Tsutɨarika 32:4 - Kakaɨyari Niukieya

⁴ Mɨpaɨ katiniwarutahɨawe mɨpaɨ memɨteheitahɨawekɨ: «Neti'aitɨwame 'Etsahu, mati'uximayatsiriwame Kakuwu, pɨtatsiheyenɨ'a mɨpaɨ tematetaxatɨanikɨ mɨkɨ Rawani kie pekatei kemɨreuterixɨ,

Tsutɨarika 32:4 ပူးပေါင်းရင်းမြစ်များ

1 Pekuru 3:6

Tsara meta yakatinikamiekaitɨni 'Apɨrahami kemainekai, ti'aitame katinitamare. Xemeta niwemama xekanakɨne hepaɨna 'aixɨa xeteyurietɨ, xekamamatɨ xɨka xemariutsieka.

Rukaxi 14:11

Yunaitɨ yuxaɨta mariweme memayuyeitɨwa tixaɨtɨ mekatehɨkɨtɨtɨ mekanayeitɨariekuni, peru kemɨ'ane tixaɨtɨ katihɨkɨtɨme mayuyeitɨwa mɨkɨ mariweme kanayeitɨariemɨkɨ.

Ti'ɨkitame 10:4

Xɨka ti'aitame 'uyeha'ani 'ahepaɨtsita, pepɨka'iku'e'eiriwani ketitakɨ pemɨtihɨritɨarie. Petiukanewietɨ waɨkawa 'axapemɨtiuyurikɨ kani'ayumiemetɨni.

Temaiwawemete 15:1

Niuki heitserie 'aixɨa manɨyɨne haxɨa pukuxeriya, matsi niuki mɨxɨka waɨkawa haxɨa kanayeitɨwani.

Temaiwawemete 6:3

merikɨte 'ahepaɨ tewi kameniuwiniya. Temaikɨ 'aku, xɨka peyuxɨnamɨkɨni, 'ikɨ huye kanihɨkɨtɨni: Xeiya kenemie hetsɨana tixaɨtɨ pekarayuyeitɨatɨ, tɨratu kepemɨtiuwewi keneutawawiri pemɨtihayewanikɨ.

1 Te'aitamete 20:32

Hikɨ 'Ixaheri kwieyaritsie ti'aitame hɨxie mekaniyuyetuani, mɨpaɨ mekatenitawawirieni: —Weni-'Arari matsiparewiwame mɨpaɨ paine: “Neuxei kwerietɨ nepɨmatsiwawirie, pepɨkanetsikumemiwani”. Ti'aitame mɨpaɨ kaniutayɨni: —¿'Akuxi rayeniere? Karikɨ mɨkɨ kanine'iwatɨni.

1 Tsamuheri 26:17

Merikɨte Tsahuri Rawiri niukieya hetimaika, mɨpaɨ kaniutayɨni: —Rawiri neniwe, 'ekɨ peretaine. Rawiri mɨpaɨ katinita'eiya: ―Huu neti'aitɨwame ne nekaniutaineni.

Memeyekɨ 32:22

'Aruni mɨpaɨ katinita'eiya: —Neuxei ne'iwa, pepɨkaha'aka, 'ekɨ pekatinimaika 'ikɨ teɨteri 'axamepɨte'u'iyari xeikɨa.

Tsutɨarika 33:8

'Etsahu mɨpaɨ katiniuta'iwauni: —¿Kepaɨtɨtɨri mɨkɨ tewaxi pemɨnetsihenɨ'airi? Kakuwu mɨpaɨ katinita'eiya: —Kɨmana 'aixɨa pemɨneranunakekɨ nepɨtiuyuri.

Tsutɨarika 32:18

mɨpaɨ pepɨreita'eiya: “'Ikɨ 'imikieri 'ahetsie pɨtimieme neti'aitɨwame 'Etsahu, Kakuwu mati'uximayatsiriwame pɨmatsiheyenɨ'airi yutewama wahetsie waranuyeteɨxɨka, mɨkɨtatsiere ta'utɨma kanamieni”».

Tsutɨarika 32:5

hikɨ pɨwarexeiya wakaitsixi, puxuri, muxatsi, te'uximayatamete 'ukitsi 'ukari. Mɨpaɨ pɨreyenɨ'a, 'aixɨa 'anemekɨ pemitakwewiekakɨ».

