Tsutɨarika 5:22 - Kakaɨyari Niukieya

²² 'Utinuiwaku Matutsareni, 'Enuki Kakaɨyari hamatɨa 'aixɨa pɨtiuyeikakai haika tsienituyari wiyari, tawarita hipame pɨwarayexei 'ukitsi 'ukari.

Tsutɨarika 5:22 ပူးပေါင်းရင်းမြစ်များ

1 Tetsarunikatari 2:12

texehɨritɨatɨ 'axemu'uwanikɨ kemɨreuyewetse 'amuyeikanikɨ Kakaɨyari hetsiemieme, mɨkɨ kanixe'inieka 'axemu'uwanikɨ 'iya tixe'aitɨakaku, mɨxe'inie witsixe'anenetɨ xemayeitɨarienikɨ hepaɨna.

Tsutɨarika 17:1

Kepauka 'Apɨrami nauka tewiyari heimana tamamata heimana 'atanauka wiyari mexeiyakai, Yawé mɨpaɨ katinitahɨawe: «Ne Kakaɨyari Naimekɨmɨtɨrɨkaɨye nekanihɨkɨtɨni, nehɨxie keneuyeikani 'aixɨa ketineyurienetɨ.

Rukaxi 1:6

Yunaitɨ heitseriemekɨ yamekateniyuriekaitɨni Kakaɨyari hɨxie. Yamekatenikahukaitɨni Ti'aitame kemɨti'aitakai naimetsie, wahetsie karahɨiwakaku.

Marakiyaxi 2:6

'Aixɨa 'anemekɨ mepɨtekuxatakai, hatsuaku 'axamɨti'ane wateta pɨkarayene. Nehamatɨa 'amepu'uwakai kayuwatɨ meta heitseriemekɨ, metatsiere hipame yumɨireme mekaniwarupata 'axamɨti'ane memɨkate'uweiyanikɨ.

Tsutɨarika 6:9

'Ikɨ Nuhexi kemuyɨ pɨ'ɨxatsiyari. Nuhexi 'aixɨa katiniuka'iyarikaitɨni, yakatinikamiekaitɨni yuteɨterima wahamatɨa. Kakaɨyari hetsiemieme 'aixɨa katiniuyeikakaitɨni.

1 Wani 1:7

Matsitsɨ hekɨaripa xɨka te'u'uwani mɨkɨ hekɨaripa makawe hepaɨ, tanaitɨ tekanitaxewikakuni, mɨkɨ meta, Ketsutsi Kakaɨyari nu'aya xuriyaya naime 'axatemɨteyurie katani'itirieka.

Mikeyaxi 6:8

Yapekatiniutaxatɨarieniri tita 'aixɨa mɨti'ane. Pepɨtiutaxatɨarieri tita mɨtitakwewie 'ahetsiemieme Yawé: Yapepɨtiyurieneni tita mɨtiheitserie hepaɨtsita, pepinaki'erieka nenimayatsika, meta Kakaɨyari hɨxie mariweme pepɨka'ayuyeitɨwani.

Nɨawari 116:9

'Ayumieme yuheyemekɨ Yawé hɨxie nepuyeikani, mexixi 'ena kwiepa mɨranu'uwatɨka ne'uyeika.

Mawari 26:12

Xehamatɨa nekaniumiemɨkɨ. Ne xekakaɨyari nepɨhɨkɨtɨni, xeme nekiekari xepɨhɨkɨtɨni.

Kurutsetari 1:10

'axemu'uwanikɨ meta kemɨreuyewetse Ti'aitame hetsɨa miemete kememɨte'u'uwa, xe'inaki'atsitɨatɨ naimekɨ. Tepiwawirie mɨtiutixuxuawerenikɨ 'aixɨa xeteyuriekaku naimekɨ, xemɨtiwawerirɨmenikɨ kexemɨte'imate Kakaɨyari.

1 Tetsarunikatari 4:1

'Imatɨrieka ta'iwama tepɨxewawirie, Tati'aitɨwame Ketsutsi hetsɨa temiemetetɨtɨ tepɨxetuika 'axemu'uwanikɨ kexemɨtehetima tame tetexekuxaxatɨwakaku kemɨreuyewetse 'axemu'uwanikɨ xeminaki'aritɨanikɨ Kakaɨyari, mɨpaɨtɨtɨ kwini mieme yaxemɨte'u'uwanikɨ, yaxemɨte'u'uwa hepaɨ.

