Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tsutɨarika 38:24 - Kakaɨyari Niukieya

24 Haika metseri 'anukayaku, Kura mɨpaɨ katiniutahɨawarieni: —'Amu'e Tamaxi tuminikɨ muyumayɨinɨa kanayuyeitɨani, mɨyayɨanetɨ kaniutihukata. Kura mɨpaɨ karima kaniutayɨni: —Xekenewayehani xekenetataiya.

အခန်းကိုကြည့်ပါ။ ကော်ပီ




Tsutɨarika 38:24
32 ပူးပေါင်းရင်းမြစ်များ  

»Mawari wewiwame niweyatɨtɨ tuminikɨ mukumayɨiwa xɨka 'ayuyeitɨani mɨkɨ yɨkɨmana kapatsietɨ payuyeitɨani yaxeikɨatatsiere yupaapa kapatsiekame kanayeitɨamɨkɨ. Kaneuyeweka 'ayenieretɨ mɨtataiyarienikɨ.


Wamaama tuminikɨ muyuwitɨnɨa kanihɨkɨtɨni, Mɨwarutiniwexɨ ka'uyukatewiyatɨ. Mɨpaɨ kaniutayɨni: “Netuxexerima wahamatɨa nepukuyeikani, memɨnetemikwa memɨnetsiharitɨa, muxa huxarieya, rinu 'ixurikiyari, nehatseiti meta tita nemɨranuye'e”.


Hikɨ hamatɨana mekaniutihitɨkɨne, 'uka tuminikɨ mɨyuwitɨnɨa hepaɨ. Mɨpaɨ mekateniukahini, mɨkɨ 'ukarawetsixi memɨwakumayɨiwa wahamatɨa 'Ahurá meta 'Ahuriwá memɨtetetewa.


Peru matsi mɨkɨ yɨmɨireme wahamatɨa kaniukahuni, 'ɨimariyari ku'eriwatɨ kepauka 'Ekipitu hipame wahamatɨa muhunekai hepaɨ.


'Ahurá mexi'akuxi nehetsɨa miemetɨkai, pɨkanetsi'u'eni matsi pɨta, 'atsiriyutsixi warutanaki'erieka yemekɨ kaneuyeweni,


Peru mɨkɨ 'uka kaniku'eirieni, kaninuani yupaapa kie Wereni Kura kwieyaritsie. Mana nauka metseri kaniyuriekaitɨni.


Yuri kepemɨti'erie, 'akɨmana yaketineku'eriwani Kakaɨyari hɨxie. Kaniyutemawieka kemɨ'ane yuhetsie mɨkarahɨpa mɨpaɨ 'aixɨa 'aneme 'erietɨ.


»Xɨka 'ekɨ, 'Ixaheri, mɨpaɨ peyɨaneni, Kura hetsie pepɨkarahɨpani. »Kirikari xepɨkaheuhuni Weti-'Aweni tukita xepɨkaheutahakeni, mɨpaɨ xepɨkahaitɨkani xeyɨhɨritɨatɨ: “Yawé 'apuyeika”.


mɨpaɨ nekatinitahɨawe: «Mɨixa wiyari nehamatɨa pepukani peru 'axapekayɨanetɨ. Nixeime hamatɨa pepɨkakahuni. Ne meta nepɨkamatsi kumayɨani».


'Akii kanititaiyariemɨkɨ, 'ukarawetsixi yumɨireme wahɨxie pekanitaxanetsiemɨkɨ. Ke'axapemɨtiuka'iyarikai mana nekatiniu'atɨamɨkɨ, tawariri memɨmatsikumaɨwa pepɨkatiwapitɨani.


Tawarita 'atsiriyutsixi wahamatɨata pepukahui, 'ekɨ mɨkɨkɨ pepɨkahuxaiwekai.


»”Matsi xeikɨa, 'ekɨ witsipemɨtiyuxexeiyakaikɨ pepuyuta'ɨrixɨ, 'ateewa paitɨ peputamariwaxɨ, meta tuminikɨ peyumayɨinɨatɨ pepatɨa. Peka'akatewiyatɨ kemɨ'ane 'ahɨxie memuyekɨkakai pepɨ'ayetua wahetsɨa.


yaxeikɨatatsiere punierixɨ kenemɨtiku'eiri 'Ixaheri mɨnetsihehɨa, 'eiriya xapayari kenemɨtitawewiri hipame wahamatɨa mukahuikɨ. Mɨyatɨtɨ taruya, Kura 'axamɨtiuka'iyari, pɨka'utima, yaxeikɨa pɨnetsi'uku'eiri, hipame wahamatɨa hunetɨ kanayani.


Kepauka Kutsiyaxi ti'aitametɨkaku Yawé mɨpaɨ kanetiniutahɨawe: «¿Petimate kemɨtiyuriene 'Ixaheri, yamɨkatikamie hɨkɨtɨtɨ? Kaneyani hɨri 'amanutitɨtɨtsie, mana kɨyexi mɨ'e'etɨtɨa tuminikɨ muyumayɨinɨa kanayuyeitɨani.


