Tsutɨarika 49:6 - Kakaɨyari Niukieya

⁶ Ne wahetsɨa nepɨkaheu'ixɨaramɨkɨ. Kapa 'axatiyuruwame hepaɨ netiuxeiyarienikɨ. Yuhaxɨakɨ teɨteri mepɨwarukwi, mewaikatɨwetɨ tuurutsixi mepɨwarutixite wa'ɨkatetsie.

Tsutɨarika 49:6 ပူးပေါင်းရင်းမြစ်များ

Tsutɨarika 34:30

Hikɨ Kakuwu mɨpaɨ katiniwarutahɨawe Tsimehuni Rewi mame: —Waɨkawa 'uximatɨarika xepɨnetsiheutiwiwiriexɨa. Hikɨ 'ena mɨtiyehane kananeutsixi, peretseutsixi, 'enakiekatari yunaitɨ, menetsi'aye'unietɨ mepakɨne. Xɨka mɨkɨ me'uyukuxeɨrieni menetsi'utamieni, mepɨnetsimieni netɨɨriyama yunaime mepɨwakwini, waɨkawa teɨteri nepɨkawarexeiya.

Nɨawari 26:9

Kepauka nemɨmɨni, 'axateyuruwamete meta teyumiekate wahamatɨa pepɨkanetsi'inɨatani,

Nɨawari 16:9

'Ayumieme ne'iyaritsie nepuyutemawie, netaɨta naitɨ nepuyutemawie, 'ayumieme ne'iyarikɨ yuri neti'erietɨ 'anepuyeika.

2 Kurinitutari 6:14

Yuri memɨkate'erie wahamatɨa xepɨkayuxewiriyani. ¿Titari rexeiya mɨtiheitserie meta tita 'aitsika mɨtititsana hamatɨa? ¿Ketiyuxewi hekɨariya yɨriya hamatɨa?

Rukaxi 12:19

'Anari ne'iyaritsie mɨpaɨ nepɨtinekɨhɨaweni: Ne'iyari 'aku, waɨkawa piinite pekatiniuti'uta mɨixa wiyaritsie mieme. Kene'uxipieka ketinekwaka ketine'ieka pe'atemawietɨ”.

Keremiyaxi 15:17

Ne 'ixɨararitsata memɨ'iyamatɨka nepɨkawatinɨiwe, meta wahamatɨa nepɨkanetitemawiwe 'akuxi, nexaɨtame nepuyeika, nehamatɨa pemuyeikakɨ meta pekaneniuyehaxɨatɨani wahepaɨtsita.

Keremiyaxi 4:19

Waɨkawa nepɨnehiwerie, nepɨtiuka'eniwa. Kukuiniya pɨnetsi'uta'ɨimura. Ne 'iyari puwatayuane. Xɨa'ui ne'iyari. Kayuwatɨ nemɨtiuyerɨni nepɨkayɨwe. Nepi'enie 'awa metahɨtsieriwa meta hiwari mɨrayukwine mieme.

Nɨawari 64:2

Keneneuti'awieta mɨkɨ Kakaɨyari memɨka'ayexeiya memɨnetsi'uweiyakɨ, mɨkɨ 'axamemɨte'u'iyari wahɨxie.

Nɨawari 57:8

Ne 'iyari, kenanutanieri. Kanari meta xaweri xekenanutanenieri. Hekwame tukari tepanutahɨtɨani.

Temaiwawemete 12:5

Teɨteri heitseriemekɨ yamemɨtekahu kememɨteku'eriwa pɨheitserie, matsi 'axatiyuruwame 'ɨxatsieyatsie 'itarika xeikɨa puxuawe.

Temaiwawemete 1:11

Xɨka mɨpaɨ memetehahɨaweni: «Kɨmɨ tahamatɨa kenemie. Xeime tepuhupieni tsepa 'atsimɨkatiuyuri tepeimieni yakɨxeikɨa.

Nɨawari 139:19

Kakaɨyari, xɨka 'axateyuruwamete pewarukwinike 'aixɨa pɨ'anenikeyu. Teɨteri memɨteyumemiwa nehamatɨa memɨka'u'uwanikɨ yapetiuyurienike,

Nɨawari 103:1

Ne'iyarikɨ Yawé nepɨnɨawani, ke'inɨawani naitɨ newaiyari patsietɨ kemɨtitewakɨ.

