Tsutɨarika 47:24 - Kakaɨyari Niukieya

²⁴ Kepauka 'itsanaxa mayani, 'auxɨwimexɨa tixeɨriekame xepɨtiwewieni yaxeikɨa papaɨmeme, xeime Parahuni xekaniyetuiriekuni, xemerita naukame xemɨtekwakakɨ, meta xemɨka'enitsiemieme.

Tsutɨarika 47:24 ပူးပေါင်းရင်းမြစ်များ

Tsutɨarika 41:34

'Ekɨ Parahuni mɨpaɨ ketineuyuri, keniwarutihɨawi nenieremete naitsarie 'Ekipitu, 'atahuta wiyari waɨkawa mɨtitixuawere 'itsanari 'auxɨwimexɨa tixeɨriekame, xeime xemɨti'utakɨ Parahuni hetsiemieme, naitsarie 'akwiepa.

Nɨawari 112:5

'Aixɨa pɨ'itɨarie kemɨ'ane mɨtiyuniniɨtɨwa piinite 'aixɨa 'anemekɨ, meta 'aixɨa 'anemekɨ yupiinitsie mɨti'uximaya.

Nɨawari 41:1

'Aixɨa pɨ'itɨarie kemɨ'ane memɨwerarani 'aixɨa mɨtiwaxeiya, Yawé hetsiena kanitanuamɨkɨ kepauka 'uximatɨarika hetsiena mɨye'ani.

Mawari 27:32

Tamamatatsie mieme xeime wakaxi meta muxa, tamamatatsie xewitɨ 'inɨaritɨ mɨkɨ kanipatsieka Yawé hetsiemieme.

Tsutɨarika 47:25

Teɨteri mɨpaɨ mekaniutiyuani: —'Ekɨ pepɨtatsi'utawikweitsitɨa, waɨkawa pepɨtatsi'uparewi. Parahuni te'uximayatsiriwamete tepɨhɨkɨtɨni.

Tsutɨarika 47:23

Hikɨ Kutse teɨteri mɨpaɨ katiniwarutahɨawe: —Hikɨtɨtɨ xeme meta xekwie, Parahuni hetsɨa xekanimiemetetɨni ne nemɨxe'utinanaikɨ. Kamɨ 'imɨari xekeneuka'etsa.

Tsutɨarika 14:20

Kakaɨyari 'Amutewi naimekɨmɨyɨwe pamɨpariyutsi nekanipitɨaka, mɨmatsi'uparewi memɨmatsi'aye'unie pemɨwara'iwakɨ». Hikɨ 'Apɨrami pɨtiyetuiri, tamamatatsie timieme xeime naime.

Tsutɨarika 14:21

Ti'aitame Tsuruma kiekame, mɨpaɨ 'Apɨrami katiniutahɨawe: —Neteɨterima keneneyetuiri, piinite ketinapitɨ.

Tsutɨarika 28:22

'Ikɨta tete 'anemitake Kakaɨyari kiiya kanayeimɨkɨ, naime tita Kakaɨyari mɨnetimini, nekaniyetuiriemɨkɨ tamamata hetsiemieme xeime».

Mawari 27:30

»Tamamatatsie mieme xeime naitɨ kwiepa mɨtiutixuawerixɨ, tsepa tita memɨte'uka'e 'uriyari ya'ikwaxi kɨyetsiemieme, Yawé hetsɨa katinimiemetɨni, mɨkɨ katiniyetuiriyarieka.

'Inɨatsie 18:21

»Rewitsixi nekaniwayetuirieka 'ixuriki tukiyarita memɨte'uximayakɨ, 'ixaheritsixi memɨteyetuaya tamamatatsie mieme xeime.

Hutarieka 'inɨari 14:22

»Xexuime wiyaritsie, xekatehatɨtɨmaiyatɨ, ketipaɨmeme xemɨtekaxeiya kwiepa yu'etsarita, tamamatatsie mieme xeime.

Hutarieka 'inɨari 26:12

»Haika wiyari 'anuyeyeikakaku tamamatatsie mieme xeime kepemɨtiyetuaya, 'ana pepikuxeɨrieni yaxeikɨa peru xepɨka'iyetuani Yawé hetsɨa, xepiyetuani pɨta yukiekaritsie rewitsixi, 'ateewa kiekatari, nutuite meta wiuraxi wahetsiemieme, 'akiekaritsie mɨkɨ memɨtetikwanikɨ meta memɨtihuxanikɨ.