'Epetsutari 5:15

'Ayumieme xekeneyukweriwayurieka 'aixɨa kexemɨte'u'uwa. 'Atsimemɨkatemate wahepaɨ xepɨkayɨaka, memɨtemaiwawe wahepaɨ pɨta xekeneyɨaka,

Tsutɨarika 48:15

Kanitsutɨani mɨpaɨ 'utaitɨ: «Kakaɨyari 'aku, 'Apɨrahami 'Itsahaki 'ahamatɨa kememɨte'u'uwakai, pemɨnetsi'ɨwiya kepaukapai nemutinuiwaxɨ, mana mɨtiyetɨa meta hikɨ.

Tsutɨarika 24:40

Hikɨ mɨpaɨ nerahɨawe: “Yawé nehamatɨa puyeika, mɨkɨ 'ahamatɨa yuniuki tuayame panunɨ'ani, 'aixɨa 'anemekɨ pemakunuanikɨ pemeikaxeiyakɨta 'uka neniwe hetsiemieme nepaapa tɨɨriyamama wahetsɨa.

Kurutsetari 4:5

Xetemaiwawetɨ xekeneyɨaka yuri memɨkate'erie xewakɨhɨawetɨ, kepauka xemɨyɨwawe 'aixɨa xemɨteyurienikɨ, yemekɨ mɨpaɨ xeketeneuyuri.

2 Kurinitutari 6:16

¿Kakaɨyari tukitana kemetenake tetexi kakaɨyarixi? Pɨkayɨwetsietɨ. Tame Kakaɨyari mayeniere tukieya tekanihɨkɨtɨni, kemutayɨ Kakaɨyari: «Wahetsɨa nekaniukaimɨkɨ, watsata nekaniuyeikamɨkɨ. Wakakaɨyari nepɨhɨkɨtɨni, mɨkɨta neteɨterima mepɨhɨkɨtɨni». 'Ayumieme mɨpaɨta putayɨ:

Xumatari 8:1

'Ayumieme hikɨrixɨa mɨkɨ Kɨritsitu Ketsutsi hetsie memɨtewiya mepɨka'anutaxɨriyaniri, mɨkɨ 'amemɨka'u'uwa teɨteri wahepaɨ mete'u'iyaritɨ, 'Iyari pɨta kemaine 'amemu'uwa.

Nɨ'ariekate 9:31

Hikɨ memɨyutixexeɨriwakai naitsarie Kureyatsie, Karereyatsie, Tsamariyatsie mepɨka'uximatɨariekai. Mepɨtɨrɨkariyariekai, Ti'aitame me'ayemakatɨ 'amekaniu'uwakaitɨni, 'Iyari Mɨtiyupata mɨiremekɨ kaniwatuikakaitɨni.

Mikeyaxi 4:5

Teɨteri yunaitɨ yukakaɨyarixi wahetsie metewiyatɨ mekaniuhuni, matsi tame Yawé hetsie tetewiyatɨ xeikɨa tekaniuhuni, takakaɨyari hetsie tetewiyatɨ, hikɨ 'ena mɨtiyehane meta yuheyemekɨ.

'Amuxi 3:3

Pɨkayɨwe yuhutatɨ muhunikɨ yamekatexatawawetɨ.

'Utseyaxi 14:9

Kemɨ'ane mɨtimaiwe kaneitimaitɨyeikani, kemɨ'ane waɨkawa mɨtiuyemate. Kaniyuritɨni Yawé huyeya kanixeuraɨyeni, mɨkɨ 'utɨma mekaniuhuni heitserie memexeiya, peru kemɨ'ane 'axamemɨteyurie mekanetiketamɨrikeni meteyukahiwe'erietɨ.

Kwikari 1:4

Kene'amexɨitɨaka, 'ahetsiemieme yemekɨ kenenayeitɨa. Kenenanuwitɨki pemuyehuputsie, ti'aitame. Tepuyutemamawieka ta'iyarikɨ teyunaitɨ, tepiku'eriwani kepemɨti'amaɨwa keyuri winu. Titakɨ mɨmatinaki'erieka panayuhayewa.

Nɨawari 128:1

'Aixɨa mepɨ'itɨarie kemɨ'ane Yawé memayemakaxe, kehate huyetana memuhu.

