Tsutɨarika 37:8 - Kakaɨyari Niukieya

⁸ 'Iwamama mekanita'eiya: —Mɨpaɨ xɨari pepɨtiku'eriwa, 'ekɨ petatita'aitɨanike pepɨ'a'erie petatsitanɨ'anike. Hikɨ matsi waɨkawa mekaniuyeha'ani heinɨtsika hepaɨtsita mɨtiwarutaxatɨakɨ.

Tsutɨarika 37:8 ပူးပေါင်းရင်းမြစ်များ

Nɨ'ariekate 7:35

»Mɨkɨ Muitsexi memutixani'eri mɨpaɨ me'utiyuatɨ: “¿Kepai tati'aitɨwame ta'itsɨkame pɨmatsi'ayeitɨa?”, mɨkɨtɨme Kakaɨyari kaneyenɨ'ani tiwa'aitɨwame wawikweitsitɨwame, niuki tuayame muxei tupiriyatsie 'uweme 'iparewiekaku yutɨrɨkariyakɨ.

1 Tsamuheri 10:27

Peru hipatɨ 'axamemɨte'u'iyari mɨpaɨ mekaniutiyuanekaitɨni: «¿'Ikɨri mɨtatsitawikweitsitɨani tihɨkɨ?» Tsahuri mepu'uxiwe'eriekai, tixaɨtɨ 'imikieri mepɨkate'imi. Tsahuri matsi pɨkayu'iyaritɨakai mɨkɨkɨ, 'atsipɨkatiwarutahɨawixɨ tsepa kememutiyuanekai pɨkawaranu'eni.

Hepɨrayutsixi 10:29

¿Kexeteku'eriwa, matsi yemekɨ hetsiena katinake mu'uximatɨarienikɨ, kemɨ'ane Kakaɨyari nu'aya mɨnanaima, kemɨ'ane tsewiximariekame mɨ'erie mɨkɨ xuriyaya tɨratu mutatseiriyarie kɨmana, mɨpatsie kɨmana, kemɨ'ane mitawe'erie 'Iyari 'aixɨa mɨtatipitɨa?

Rukaxi 20:17

'Iya waxeiyatɨ mɨpaɨ kaniutayɨni: —Merikɨte, xɨka mɨpaɨ katiuyɨni, ¿titayari 'ipaɨ raine 'utɨarika: »“Mɨkɨ teté memitixani'eri kii wewiwamete, mɨkɨ teté 'itsikina mieme kanayani”?

Rukaxi 19:14

Merikɨtsɨ hetsɨana miemete kiekatari mekani'uxiwe'eriekaitɨni, niukamete mekaniwarenɨ'ani 'utɨmana mɨpaɨ me'utiyuatɨ: “Tame tepɨka'inaki'erie 'ikɨ mɨtati'aitɨakakɨ”.

Nɨawari 118:22

Kii wewiwamete tete memutixani'eri, matsi mɨkɨ tete 'itsikina mieme kanayani.

1 Tsamuheri 17:28

'Eriyáwi Rawiri matsikaya teɨteri wahamatɨa tikuxatame kaniu'enieni, waɨkawa kaniuyeha'ani mɨkɨ hetsiemieme. Mɨpaɨ katinitatieni: —¿Kepetikuyuriene 'ekɨ 'ena paitɨ? ¿Kepaikɨ rahetsɨa muxatsi 'etsimemuyupaɨme makumawetsie pepɨwarehɨritaxɨ? Ne nekamanimaika. 'Ekɨtsɨ 'axapekatiniuka'iyarini, 'ekɨ xeikɨa pekaneyeyani penierimɨtɨ mɨrayukwitɨnetsie.

Memeyekɨ 2:14

Mɨkɨ kanita'eiya: —¿Kemɨ'anekuta 'ekɨ matsi'utahɨawixɨ 'itsɨkamekɨ tahetsie pemɨti'aitanikɨ? ¿Netsɨta penenemieni 'ekipitutanaka hepaɨ? Mɨyamɨtiutahɨawariekɨ Muitsexi waɨkawa kaniutimani mɨpaɨ katiniu'erieni: «Xɨari nepahekɨarixɨ kenemɨtiuyuri».

Tsutɨarika 49:26

Matsi 'aixɨa pɨti'anene tita 'apaapa nehɨkɨtɨtɨ nematiyetuirie, hɨri ke 'aixɨa mɨtipitɨarie meripaitɨ mieme reutiyetana, matsi waɨkawa 'aixɨa peke'itɨarieka. Hikɨ 'aixɨa kenemɨmatsiyurie pɨ'ahetsiemieme Kutse, 'a'iwama watsata pepanayexeiyarie.

Tsutɨarika 37:4

Hikɨ 'iwamama me'ixeiyatɨ paapaya kemɨtinaki'eriekai, matsi waɨkawa mekani'uxiwe'eriekaitɨni ni tɨma 'aixɨa mepɨkate'ikuhɨawekai.

Tsutɨarika 27:41

Mana mɨtiyetɨa, 'Etsahu Kakuwu kanihekakaitɨni paapaya Kakaɨyari mutawawirikɨ hetsiena mieme 'aixɨa miyuriekakɨ. 'Etsahu mɨpaɨ katiniku'eriwakaitɨni: «'Arikutari kwitɨwa pɨmɨni nepaapa mɨyuke, nemuta Kakuwu nepɨmieni».

Tsutɨarika 37:9

Merikɨtsɨ hutarieka katiniuheinɨni, tawarita katiniwarutaxatɨani. Mɨpaɨ katiniwarutahɨawe: —Tawarita mɨpaɨ nepɨreheinɨ. Tau, metseri, tamamata heimana xewi xurawetsixi nehɨxie mekaniukahɨxima'uni.

Tsutɨarika 42:10

Mɨpaɨ mekatenita'eiya: —Hawaikɨ ti'aitame, matsiparewiwamete tepɨyɨa. Tɨriku tepɨkunanetɨwe xeikɨa.

Tsutɨarika 44:18

Kura 'ahurawa kaniuyani Kutse hɨxie, mɨpaɨ katinitahɨawe: —Pepɨkaha'aka neti'aitɨwame, 'awie nepɨmatitaxatɨanikeyu. 'Ekɨtsɨ ti'aitame pepɨmariwe yaxeikɨa Parahuni hepaɨtɨtɨ.

Tsutɨarika 50:18

Hikɨ 'iwamama mekaniu'axɨani, mekaniutihɨxima'uni hɨxiena, mɨpaɨ mekatenitahɨawe: —'Ena pepɨtatsiti'uitɨa, waɨriyarika mate'uximayatsiriwamete tepɨhɨkɨ.

Hutarieka 'inɨari 33:16

'aixɨa mɨti'anene kwiepa mɨtixuawekɨ, meta ke'iparewieka 'ɨtsi mɨta'a hetsie mɨkiekame. 'Ikɨ naitɨ Kutse hetsie ketiunake, yu'iwama watsata manayexeiyarie 'aixɨa mɨtiyurienikɨ.

1 Tsamuheri 18:8

Tsahuri 'u'eneka kememutiyuanekai hepaɨtsitana kaniuyeha'ani, mɨpaɨ kaniutayɨni: «Rawiri tamamata kuyaxiyari kaniyetuiriyarɨwani, ne matsi xeihɨkɨa xeikɨa. Kaneuyeweka xeikɨari 'ikɨ kwieyaritsie mɨtita'aitakɨ».