Tsutɨarika 41:42 - Kakaɨyari Niukieya

⁴² 'Ana kwitɨwa Parahuni yuhanira 'anutihɨnaka Kutse 'itɨwameyatsie kanekamanirieni, katiniuta'aita memenakatɨtɨanikɨ kamixa witsimɨ'ane meta huru kukayari mepetitɨtɨa kɨipitɨana.

Tsutɨarika 41:42 ပူးပေါင်းရင်းမြစ်များ

Tanieri 5:29

Hikɨ Weritsatsaxi katiniuta'aita Tanieri 'ixuriki mɨyɨtsikimaɨyekɨ mɨtikemaritɨarienikɨ, huru kukayari makatɨtɨarienikɨ meta hairieka mieme kuwexinarurikɨ manayexeiyarienikɨ.

Tanieri 5:7

Hikɨ katiniuta'aita mara'akate, muyuawitsie timiemekɨ memɨteyɨ'ukitɨa meta memɨtehetimamateke hɨxiena memɨ'axɨanikɨ, mɨkɨ temaiwawemete Wawiruniya kiekatari mɨpaɨ katiniwarutahɨawe: ―Kemɨ'ane huta ma'uxa makaterɨwa meta mɨnetsitahekɨatɨani kehepaɨtɨtɨ manɨyɨne, ne 'ixuriki mɨyɨtsikimaɨyekɨ nekanitikemaritɨamɨkɨ, huru kukayari nekanekatɨtɨamɨkɨ meta hairieka mieme kuwexinarurikɨ nekanenayexeiyamɨkɨ.

'Etsitexi 3:10

Hikɨ ti'aitame hanira tseyuyari yumamatsie 'anutihɨnaka 'Amani kaniu'ɨitɨani Hamerata nu'aya, 'Akaki nuiwarieya meta huriyutsixi mɨwaraye'unie.

Tanieri 5:16

Mɨpaɨ nepɨtikɨhɨawarɨwa kename 'ekɨ petihekɨatawe meta kename mɨtikwaniwetɨka 'aixɨa perakayuruwa. Xɨka pehekaterɨwa meta pe'itahekɨata huta kemɨre'uxa, 'ixuriki mɨyɨtsikimaɨye nepɨmetsi'anakatɨtɨani, huru kukayari nekamenakatɨtɨamɨkɨ, meta hairieka mieme kuwexinarurikɨ nekamenanukakemɨkɨ.

'Etsitexi 8:2

Ti'aitame yutseyu hanirayari kananutihɨna, 'Amani mekamakai, Maxirukeyu kaniu'ɨitɨani. 'Etsitexi 'Amani mɨra'aitakaitsie Maxirukeyu pɨta katiniuhɨritɨani meta piiniteya.

'Etsitexi 8:15

Maxirukeyu kaniwayeyani ti'aitame hɨxie 'aixɨa rekemaritɨ muyuawi, mutuxa meta huru kurunayari 'ayeukame 'anamatɨ, meta rinu 'ixurikiyari taɨraɨyeme 'anatatɨtɨ. Tsutsa kiekariyaritsie mekaniutihiwakaitɨni meyutemamawietɨ.

'Etsitexi 8:10

Maxirukeyu 'aitsika naka'utɨani ti'aitame 'Atsuheru kename haine hanirayakɨ 'ititseyumaka, ti'aitame tupiritsiximama kaniwareutanɨ'axɨani naitsarie, kawayutsixi kurarutana miemete kwinimieme memayɨwawe wahetsie me'utekame.

'Etsekieri 27:7

Rinu 'ixurikiyari 'Ekipitu mieme mɨtixutɨkakɨ 'eka kwekwewiwame meputiwewi, mɨkɨkɨ 'apatera pepayeitɨa. Haramara tetsita 'Eritsaha kwieyaritsie mieme, 'ixuriki mɨyɨtsikimaɨye meta mɨxeta pɨ'atɨarie 'akiitsie meuwɨre.

Kwikari 1:10

Witsipɨtiyuxexeiya 'a'aurite meta kepemɨti'akutsa'a. 'Akɨipi witsipɨtiutimerɨka 'akukakɨ.

Temaiwawemete 31:24

Rinu kemariyari wewietɨ kanituaka, meta hɨiyamete mɨtiwewiyatɨka tetuayamete katiniwatuirieka.

