Tsutɨarika 4:14 - Kakaɨyari Niukieya

¹⁴ Hikɨ pepɨnetsi'ayewei, tawarita 'ahɨxie nepɨka'uyeikani. 'Ena kwiepa nepuyeikani neyuku'awietanetɨ yu'uname hepaɨ, xewitɨ xɨka netsihanukunake pɨnetsihemieni.

Tsutɨarika 4:14 ပူးပေါင်းရင်းမြစ်များ

'Inɨatsie 35:19

Mumierie 'iwaya tiyumiekame pukuwaune. Kepauka mikaxeiya kanimiemɨkɨ.

Nɨawari 143:7

Yawé, yapauka keneneuta'eiya, 'ari netukari pɨtixɨxime. Pepɨkanetsiwarixiwiyani, xɨka mɨpaɨ pe'aneni, mɨwatixawata memeukakɨka wahepaɨ nekaniyɨmɨkɨ.

Temaiwawemete 28:1

'Axatiyuruwame kaniuyu'unarɨmeni tsepa xewitɨ mɨka'iweiya, matsi heitseriemekɨ yamɨtikamie kayuwatɨ 'apuyeika maye hepaɨ.

Hutarieka 'inɨari 28:65

Mɨkɨ kiekaritetsie 'uxipiya xepɨkahekaxeiya meta kayuwatɨ pɨkahemaka. Yawé xe'iyari pe'uximatɨaka, xehɨxite peti'uxe tixeiyamɨtɨ, xe'iyari petiwaɨripieni ta'ikwewatɨ.

2 Tetsarunikatari 1:9

Mɨkɨ mɨpaɨ memɨ'anene kememɨte'anutaxɨriyani, wahetsie tininakimɨkɨ memɨka'unarienikɨ yuheyemekɨ, Ti'aitame hɨxieya mekaxeiyatɨ meta tɨrɨkaɨyetɨ kemɨtimariwe meka'ixeiyatɨ

Mateu 25:46

»Mɨkɨ mekaniyehuni yuheyemekɨ mema'uximatɨariekatsie, meta mɨkɨ heitseriemekɨ yamemɨtekahu tukari 'atsimɨkayɨwe maxuawe mekaniyehuni».

Keremiyaxi 52:3

Yawé waɨkawa 'uyeha'aka, Kerutsareme meta Kura pɨwarexɨri hɨxiena memɨka'u'uwanikɨ. 'Ikɨ naitɨ mɨpaɨ katiniɨyɨni Kerutsareme meta Kura kwieyaritsie. Tserekiyaxi, Wawiruniyatsie ti'aitame kiekame 'aye'unietɨ kanayani.

'Inɨatsie 35:27

meye'unie mimieni kaniyɨwemɨkɨ, hetsiena pɨkarahɨiyani xɨka mɨpaɨ tiuyurieni 'ateewa paitɨ 'uyeikakaku.

'Inɨatsie 35:21

yatɨni mihutsukɨ 'eye'unietɨ, kemɨ'ane mimi katiniyumiekametɨni mɨkɨta ke'umierieni. Mumierie 'iwaya tiyumiekame pukuwaune. Kepauka mikaxeiya kanimiemɨkɨ.

Mateu 25:41

»Hikɨ mɨpaɨ pɨtiwatahɨaweta mɨkɨ 'utatana memɨti'uka: “Xekenehu nehetsɨa xepɨkayuhayewani, xeme haxɨa xehetsie pɨtiunakixɨ, tai yuheyeme mɨta'atsie xekenehu Kauyumarie hetsiemieme meta niuki tuayametemama wahetsiemieme mukuha'aritsietsie.

'Utseyaxi 13:3

'Ayumieme hai ximeri mieme hepaɨ me'anenetɨ mepakɨne, haɨtsi ximeri paitɨ manuku'eke hepaɨ, xatsi 'eka mei'enitsitɨwa hepaɨ, kɨtsi huxunuta matineika hepaɨ.

Kitsariyaxi 8:22

meta kwiepa mekanenieretɨ, 'uximatɨarika xeikɨa mepɨxeiya, yɨriya meta marika 'etɨriya tsata, mewatiyɨwitsie yuheyemekɨ mekaneukaxɨriyakuni.

Temaiwawemete 14:32

'Axatiyuruwame kanekawautseni yukɨmana 'axatiyurienetɨ, kemɨ'ane heitseriemekɨ yamɨtikamie tsepa mɨmɨxime pɨ'ɨwiyarieka.

Nɨawari 109:12

Mɨkɨ nutuite xewitɨ pɨkawanenimayaka, meta pɨkawanaki'erieka.

Nɨawari 109:10

Tɨɨriyamama meheu'uwatɨ xeikɨa meke'akɨne meta meteku'iwautɨwetɨ, teteɨxɨmete meke'akɨne kii mu'u'unita.

2 Tsamuheri 14:7

'Ayumieme ne'iwama yunaitɨ mekanenaye'unieka, ti'aitame ne ti'a'uximayatsiriwame. Mekaneniwawirieka nemiyetuanikɨ memimienikɨ mɨtiuyumikɨ, mɨpaɨ mɨrayukatuanikɨ yu'iwa kemɨtiumi, xɨka mɨpaɨ mete'uyurieni nexaɨtame mekanenihayewakuni. Yurikɨ mɨpaɨ nekanaineni xɨka mɨpaɨ mete'uyurieni nekɨna nuiwarieya kaneuyewemɨkɨ kemɨtitewakai 'ena kwiepa.

Mawari 26:36

»Keyupaɨmetɨ memuyukuhayewa, memɨwaraye'unie wakwietsie me'u'uwatɨ waɨkawa mekanimamakakuni, xatsi 'ekakɨ kuyuitɨariwakaku me'enietɨ mepuyuta'unani. Xewitɨ 'ixipara 'akwetɨ muwaruweiyani hepaɨ mekateniunanautsakuni, mekanekaxɨrikuni tsepanetɨ xewitɨ kawaruweiya.

Mawari 26:17

Neri nepɨkaxeparewieni xehetsɨa nekaninepatamɨkɨ, memɨxe'uweiya mekaxena'iwakuni. Memɨxe'aye'unie mekaxetenita'aitɨakuni, xeme pɨta xekaniyuta'unaxɨakuni tsepa xewitɨ mɨkaxe'uweiya.

Tsutɨarika 3:24

Waranuyeweiyaka, haraweri 'Ereni tau manatineika hepatsie Kakaɨyari teɨtametemama memayeneniere meta xeime 'ixipara takame naitsarie 'uyuaneme, huye mɨ'ɨwiyanikɨ kɨye tukari tiyupitɨwame hetsɨa meutayune.

Tsutɨarika 4:13

Kahini Yawé mɨpaɨ katiniutahɨawe: —Kwinimiemeri pepɨnetikwinitɨa nepɨkayɨweri neminewieka.

Hutarieka 'inɨari 28:64

»Yawé pɨxetaxɨriexɨani naitsarie xexuime kiekaritsie kwiepa kemakuyewa. Mana hipame kɨyexi meta tetexi kakaɨyarixiyari xepɨwarayexeiyani, xeme meta xetutsima memɨkawaretima.