Tsutɨarika 39:2 - Kakaɨyari Niukieya

² Hikɨ matsi Kutse 'aixɨa katini'uximayakaitɨni Yawé 'iparewiekaku. Kepauka 'ekipitutanaka ti'aitɨwameya hetsɨa mayekatei,

Tsutɨarika 39:2 ပူးပေါင်းရင်းမြစ်များ

1 Tsamuheri 18:14

Rawiri yakatinayu'iwakaitɨni tsepa hakewa memeyutakwi, Yawé hamatɨana 'uyeikatɨ miparewiekaikɨ.

Nɨawari 91:15

Mɨkɨ pɨnetsitahɨawe, neta nepita'eiya, hamatɨana nepuyeikani kepauka 'uximatɨarika mexeiyani, nekanixɨnamɨkɨ 'aixɨa nekatinitahɨawimɨkɨ.

Keremiyaxi 15:20

Ne yanekatiniyurimɨkɨ 'ikɨ teɨteri wahetsiemieme wurunitse mukawe mɨkaha'iwarie hepaɨ pemɨ'anenikɨ, mepɨmatsitamieni, peru mepɨkamatsiha'iwa, ne 'ahamatɨa nemuyeikakɨ nemetsitawikweitsitɨanike meta nemɨmatsixɨnakɨ —Yawé mɨpaɨ kanaineni—.

Tsutɨarika 26:28

Mɨkɨ mɨpaɨ mekatenita'eiya: —Mɨpaɨ tepɨtehetima Yawé 'ahamatɨa puyeika, mɨpaɨ tepɨteku'eriwakaku tɨratu tepɨwewienikeyu. Yurikɨ tepɨtahɨritɨanikeyu. Mɨpaɨ tɨratu tepuyurienikeyu:

Tsutɨarika 21:22

'Ana 'Awimereki 'Apɨrahami hetsɨa kaninuani, Pikuuri titewatɨ kaneteɨtakaitɨni kuyaximama wa'ukiyari, mɨpaɨ 'Apɨrahami katiniutahɨawe: —Mɨpaɨ tepɨtemate, Kakaɨyari waɨkawa pɨmatsiparewie naime kepemɨtiyuriene.

Kitsariyaxi 43:2

Kepauka hapa pemuyani, ne 'ahamatɨa nekaniumiemɨkɨ, kepauka hatuxametsie pemanuyani, haa 'aheima pɨka'uyeuriweni, kepauka taipa pemumieni, pepɨkakwaxe pepɨkatatani,

Tsutɨarika 26:24

'Ana tɨkaritsie Yawé kaniuyuhekɨata mɨpaɨ katinitahɨawe: «Ne 'apaapa 'Apɨrahami Kakaɨyarieya nekanihɨkɨtɨni. Pepɨkamaka, ne 'ahamatɨa nepuyeika. 'Apɨrahami 'aixɨa mɨtiuyurikɨ, 'aixɨa nepɨmatsiyurieni nepɨwatimɨiriya 'anuiwarima».

Kitsariyaxi 41:10

'Ayumieme pepɨkamaka, netsɨ 'ahamatɨa nekaniuyeikani, pepɨka'a'uximatɨaka, ne nepɨ'akakaɨyari. Nepɨmatsitɨrɨkariyani meta nepɨmatsiparewieka, ne nepɨmatsituikani nemamakɨ 'aixɨa mɨtiyuriekɨ.

Nɨawari 1:3

Mɨkɨ kɨye hepaɨ kani'aneni hatetsita muka'iteɨtsie hepaɨ kepauka tukarieya maye'axe kaniukaxuxuawereni xawariyari hatsuaku pɨkatiyɨnare. Naimekɨ kemɨtiyuriene 'aixɨa pɨtikuyɨne.

Tsutɨarika 28:15

Ne 'ahamatɨa nepuyeikani. Nepɨmatsi'ɨwiyani tsepa hakewa pemeyeika, meta nepɨmatsi'akunuitɨani 'ikɨ kwieyaritsie. Nepɨkamatsiku'eirieni neraye'atɨameke kenemutayɨkai».

Nɨawari 46:11

Yawé Naimekɨmɨtɨrɨkaɨye tahamatɨa kaniuyeikani, hetsɨana temɨta'awieta Kakuwu Kakaɨyarieya kanihɨkɨtɨni.

Nɨawari 46:7

Yawé, Naimekɨmɨtɨrɨkaɨye tahamatɨa kaniuyeikani, hetsiena temɨta'awieta Kakuwu Kakaɨyarieya kanihɨkɨtɨni.