Temaiwawemete 31:22

'Itsiwame yukɨmana mɨkɨ kanitiwipani, meta rinu 'ixurikiyari 'aixɨa mɨ'anene kanitiwewiwani menakatɨkɨnikɨ meta mɨyɨtsikimaɨye.

'Etsitexi 8:8

Hikɨta xapa xekeneutawewi, ne kename nehaine, huriyutsixi wahetsiemieme kemɨxetinake, xekeneutseyuma ne nehanirakɨ. Xapatsie raka'utɨariekame kename ne nehaine meta tseyumariekame nehanirakɨ, 'anari xewitɨ mikupatani pɨkayɨweni.

'Etsitexi 3:12

Mexɨakame metseritsie tamamata heimana hairieka tukaritsie mekaniuta'inierieni te'utɨwamete ti'aitame hetsɨa memɨte'uximaya. Mekatenaka'utɨani kiekari mukumane wa'utɨarikakɨ meta waniukikɨ kemɨtiwa'aitɨakai, 'Amani ti'aitame mɨtiwa'aitɨakai kwie mukumanetsie te'uximayatamete yɨkɨ memɨte'uniuka muwa memɨte'uximayakai kuwexinaruritsixi meta wa'ukiyarima. Naitɨ katinaka'utsieni kename ti'aitame 'Atsuheru haine, meta kanititseyumani ti'aitame hanirayakɨ.

Rukaxi 15:22

Paapaya matsi mɨpaɨ katiniwarutahɨawe te'uximayatamete: “Xeiya 'aixɨa, 'ixuriki matsi 'aixɨa mɨ'ane xekenanakatɨtɨa, hanira xekenakamaniri mamayatsie, meta xekeneukakaitɨaxɨa.

Temaiwawemete 1:9

Mɨpaɨ xɨka yapetikamieni 'amu'utsie witsimɨ'ane pemanakeka hepaɨ pepɨ'aneni, meta kuka pematitɨkɨni hepaɨ pepɨ'aneni.

'Etsitexi 10:3

Huriyu tewiyari Maxirukeyu mariwetɨ kanayani yuteɨterima wahetsiemieme, hutarieka mieme ti'aitame kanayani 'Atsuheru 'utɨa. Yumɨiretɨ 'aixɨa mekatenixeiyakaitɨni, yuteɨterima mɨwaparewieka minakekaikɨ 'aixɨa 'anemekɨ memu'uwanikɨ.

Tsutɨarika 38:18

Kura mɨpaɨ katinita'iwawiya: —¿Ketitakuta pereuyehɨwa nemɨreukapine? Tamaxi mɨpaɨ katinita'eiya: —Kena 'atseyu wiwierimakame meta 'a'itsɨ pemakwe'e. Kura katiniyetuirieni, hamatɨana kaniukahuni, mɨkɨ kanitihukatɨani.

Tsutɨarika 41:43

Hikɨ yuparewiwame kaxetayatsie kanenutiyeni, teparewiwamete me'utihiwakaku ya'ane mewapitɨakaku yunaitɨ mekaniukatunuma'uwekaitɨni hɨxiena. Kanihɨritɨani 'Ekipitu kwieyaritsie naime.

1 Tsamuheri 18:4

Yu'ixuriki menakuwiekai 'enakuhurieka Rawiri kaniuhuritɨani, yukamixa kanihuritɨani meta 'ixipara, yuhɨiyame yutupi naime katiniyetuirieni.

Nɨawari 73:6

Kememɨteyuti'ɨre kuka memakatɨtɨkani hepaɨ mepɨteyuxexeiya kememɨtewananaima 'ixurikikɨ kememɨte'anuyuku'eima hepaɨ mepɨ'anene.

Kwikari 4:9

Ne'iyari pepɨhɨa, ne'iwa 'uka nemetsihahɨawe, xeihɨxiyarikɨtɨtɨ penetsi'uxeiyaku, 'akuka xeiwiwierikɨ ne'iyari pepɨhɨa.

Keremiyaxi 52:33

Kuhakini yu'ixurikite tiuku'eirieka katsariyanata mieme, kemɨreuterixɨ 'a'uyeikatɨ ti'aitame mexayatsie katinitikwa'akaitɨni.

Kitsariyaxi 3:23

xikɨrite, 'ixurikite 'aixɨa mɨ'anene, mukuretsi meta xikurite.