»'Inɨarikɨ, xewitɨ 'uki yɨ'ɨya kaniuku'eirieni, mɨkɨta 'uka kanihayewa xeime pɨta 'uki tiwitɨnike. ¿Tiyɨwe 'uki matɨari mewitɨkɨkai nuame mitiwitɨnikɨ? Pɨkayɨwe. Mɨpaɨ xɨkatiuyɨni kwie naime ka'itiyakame kanayeitɨamɨkɨ. Mɨpaɨ kani'aneni, 'ekɨri yumɨireme pekaniwarukumayɨani, 'ayumieme pekapɨyɨweri nehetsɨa hutarieka pemunuani —Yawé mɨpaɨ kanaineni—.


»Mɨixa wiyari panuyemie 'ayuku pemanumuraxɨ, pemɨhɨakai pepɨ'axɨnaxɨ meta mɨpaɨ peputayɨ: “'Ahetsiemieme nepɨkareu'uximayatamɨkɨ”. Naitsarie hɨri 'amanutitɨtɨtsie, meta naime kɨyexi mɨ'e'etɨtɨkatɨa, pepɨ'ayetua tuminikɨ pemɨkumayɨiwanikɨ.


Tixaɨtɨ matsi nekatiniukaxeiya kwimieme ratsiwime keyuri mɨmɨnikɨ: 'uka mɨtiyu'itaiya kanihɨkɨtɨni, wipi winiyariyari kanexeiyani yu'iyaritsie meta yumamatetsie tepɨa kaunariyari kanexeiyani. Kemɨ'ane Kakaɨyari mɨtemawieritɨa kaniyɨxɨnamɨkɨ mɨkɨ hetsɨa, peru 'axamɨtiyuriene mɨkɨ winiyarieyatsie kaniyukahɨamɨkɨ.


Merikɨte Natani Rawiri mɨpaɨ katiniutahɨawe: —'Ekɨtsɨ mɨkɨ tewi pekanihɨkɨtɨni. Yawé mɨpaɨ kanaineni, 'ixaheritsixi wakakaɨyari: “Ne ti'aitame nekamanayeitɨani 'Ixaheri kwieyaritsie pemɨtita'aitakɨ meta nekamaniutawikweitsitɨani Tsahuri matsimiemɨkɨkaku.


Hikɨ 'u'enaka Rawiri waɨkawa kaniuyeha'ani mɨkɨ xiku hepaɨtsita, 'ayumieme Natani mɨpaɨ katiniutahɨawe: —Yurikɨ Yawé hɨxie mɨpaɨ nekanaineni, mɨkɨ tewi mɨya mɨreyuri kaneuyeweka mɨmierienikɨ.


»Tɨɨri 'axameteyurieyu wapaapama mepɨkakwi'iwa, meta wapaapama 'axameteyurieyu waniwema mepɨkakwi'iwa. Matsi yuxexuitɨ ke'axamemɨte'uyurikɨ 'ayumieme mepɨkwini.


»Xɨka xewitɨ yuhepaɨ tewi 'ɨyaya 'ukumayɨani, mɨkɨri yuhutatɨ mekanikwi'iwakuni 'uki meta 'uka.


Peru mɨkɨ mɨpaɨ mekatenita'eiya: —Kamɨtsɨ tete'ihayewakekai tsepa 'iya ta'iwa tuminikɨ muyumayɨinɨa hepaɨ mɨranuyemienikɨ.


Hikɨ 'Awimereki, 'Apɨrahami katiniutanɨ'airieni mɨpaɨ katinitatieni: —Neuxei, kepetatsi'uyuri. ¿Kepaukakuta 'axanepɨmatsi'uyuri, titayari xurikime petatitiwiwiriwa nehetsie meta nemɨra'aita wahetsie? 'Axamemɨte'u'iyari kememɨkanetsi'uyuri 'ekɨ pɨta waɨkawa 'axapepɨnetsi'uyuri.


Peru mɨkɨ 'ukaratsi keneyetua hikɨ, mɨkɨ kɨnaya niukame kanihɨkɨtɨni nehetsiemieme, kanenitawawiriemɨkɨ 'ahetsiemieme pemuyeikanikɨ 'akuxi, peru xɨka peka'iyetuani 'ekɨ yaxeikɨa 'akie kiekatari wahamatɨa pekanimɨmɨkɨ.


Hikɨ mɨkɨ tɨkaritsie, Kakaɨyari 'Awimereki kaniutahɨawe heinɨtsitana, mɨpaɨ katinitahɨawe: —Neuxei 'ekɨ pekanimɨmɨkɨ 'ukaratsi pemewitɨkɨ, mɨkɨ 'ukaratsi kaniwikieka.


Kura mɨpaɨ kaniutayɨni: —Tsepa mɨrepi nepiinite, ne nepɨkatiu'ita. Heitseriemekɨ pɨtihekɨa teɨteri 'axamemɨkahaitɨkanikɨ nehepaɨtsita: Ne nepeinɨ'airi tsipu, 'ekɨta pepɨkaheitaxei.


'Etsikinatsie naitsarie pepikuwewiexɨa, muwa pemɨwarayexeiyanikɨ. 'Ateurite pepɨwa'eiririe kemɨ'ane tsepa 'a'aurie muyemie, wahamatɨa pehunetɨ pepɨkatihayewakai.


'Ekipitutari wahamatɨa pepukahui, 'a'aurie kiekatari waxieyame 'amɨtɨtɨkai, meta pemɨnetsiyehaxɨatɨanikɨ matsi yuwaɨkawa wahamatɨ pepukahui.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