Tsutɨarika 45:6 - Kakaɨyari Niukieya

⁶ Huta wiyari panuyemie, 'ena mepɨte'uka'eniwa haakakɨ. Peru 'akuxi peuyewetse 'auxɨwime wiyari mepɨka'uka'etsani mepɨka'uka'itsanani.

Tsutɨarika 45:6 ပူးပေါင်းရင်းမြစ်များ

Tsutɨarika 47:23

Hikɨ Kutse teɨteri mɨpaɨ katiniwarutahɨawe: —Hikɨtɨtɨ xeme meta xekwie, Parahuni hetsɨa xekanimiemetetɨni ne nemɨxe'utinanaikɨ. Kamɨ 'imɨari xekeneuka'etsa.

Tsutɨarika 41:56

Kepauka yuwaɨkawatɨ memɨyehaakakwitɨwekai, Kutse katineuyepieni tɨriku mɨwa'utɨkaitsie watuirienike 'ekipitutari.

Tsutɨarika 41:54

Kutse kemutayɨkai haakaxa kaniuyutsutɨani 'atahuta wiyari, haakaxa kanayani naitsarie kwie mumanetɨkateitsie. 'Ekipitu kwieyaritsie xeikɨa puxuawekai, Kutse mɨtiuta'aitakaikɨ mɨtiti'utsienikɨ.

Kitsariyaxi 30:24

Tuurutsixi meta puxuri memɨte'uximaya 'aixɨa 'aneneme mume 'etsime mekanitikwaikuni, nakitsaraɨkɨ meta parakɨ teikɨ mewiwiya.

1 Tsamuheri 8:12

Kuyaxi tewa'aitɨwamete mekanayeitɨariekuni meta kwietsanamete, 'itsanamete, kuyaxi wa'ixiparate wewiwamete, yaxeikɨa tita naime memɨtekumaɨwa kuyaxi.

Hutarieka 'inɨari 21:4

Mepenuhana xaɨtsie mayeweritsie hatsuaku kwietsanarita mɨka'ayeiwetsie meta mɨkatiwaka 'iteɨtsiewetsie, meta haa yarexuawekaku, muwapaitɨ kɨipieya mepuwamura.

Memeyekɨ 34:21

»'Ataxewime tukaritsie xeikɨa pepɨti'uximayaka, 'atahutariekatsie pekani'uxipiekamɨkɨ. Tsepa xemukwietsanatɨwe tsepa xemɨ'itsanatɨwe, peuyewetse mɨkɨ tukaritsie yemekɨ xemɨkate'uximayaka.

Tsutɨarika 47:18

Hairieka wiyaritsie Kutse mɨpaɨ mekateniutahɨawe: —'Ekɨ pepɨti'aitame, temɨte'anukanaka pɨkayɨwe, pɨrata tepɨkahexeiyari, tatewama 'atewama mepɨhɨkɨri, tixaɨtɨri tepɨkatehexeiya. Tame xeikɨari meta kwie temexeiya.

Tsutɨarika 37:2

'Ikɨ pɨhɨkɨ 'ɨxatsi yuri maine, yaxeikɨata Kakuwu, tɨɨriyamama wahepaɨtsita kemɨtiuyɨ. Merikɨtsɨ kepauka Kutse tamamata heimana 'atahuta wiyari mɨhɨkai, yu'iwama kaniwaparewienekaitɨni, Wiriha Tsiripa watɨɨriyama, muxatsi wahɨiyarikɨ. Mɨkɨ Kutse yupaapa katinikuxaxatɨwakaitɨni 'iwamama 'axakememɨteyuriekai.

Tsutɨarika 41:46

Xeitewiyari heimana tamamata kanihɨkaitɨni Kutse kepauka mɨtiukatsutɨa ti'uximayatɨ ti'aitame tsiemieme. Kutse Parahuni hɨxie kaniutateuta, kaneyani 'Ekipitu kwieyaritsie, kanikuniere.

Tsutɨarika 41:53

Hikɨ 'atahuta wiyari 'aixɨa mɨtiwiyekekaitsie kanaye'ani.

Tsutɨarika 41:35

'Ekɨ Parahuni peti'aitakaku, mɨkɨ nenieremete meke'ikuxeɨrieni 'ikwai 'aixɨa mɨtixuaweretsie mieme, meke'iti'uta naitsarie kiekaritetsie, 'ikwai xemexeiyanikɨ mɨtiumawenitsie.