Nɨawari 43:5

¿Titayari yɨkɨ netinekɨhɨaweni? ¿Titayari netine'uximatɨaka? Matsi Kakaɨyari hetsie nepɨtiwiyani, meta nepinɨawani. Mɨkɨ pɨnetsiwikweitsitɨwame meta pɨnekakaɨyari.

Nɨawari 42:11

¿Titayari yɨkɨ netinekɨhɨaweni? ¿Titayari netine'uximatɨaka? Kakaɨyari hetsɨa timieme matsi nepɨtitakwewieka, meta nepinɨawani. Mɨkɨ netsiwikweitsitɨwame kanihɨkɨtɨni meta nekakaɨyari.

Nɨawari 42:5

¿Titayari yɨkɨ netinekɨhɨaweni? ¿Titayari netine'uximatɨaka? Kakaɨyari hetsɨa timieme matsi nepɨtitakwewieka meta nepinɨawani. Mɨkɨ pɨnetsiwikweitsitɨwame meta pɨnekakaɨyari.

Nɨawari 30:12

nemetsitanɨawakɨ, 'ahetsiemieme 'aixɨa nemainenikɨ, ne kayuwatɨ nemɨka'umakakɨ. Yawé nekakaɨyari, ne yuheyemekɨ pamɨpariyutsi nepɨmatsipitɨaka.

Nɨawari 28:3

Pepɨkanetsihehanani 'axamemɨte'u'iyari wahamatɨa, 'axateyuruwamete wahamatɨa, 'aixɨa memutekuxata yuhepaɨ teɨteri wahamatɨa, peru yu'iyaritsie 'axamɨti'ane metexeɨrietɨ.

Nɨawari 5:10

Keniwaranutaxɨri, Kakaɨyari, kememɨteyukɨhɨawekɨ mɨkɨkɨ mekeheyukaxɨrieni. Pepɨkawanaki'erieka yuwaɨkawa memuwarukwikɨ, mematsi'aye'unietɨ memakɨkɨ.

Nɨawari 1:1

'Aixɨa kani'itɨarieka tewi kemɨ'ane 'axamemɨte'u'iyari wa'ɨxatsi mɨka'enie, meta 'axamemɨteyurie wahuyeta mɨka'umie meta 'axamemɨteniniuki wahamatɨa mɨkayuxewiriya,

'Itsɨkate 5:21

Haa kwinimieme mɨtitɨrɨkaɨye Kitsuni kaniwarehautsitɨani, haa xeiya muhane meripaimieme, Kitsuni kwinimieme mɨtitɨrɨkaɨye. Keneumieni, ne'iyari, 'atɨrɨkarima.

Hutarieka 'inɨari 27:24

“'Axake'u'itɨarieni kemɨ'ane yuhepaɨ tewi mumieni 'awie”. Yunaitɨ teɨteri mɨpaɨ meke'utiyuani: “'Aixɨa pɨ'ane”.

Kutsuhexi 11:9

Kutsuhexi katinaye'atɨani Yawé kemɨrehɨawekai: Memɨwaraye'unie wakawayutsixi wa'ɨkate tatayaritsie kaniwarutiwiteni meta wakaxetate kaniutitaiya kɨmana memɨyukwitɨwekai.

2 Tsamuheri 8:4

Rawiri xeimiriyari kaxetatsixi kaniwarunawairieni, 'atahuta miriyari kawayutsixi wahetsie memutei, meta xeitewiyari miriyari kuyaxi yɨ'ɨkama memuhukai meta kawayutsixi mekaniwarutiwiteni wateuritetsie naitsata matsi xeitsienituyari kaxetatsixi wahetsiemieme kaniwaruhayewa.

1 Kemɨtiuyɨ 18:4

Rawiri kaninawairieni xeimiriyari kaxetate kuyaxa miemete, 'atahuta miriyari kuyaxi memutei kawayutsixi wahetsie, meta xeitewiyari miriyari kuyaxi yu'ɨkama memuhukai, meta kawayutsixi tirutari puwaruti'ɨkamɨraxɨa, puwaruhayewaxɨ xeikɨa xeitsienituyari kaxetate wahetsiemieme.