Tsutɨarika 48:19 - Kakaɨyari Niukieya

¹⁹ Perutsɨ paapaya yapɨkatiutanaki'eri. Mɨpaɨ katinitahɨawe yuniwe: —Ne nepɨtimate Manatsexi kiekarieya mariwetɨ kanayeimɨkɨ, matsi mutaya pɨta waɨkawa kanitaxiɨmɨkɨ, nuiwaritemama kiekari makate mekanakɨnikuni.

Tsutɨarika 48:19 ပူးပေါင်းရင်းမြစ်များ

Hutarieka 'inɨari 33:17

Kutse pɨmariwe tuuru mexɨakame hepaɨ, pɨtɨrɨkaɨye tuuru yeutanaka hepaɨ. Yu'awatekɨ pɨwatakwini nuiwarite hipame, pɨwakuxeɨrieni kwie manunieretsie paitɨ. Mɨpaɨ mepɨtetɨrɨkawi Manatsexi kuyaximama, meta 'Epɨrahini kuyaximama memuyuwaɨkawa».

Tsutɨarika 25:28

'Itsahaki matsi waɨkawa 'Etsahu kaninaki'eriekaitɨni, minakekaikɨ xɨ'erikaya mɨtikwaka, Xeweka matsi Kakuwu waɨkawa kaninaki'eriekaitɨni.

Matsiɨkɨtɨ kemɨratɨa 7:8

Tsawuruni nuiwarieyatsie miemete tamamata heimana huta miriyari, Kutse nuiwarieyatsie miemete tamamata heimana huta miriyari, Wenikamini nuiwarieyatsie miemete tamamata heimana huta miriyari mekaniutseyumarieni.

Matsiɨkɨtɨ kemɨratɨa 7:6

'Atseri nuiwarieyatsie miemete tamamata heimana huta miriyari, Nepɨtahari nuiwarieyatsie miemete tamamata heimana huta miriyari, Manatsexi nuiwarieyatsie miemete tamamata heimana huta miriyari,

'Etsekieri 27:10

Teɨteri Peritsiya kiekatari, Ririyatari meta Puti kiekatari 'akuyaxi wahamatɨa mepaye'ukai. 'Aixɨa mepɨmatsi'ukuyuri yuhetsie nunuwamekɨ meta kuya xupureruyakɨ, mɨkɨ mepihekɨatakai kepemɨtimariwekai.

Kitsariyaxi 7:17

»Yawé 'ahetsɨa kani'atɨamɨkɨ, meta 'ateɨterima wahetsie metatsiere 'apaapa nuiwarimama wahetsie, hatsuaku mɨkatiyɨwekai hepaɨ kepauka 'Epɨrahini Kura hamatɨa memeyutaxɨriexɨatsie paitɨ, karikɨ mɨkɨ 'Atsiriyatsie ti'aitame kanita'inimɨkɨ».

Hutarieka 'inɨari 1:10

Yawé xekakaɨyari kanixe'utimɨiriya, 'ayumieme hikɨ xekaniyuwaɨkawani xurawetsixi muyuawitsie miemete wahepaɨ.

Tsutɨarika 48:14

Peru wateukari 'Ixaheri yutanenenewienike yumamate kaniupataxɨani, 'Epɨrahini hetsɨa yutseriekɨ heimana kaneutimeni tsepa 'etsimutewikai, Manatsexi hetsɨata yu'utata miemekɨ pɨtiunakixɨ tsepa mɨmatsikayatɨkai.

Tsutɨarika 17:4

«'Ikɨ tɨratu 'ahamatɨa nekaniwewieka: 'Ekɨ yumɨireme nuiwarite wapaapa pekanayeimɨkɨ.

Tsutɨarika 28:14

Mɨkɨ yumɨiretɨ mepakɨne kwie tumuanariyari hepaɨ. 'Amepɨtayeure 'ayeta, 'atsutɨa, 'atserieta, 'a'utata meye'atɨkaitɨ meta yunaitɨ nuiwarite kwiepa memɨtama 'aixɨa mepɨ'itɨarieni 'ekɨ 'akɨmana meta 'anuiwarima».

Tsutɨarika 46:3

Kakaɨyari mɨpaɨ katinitahɨawe: —Ne Kakaɨyari nepɨhɨkɨ, 'apaapa Kakaɨyarieya. Pepɨkaheumaka 'Ekipitu pemɨyemiekɨ. Matsi ne yumɨireme nepɨxe'ayeitɨani, mana xehekutekaku.

Tsutɨarika 48:18

mɨpaɨ rehɨawetɨ: —Nepaapa, tixaɨ mɨpaɨ neniwe 'amɨyumate, Manatsexi pɨhɨkɨ. 'Atserieta miemekɨ mana pɨta keneutime'i.

Tsutɨarika 25:23

Mɨkɨ mɨpaɨ katinita'eiya: «'Ahukatsie huta nuiwariyari mepɨyetei, huta nuiwariyari 'ahukatsie meyetetɨ mepayuye'unie. Xewitɨ tɨrɨkaɨyetɨ kanayeimɨkɨ xewitɨta hawaikɨ, 'amɨyumate yutaru katinita'uximayatsiriemɨkɨ».