Tsutɨarika 49:9 - Kakaɨyari Niukieya

⁹ Neniwe Kura, maye temaikɨ hepaɨ pepɨ'ane, maxa muwiyarie mɨkwa'a hepaɨ. Maye 'amɨpa hepaɨ, pe'itakwaka pehakunuaka pemanuhuputsie pekaniyuhayewa. Maye 'uka hepaɨ, xewitɨ pɨkayɨwe mɨmatsi'uximatɨanikɨ.

Tsutɨarika 49:9 ပူးပေါင်းရင်းမြစ်များ

'Inɨatsie 24:9

Maye 'uki hepaɨ kanakatutsitani, maye 'ukaratsi hepaɨ 'akaniuhupuni: ¿kemɨ'ane ka'ukamatɨ piyehaxɨatɨawe? 'Aixɨa meke'itɨarieka 'aixɨa memɨmatsiyurie. 'Axameke'itɨarieka 'axamemɨmatsiyurie».

Matsiɨkɨtɨ kemɨratɨa 5:5

Mɨkɨ 'ukiratsi xewitɨ mɨpaɨ kanetiniutahɨawe: «Pepɨka'utatsuakani, neuxei maye hepaɨ mariwetɨ Kura nuiwarieyatsie mieme Rawiri kie Nana mutine, mɨkɨ pɨrayu'iwaxɨ, mɨkɨtsɨ kaniyɨweni xapa manutayepienikɨ, meta 'atahutame tseyuyari maxɨnaxɨanikɨ».

'Inɨatsie 23:24

'Ikɨ teɨteri, xeimieme mekanixatani maye 'uka hepaɨ, mɨkɨ maye 'uki mɨtikuwaɨne hepaɨ. Pɨkaka'uxipieni tita mɨtikuweiyane 'i'axemeke mɨwakwini waxuriya ha'iemeke».

Mikeyaxi 5:8

Kakuwu nuiwarimama memuyuhayewa nuiwarite watsata, yumɨireme teɨteri watsata, maye yeutarite watsata kemɨtiyumate mɨkɨ hepaɨ mepɨ'aneni, maye temaikɨ muxatsi watsata kemɨtiyumate hepaɨ, kepauka watsata meutahani puwatixutsina meta puwatikwa'a, nixewitɨ wahetsie mɨtanuani mɨkayɨwekɨ.

'Utseyaxi 5:14

Ne maye nepayani 'Epɨrahini hetsiemieme, maye nunutsita Kura hetsiemieme. Ne nekɨmana nekaniwatitsanamɨkɨ, meta nekaniyemieni, nemiwiyaxɨ ne'atɨtɨ, nixewitɨ pɨkayɨweni mɨnetsi'unawairieni.

'Etsekieri 19:5

Kepauka maamaya maye 'ukaratsi, yuniwe takwewietɨ muyutatexi, xeimeta kananayexeiya, kwinie rayu'eriyame matsi kanayeitɨani.

1 Kurinitutari 15:24

'Arike naitɨ katinitaparimɨkɨ, kepauka Kɨritsitu kemɨti'aita mɨyetuanitsie, 'ukiyarieya mɨti'aitanikɨ Kakaɨyaritɨtɨ. Yakatiniyetuiriemɨkɨ waka'uname yunaitɨ memɨte'aita, yunaitɨ heitserie memexeiya tɨrɨkariya memexeiya.

'Utseyaxi 5:4

»'Axakememɨteyurie pɨkawapitɨa Kakaɨyari hetsɨa memɨ'axɨani, mepɨkayumaiwawe 'axamemɨteyuriekɨ hipame wa'ɨitama memɨwakumaɨwakɨ mepɨkayɨwawe Yawé memetimanikɨ.

Hutarieka 'inɨari 33:20

Kahari hetsiemiemeta mɨpaɨ kaniutayɨni: «'Aixɨa ke'itɨarieka kemɨ'ane Kahari kwieya 'amɨtayeuriya. Kahari mana puyeika maye hepaɨ, mamate wayetsanatɨ meta mu'ute.

1 Te'aitamete 10:20

meta 'imɨmɨitsie 'ataxewimexɨa manukuhetsie mepa'utɨkatei mayetsi tamamata heimana huta meyupaɨmetɨ me'anuyutaxeiyatɨkaitɨ. Tawari xeime kwieyaritsie hepaɨna ti'anetɨ pɨkatitawewiyawekai.

2 Kemɨtiuyɨ 9:18

'Uweni yuhetɨa peixeiyakai 'imumɨi 'amatayewa 'ataxewimexɨa panukuhetei mana mutiyeikanikɨ, 'uweni hetsiena mawekai hurukɨ puwewiyakai, pamamatɨkatei, xexuime mamateya 'aurie mayetsi yuxexuitɨ mepeuti'utɨkatei,