1 Tsamuheri 16:18

Xewitɨ ti'uximayatame mɨpaɨ kaniutayɨni: —Ne xeime temaikɨ nepɨmate 'aripakɨ reutayuitɨaweme. Peuyutamiewe pɨkama, kwinimieme rakunieretɨ, heitseriemekɨ pɨtikuxata meta xeimieme pɨrayeitɨwa. Yawé hamatɨana puyeika piparewie. Paapaya 'Itsahi pɨtitewa, Wereni kiekame.

1 Tsamuheri 3:19

Tsamuheri mexi werekai Yawé hamatɨana puyeikakai, yatiniuyurieni naime kemɨrehɨawekai.

1 Tsamuheri 18:28

Tsahuri mɨpaɨ katinetimani, Yawé Rawiri hamatɨa muyeikakaikɨ meta niweya Mikari minaki'eriekaikɨ.

1 Timuteu 6:1

Waɨriyarika te'uximayatamete kɨye memanuyetekiyarie, yemekɨ wawemete mekewa'erieka yukutsiyarima, xɨka mɨpaɨ meteyurieka 'axapɨkatikuxaxatsiwani kemɨ'ane Kakaɨyari mɨhɨkɨ meta 'ɨkitsika 'axapɨkatikuxaxatsiwani.

Mateu 1:23

«Kamɨtsɨ 'ɨimari mɨyuxewi pɨtihukata, 'ukitɨme pɨtiniweni, 'Emanuheri xepɨte'iterɨwa» (mɨkɨ mɨpaɨ panuyɨne «Kakaɨyari tahamatɨa muyeika»).

Nɨ'ariekate 8:31

Mɨkɨ mɨpaɨ katinita'eiya: —¿Ketsɨnereitimani, xɨka xewitɨ kanetsi'utahekɨatɨani? Hikɨ Peripe kaniuta'inieni manutimakekɨ, 'auriena mayerɨnikɨ.

Tsutɨarika 21:20

Hikɨ Kakaɨyari temaikɨ hamatɨa kaniuyeikakaitɨni, mɨkɨ kaniwerekaitɨni makumawetsie kaniukateitɨni, tupi 'ɨrɨkɨ kwinimieme timɨiwetɨ kanayani.

Tsutɨarika 39:3

mɨkɨ mɨpaɨ pɨretima Yawé miparewiekaikɨ waɨkawa 'aixɨa mɨtiyurienenikɨ.

Tsutɨarika 39:23

Yawé Kutse miparewiekaikɨ kemɨtiyurienekai naitɨ 'aixɨa pɨtikuyɨnekai, katsariyana hɨritɨariekame pɨkareukweriwayuriekairi, Kutse mɨtiuhɨritɨakaikɨ naime.

Kutsuhexi 6:27

Yawé Kutsuhexi hamatɨa kaniuyeikakaitɨni, hikɨ naitsarie kanikɨxaxatsiwakaitɨni mɨkɨ kwieyaritsie.

2 Te'aitamete 18:7

Yawé 'Etsekiyaxi kaniparewiekaitɨni, 'ayumieme naime kemɨtiyu'uximayatsiriekai naitɨ 'aixɨa pɨtikɨyɨnekai. Matsi ti'aitame 'Atsiriya kiekame 'aye'unietɨ patɨa, pɨkayuwaɨri mɨti'uximayatsiriekakɨ.

Kutsuhexi 1:5

Kepaɨmexɨa tukari pemuyeikani xewitɨ pɨkayɨweni matsi'a'iwanikɨ. Mɨpaɨ kenemɨtiuyeikakai Muitsexi hamatɨa yaxeikɨata 'ahamatɨa nepɨtiuyeikani, nepɨkamatsinutuita nepɨkamatsiku'eirieni.

Kutsuhexi 1:9

Mɨpaɨ nekamatini'aitɨaka: Kenetɨrɨkaɨyeni ketinayu'iwani. Pepɨkamaka kene'awaɨriyani. Yawé 'akakaɨyari pɨmatsiteɨtani tsepa hakewa pemetɨa».

1 Kemɨtiuyɨ 9:20

Meripaitɨ, Pinexi 'Eriyatsaxi nu'aya puwa'ukiyaritɨkai, Yawé hamatɨana kaniuyeikakaitɨni.

2 Kemɨtiuyɨ 1:1

Merikɨtsɨ Tsarumuni Rawiri nu'aya mɨra'aita tɨrɨkaɨyetɨ kanayani, Yawé Kakaɨyarieya hamatɨana muyeikakaikɨ meta waɨkawa tɨrɨkaɨyeme kanayeitɨani.