Tsutɨarika 27:37

'Itsahaki mɨpaɨ katinita'eiya: —Neuxei ne, Kakaɨyari neputawawiri Kakuwu hetsiemieme mɨmati'aitɨakakɨ, nepitawawiri tsiere maremama yunaitɨ memɨte'ita'uximayatsirienikɨ, tɨriku waɨkawa mukaxexeiyanikɨ meta kaxie winuyari. ¿Hikɨ tita netiutawauni 'ahetsiemieme pɨtiumaweri, neniwe 'aku?

Tsutɨarika 27:29

Waɨkawa teɨteri 'ahetsɨa mekete'uta'uximayata, nuiwarite 'ahɨxie meke'utitunuma'uni. 'A'iwamatɨme peketiwaruta'aitɨani, 'amaama niwemama 'ahɨxie meke'utitunuma'uni. Kemɨ'ane 'axamɨmatsiyurieni mɨkɨta 'axapɨ'itɨarieka, meta kemɨ'ane 'aixɨa mɨmatixeiyani mɨkɨta 'aixɨa pɨ'itɨarieka».

Tsutɨarika 23:6

—Neuxei 'ekɨ ketaneu'eni, 'ekɨ mariweme mexɨakame pepɨhɨkɨ. Keneuka'awieta 'a'ɨya taterɨ 'aixɨa mɨ'aneneta tsepa kemɨ'ane terɨyarita. Xewitɨ yuterɨ pɨkametsitikweririeni 'a'ɨya muwa pemeutatenikɨ.

Tsutɨarika 4:7

Xɨka 'aixɨa petiyurienenike heitserie pekanatinierenikeyu. Xɨka 'aixɨa pekatiyurieneni, 'axamɨ'ane kamenihupieka metsiwiyake tiyukwa'ame hepaɨ. Peru 'ekɨ pekaniyɨweni peme'iwa».

Tsutɨarika 31:41

Xeitewiyari wiyari 'akie nepuyuri, tamamata heimana nauka wiyari nepɨti'uximayakai 'aniwema wahetsiemieme, 'ataxewime wiyari 'atewama nepuwahɨkai, peru 'ekɨ mɨixa pepipataxɨ kenemɨti'iwakai.

Temaiwawemete 25:15

'A'inɨkai pe'ikɨhɨawetɨ kemɨ'ane kwiepa mɨti'aita kemɨtiku'eriwa pepipata, meta petiu'akanaki'erietɨ petikuxatɨtɨ waɨkawa katinikemaka.

Tsutɨarika 25:30

—Netineumikwa mɨkɨ 'itsari mɨxetakɨ, kwinimieme nepɨti'uxe. ('Ayumieme 'Etsahu 'Erumi pɨtiuterɨwarie).

Tsutɨarika 33:14

'Ayumieme peuyewetse pemanuyeyerɨni mati'uximayatsiriwame hɨxie, ne'anɨkai nepɨyemie netewama wahamatɨa meta tɨɨri, Tsehixi paitɨke tekaneyukaxeiyakuni.

Tsutɨarika 36:8

Mɨpaɨ katininuani 'Etsahu, metatsiere 'Erumi mɨtitewakai, hɨritsie Tsehixi kwieyaritsie.

Tsutɨarika 36:9

'Ikɨ mekanihɨkɨtɨni 'Etsahu nuiwarimama, 'erumitsixi wa'ukiyari, hɨritsie Tsehixi kwieyaritsie memɨtamarixɨ.

'Itsɨkate 5:4

»Yawé, kepauka Tsehixi hetsie pemɨyetɨa, kepauka 'Erumi kwieyaritsie pemuyemiekai, kwie putayua, muyuawitsie mepɨwatayua, haiwitɨri haa putayeuri.

Kitsariyaxi 21:11

Niuki Rumaha hepaɨtsita mieme: Xewitɨ Tsehixi kwieyaritsie paitɨ pɨnetsihehiwie: «Tihɨweme, ¿'ɨyɨwitɨ 'akuxi kereutere? Ti'ɨwiyame, ¿mɨkahekɨarekɨ kereutere?»