

Hikɨ Yawé Nuhexi mɨpaɨ katiniutahɨawe: «'Ekɨ xeikɨa 'aixɨa pekatiniuka'iyarini 'ena pemuyeika, kanuwa 'amɨtimariwetsie keneutahaki 'atɨɨriyama xeyunaitɨ.

Tsutɨarika 6:10

Yuniwema yuhaikame kaniwarayexeiya: Tsemi, Kami meta Kapeti.

Memeyekɨ 32:7

Merikɨtsɨ Yawé Muitsexi mɨpaɨ katiniutahɨawe: —Xeiya kenanukaye'a teɨteri 'Ekipitu pemɨwarayewitɨ 'axamepɨteyurie.

Hutarieka 'inɨari 31:29

ne nepɨtimate 'arike nemɨyu newarita mɨtiyehane, 'axamɨti'ane xepɨtetixuawitɨani meta huye nemɨxe'uxeitsitɨa xepuku'eirieni. Tukari 'umamietsie waɨkawa 'axamɨti'ane pɨtinuani xehetsie xepɨte'uka'eniwani, Yawé hɨxie 'axaxemɨteyurienikɨ meta tita mɨtixani'eriekɨ yaxemɨte'uyurikɨ xepiyehaxɨatɨani».

'Itsɨkate 2:19

Peru kepauka mɨkɨ mɨtiwa'aitɨa mumɨni, mɨkɨ tawarita matsi 'axameteyurietɨ mekanakɨkakaitɨni watutsima ke'axamemɨkate'uyuri, hipame kakaɨyarixi mekaniwarayexeiyakaitɨni wahɨxie mekanikatunuma'uwekaitɨni. Mɨpaɨ meyɨatɨ mepɨkayuwaɨriyakai memɨtehayewa 'axamɨti'ane memɨte'uweiyakai meta ke'axamemɨte'u'iyarikai.