Nɨawari 86:11

Yawé, 'ahuyeta nemumienikɨ kenetine'ɨkitɨaka nemumienikɨ 'aixɨa netikamietɨ. Ne'iyaritsie 'aixɨa netinekɨhɨaweme kenenayeitɨa nemɨmetsimakaxenikɨ.

Nɨawari 56:13

'Ekɨ Kakaɨyari, nemekawautsetsie pepɨnetsi'ɨxɨnaxɨ, teukiyapa pepɨnetsi'ayeha, yuheyemekɨ 'ahɨxie nemɨmienikɨ tukarikɨ hekɨariyatsie.

Nɨawari 26:11

Ne matsi 'aixɨa nepɨtiuyeika nehetsie pɨkarahɨiwa, keneneɨxɨna kenenenenimayaka.

Nɨawari 16:8

Ne Yawé neheyemekɨ yanepɨranuyeyetsa, mɨkɨ netserieta 'utiwekaku, xewitɨ pɨkanetsi'atihɨani.

2 Te'aitamete 20:3

«Yawé, kenena'eriwani ne yanepɨtikamiekai 'aixɨa 'anemekɨ 'ahepaɨtsita, meta ne'iyarikɨ 'aixɨa netiyukɨhɨawetɨ, meta yanepɨtiuyuri kemɨmatinake». Hikɨ 'ana 'Etsekiyaxi kaniutitsuani waɨkawa yuhiwerietɨ.

1 Te'aitamete 2:4

Yawé, kaneye'atɨamɨkɨ 'ipaɨ kemɨnetiutahɨawixɨ: “Xɨka 'anuiwarima 'aixɨa mete'u'uwani, xɨka yu'iyarikɨ yametekahuni, mɨpaɨ 'anuiwarima xeikɨa mepanuti'uweni 'ixaheritsixi metewa'aitɨatɨ”.

Hutarieka 'inɨari 28:9

»Yawé pɨxekayatsa teɨterimama xemɨpatsie xemɨhɨkɨtɨnikɨ mɨkɨ kemutayɨ, xɨka heitseriemekɨ yaxetekahuni 'aitsikayatsie meta xɨka huyeya 'utɨa xe'uhuni.

Hutarieka 'inɨari 13:4

Yawé 'akakaɨyari xeikɨa pepayexeiyani meta mɨkɨ xeikɨa pepayemakaka. 'Aitsikateyatsie yaketinekamieni, keneu'enieka meta ketine'uximayatsirieka meta hetsiena ketinewiyani.

Hutarieka 'inɨari 5:33

Huye 'utɨa xekeneuhuni Yawé xekakaɨyari mɨxe'uta'utɨiri, xemayenenierenikɨ, 'aixɨa ti'aneme xemɨte'ukaxexeiyanikɨ meta mɨixa xemu'uwanikɨ kemɨ'ane kwieyaritsie xemɨ'axɨani.

Memeyekɨ 16:4

Hikɨ Yawé mɨpaɨ Muitsexi katiniutahɨawe: «Yanepɨtiyurieni mɨkawiyekɨ paa muyuawitsie mieme. 'Ixaheritsixi yunaitɨ meke'ikuteɨxɨni xeitukaritsie mieme yuxexuitɨ, nekaniwata'inɨatamɨkɨ xɨka 'aku yametekakɨnikuni yatɨ pɨtikatixaɨ.

Tsutɨarika 5:24

'aixɨa mɨtiyurienekaikɨ Kakaɨyari hamatɨa, kaniutatɨmaiyarieni Kakaɨyari meiwitɨkɨ.

1 Kurinitutari 7:17

Mɨkɨ xeikɨari, Ti'aitame kemɨtiwarupitɨa yuxexuime, keme'anenetɨ 'amemu'uwakai yuxexuitɨ kepauka Kakaɨyari mɨwaruta'initsie, mɨpaɨ me'anenetɨ meke'u'uwani. 'Ipaɨ nekatiniwa'aitɨaka yunaitɨ memeyutixexeɨriwa naitsarie.

Tsutɨarika 5:21

'Enuki pexeiyakai haika tewiyari heimana 'auxɨwime wiyari kepauka Matutsareni mayexei.

Tsutɨarika 5:23

'Enuki kaniuyurieni haika tsienituyari heimana haika tewiyari heimana 'auxɨwime wiyari,