Tsutɨarika 32:9 - Kakaɨyari Niukieya

⁹ Hikɨ Kakuwu 'ayumieme kaniuyutanenewieni: «Yawé neteukari 'Apɨrahami meta nepaapa 'Itsahaki wakakaɨyari pemɨhɨkɨ, mɨpaɨ pemɨnerahɨawekai nekehakunuanike nekie ne'iwama wahetsɨa, meta kename penetsiparewiekakekai:

Tsutɨarika 32:9 ပူးပေါင်းရင်းမြစ်များ

Tsutɨarika 31:42

Xɨka nepaapa Kakaɨyarieya 'Itsahaki meyemakaxe, meta 'Apɨrahami Kakaɨyarieya, xɨka kanetsiparewiekake, 'ekɨ nemaweme pekanenanunɨ'anikekaitɨni. Kakaɨyari pɨnetsi'uxei kenemɨtiuka'eniwakai neti'uximayatɨ, 'ayumieme takai tɨkarikɨ kename ne heitserie nehexeiya putayɨ.

Tsutɨarika 31:13

Ne Kakaɨyari nekanihɨkɨtɨni Weteri nemunehekɨataxɨ, hakewa mawari pemewewi nehetsiemieme tetetsie, meta kepemainekai nehɨxie. 'Ayumieme kenanukukexi 'ikɨ kwieyaritsie, kenemie kemɨ'ane kwieyaritsie pemetinuiwaxɨ”».

Tsutɨarika 28:13

Metatsiere Yawé kaniuxeiya 'auriena 'uweme, mɨpaɨ tikɨhɨaweme: «Ne Yawé nepɨhɨkɨ 'ateukari Kakaɨyarieya 'Apɨrahami meta 'apaapa 'Itsahaki. 'Ekɨ yaxeikɨa 'anuiwarima 'ikɨ kwie nepɨxeyetuirieni mana hikɨ pemanukatsie.

Tsutɨarika 31:3

Hikɨ Yawé Kakuwu mɨpaɨ katiniutahɨawe: «Kenakunua 'apaapa kwieyatsie, hakewa 'a'iwama meme'uwa, ne 'ahamatɨa nepuyeikani».

Nɨawari 50:15

Keneneutahɨawi kepauka 'uximatɨarika pemexeiya, ne nepɨmetsixɨna, 'ekɨta 'aixɨa pepɨnetitahɨawe».

Tsutɨarika 31:53

'Apɨrahami Kakaɨyarieya meta Nakuxi Kakaɨyarieya ta'itsɨkame kehɨkɨtɨni. Hikɨ Kakuwu 'aixɨa kaniutayɨni Kakaɨyari hepaɨtsita paapaya 'Itsahaki mimakaxekai hetsie.

Nɨawari 91:15

Mɨkɨ pɨnetsitahɨawe, neta nepita'eiya, hamatɨana nepuyeikani kepauka 'uximatɨarika mexeiyani, nekanixɨnamɨkɨ 'aixɨa nekatinitahɨawimɨkɨ.

2 Kemɨtiuyɨ 32:20

Hikɨ 'ayumieme, ti'aitame 'Etsekiyaxi meta Kakaɨyari niukameya Kitsariyaxi 'Amuxi nu'aya muyuawitsie meheutinenieretɨ karima mekaniuyutanenewieni.

2 Kemɨtiuyɨ 20:6

mɨpaɨ kaniutayɨni: «Yawé, ta'ukiyarima wakakaɨyari, 'ekɨ pekanihɨkɨtɨni Kakaɨyari muyuawitsie pemakawe, meta yunaime nuiwarite pemɨtiwa'aitɨa pekanihɨkɨtɨni. 'Ekɨ waɨkawa pekanitɨrɨkaɨyeni yemekɨ xewitɨ 'apɨka'uyeika mɨmatsi'a'iwa 'ekɨ.

1 Tsamuheri 30:6

Hikɨ Rawiri kaneumakaitɨni, karikɨ kuyaximama me'itituaxixɨanike pɨ'eriekai mɨpaɨ memɨtekuxatakaikɨ, memɨte'uka'eniwakaikɨ yuniwema yunaime memɨwarutatɨmaikɨ. Matsi Rawiri kaniutɨrɨkariyarieni, Yawé yukakaɨyari hetsie yuri ti'erietɨ.

Memeyekɨ 3:6

Ne 'apaapa nekanikakaɨyarieyatɨni, 'Apɨrahami, 'Itsahaki meta Kakuwu. Mɨpaɨ tiu'enaka Muitsexi, kaneuyuku'eima yɨhɨxie, 'utimaka Kakaɨyari 'uxeiyaka.

Tsutɨarika 31:29

Ne nekaniyɨweni nemɨtixe'utikwinitɨani, peru 'ikɨ tɨkaritsie 'apaapa Kakaɨyarieya pɨneretaxatɨa mɨpaɨ pɨneretahɨawixɨ: “'Amarima 'aixɨa Kakuwu pepɨka'utate'ani”.

Tsutɨarika 17:7

'Ahetsiemieme 'ikɨ tɨratu nepɨwewie meta 'anuiwarite wahetsiemieme, 'ikɨ tɨratu yuheyemekɨ mieme payani, yunaime 'anuiwarima wahetsiemieme. Ne 'akakaɨyari nepɨhɨkɨtɨni, meta 'anuiwarima wakakaɨyari.

2 Kemɨtiuyɨ 20:12

Takakaɨyari 'aku, 'uximatɨarika keniwarupitɨa. Tame tepɨkayɨwawe temɨwara'iwa mɨkɨ memɨyumɨire 'umemahu metatsitakwinike. 'Atsitepɨkatemate ketemɨteyurieka. 'Ahetsie xeikɨa tetewiyatɨ tepɨta'ikwewa».

Tsutɨarika 28:15

Ne 'ahamatɨa nepuyeikani. Nepɨmatsi'ɨwiyani tsepa hakewa pemeyeika, meta nepɨmatsi'akunuitɨani 'ikɨ kwieyaritsie. Nepɨkamatsiku'eirieni neraye'atɨameke kenemutayɨkai».

Tsutɨarika 32:8

mɨpaɨ tiu'erieka: «Xɨka 'Etsahu warutakwini hipame, hipatɨ xeikɨa mepɨyuta'una».

Tsutɨarika 49:25

Neuxei Kutse: Pamɨpariyutsi 'apaapa Kakaɨyarieya mɨmatsiparewie. Pamɨpariyutsi Kakaɨyari Naimekɨmɨtɨrɨkaɨye, 'aixɨa mɨmatsiyurie. Ke 'aixɨa mɨmatsiyurie taheima miemekɨ wiyerikɨta, matsipitɨatɨ meta 'emeukatewatsie miemekɨ haixakɨ, niwekate tɨɨri kememɨtewarayexexeiya kememɨtewatsitsitɨa.

Keremiyaxi 32:16

»Waruki Neriyaxi nu'aya xapa mɨraka'utsiekai ne'iyetuiriekari, Yawé mɨpaɨ nekatiniutahɨawe: