Tsutɨarika 32:10 - Kakaɨyari Niukieya

¹⁰ ne xɨari mati'uximayatsiriwame heitserie nepɨkahexeiya 'aixɨa pemɨnetixeiyanikɨ pemɨnetsiparewiekaku. Kepauka Kurutani hatuxameyaritsie nemanatɨa tixaɨtɨ nepɨkarexeiyakai ne'itsɨ xeikɨa nepakwekai, peru hikɨ hutakɨa mepukutei neteɨterima.

Tsutɨarika 32:10 ပူးပေါင်းရင်းမြစ်များ

Nɨawari 18:35

'Ekɨ 'atepɨakɨ pepɨnetsiwikweitsitɨa, 'atseriekɨ pepɨnetsiwiya, 'aixɨa pemɨtiuka'iyarikɨ neputawikwewe.

Tsutɨarika 24:27

mɨpaɨ 'utaitɨ: «'Aixɨa pepɨtiuka'iyari Yawé 'Apɨrahami neti'aitɨwame Kakaɨyarieya, pe'inaki'erietɨ pepɨkatihayewa meta 'aixɨa pepɨnetiuye'atɨa 'iwamama wahetsɨa».

2 Tsamuheri 7:18

Hikɨ Rawiri ti'aitame kaneyani Yawé tɨratuya kakuniyari hɨxie 'utayerɨka mɨpaɨ katinitahɨawe: «Yawé meta Kakaɨyari, ¿kepaikɨ ne nepɨhɨkɨ meta netɨɨriyama, titayari mariweme penerayeitɨwani?

1 Pekuru 5:5

Mɨpaɨta xeme temari yaxeikɨa, kememutiyuane 'ukirawetsixi yaxeketenekahuni. Tixaɨtɨ xekatehayuyeitɨatɨ xekeneyɨaka yunaime wahepaɨtsita, «Kakaɨyari kaniwaraye'unieka mɨkɨ memuyuti'ɨre, matsi pɨta 'aixɨa pɨtiuka'iyari tixaɨtɨ memɨkatehɨkɨ wahetsiemieme».

2 Kurinitutari 12:11

Merikɨtsɨ tewi 'atsimɨkatimate hepaɨ netikuxatatɨ nekanayani. Xeme xekɨmana peuyewekai mɨpaɨ nemɨtiyurienikɨ. Peuyewekai matsi xemɨnetsihekɨatanikɨ xeme pɨta kenemɨtimariwa. Hakewari mɨkɨ kwini mieme waniu memɨnɨ'ariekate tixaɨtɨ mepɨkatehexeiya, neta kenemɨkareixeiya, tsepa tixaɨtɨ nemɨkatihɨkɨ.

Rukaxi 17:10

Xemetari yaxeikɨa, kepauka yaxemɨteyurieka naime kexemɨte'u'aitɨarie, mɨpaɨ xekeneutiyuaneni: “Te'uximayatamete tekanihɨkɨtɨni xeikɨa, tixaɨtɨ tahetsie pɨkatinake, kemɨreuyewekai xeikɨa tepɨte'uyuri”».

Rukaxi 5:8

Hikɨ naime tiuxeiyaka Tsimuni Pekuru mɨtitewakai, kaniutitunumakeni Ketsutsi hɨxie mɨpaɨ 'utaitɨ: —Ti'aitame, keneneuhayewa, ne 'axanepɨtiyuruwame.

Mikeyaxi 7:20

Matsiɨkɨme kenayeitɨa Kakuwu pemɨkaku'eiriwe hatsuaku, meta 'Apɨrahami heitserie kepemɨtinaki'erie, meripaitɨ tsutɨa paitɨ kepemɨti'ahɨritɨa tatutsima wahamatɨa.

Kitsariyaxi 63:7

Yawé naki'eriyaya mɨmariwe nepaye'erieni, meta kemɨtiuyuri 'aixɨa pɨ'ane minɨawanikɨ, naime kemɨtiuyuri tahetsiemieme, kemɨtiuyukanenimaya meta naki'eriyaya mɨmariwekɨ. Huu, pɨmɨire 'aixɨa 'anemekɨ kemɨtiuyuri 'Ixaheri nuiwarimama wahetsiemieme.

Kitsariyaxi 6:5

Hikɨ nekaniutahiwa: «Xɨa'ui ne, nehetsie pɨrahɨiwa. Tewi nepɨhɨkɨ neteta mɨkati'itiya pɨrayeneika meta teɨteri 'axame'utiyuaneme watsata nepuyeika, matsi Ti'aitame nepuxei, Yawé Naimekɨmɨtɨrɨkaɨye».

Temaiwawemete 4:18

Heitseriemekɨ yamemɨtekahu wahuye witsipɨ'ane, kepauka tau 'ɨrɨya ximeri manatinexɨaxime hepaɨ: hekɨariya waɨkawa mɨhekɨariwiexime hepaɨ kepaukake hekɨariya 'aixɨa tixawatɨtɨ mayani.

Nɨawari 85:10

Naki'eriya meta tita yuri mɨraine puyukaxeiya, kayuwatɨ mɨ'ayumie meta mɨtiheitserie hamatɨa mepuyuti'itseni.

Nɨawari 84:7

Metsɨ 'ateewa kɨkamete mekaniuhuni, matsi waɨkawa tɨrɨkariya mekanipitɨarieka, Tsiyuni mekaniye'axeni Kakaɨyari hɨxie, kakaɨyarixi muwakakaɨyari hetsɨa.

Nɨawari 61:7

Keti'aitani 'ahɨxie yuheyemekɨ, 'anaki'eriya meta 'aniuki yuri maine ke'i'ɨwiyani.

Nɨawari 16:2

Ne Yawé mɨpaɨ nepɨmarahɨawe: «'Ekɨ pepɨnekakaɨyari. Nexaɨta nepɨkayɨwe, 'ahetsie xeikɨa netiwiyatɨ 'aixɨa ti'aneme nepɨrexeiya».

Nɨawari 8:5

'Etsiwatɨkaku 'ahepaɨ 'aneme peputawewi, pepenutikurunatɨa 'aixɨa mɨti'anekɨ:

Kuwi 17:9

tewi heitseriemekɨ yamɨtikamie yuhuyeta xeikɨa kaniumieni meta yumamatsie meu'itiyatɨka kanitɨrɨkaɨyeni.

Kuwi 8:7

Matɨari tita pemɨrexeiyakai mɨkɨ 'etsiwa xeikɨa mɨhɨkɨ pɨtihɨkɨtɨkai, 'uxa'atɨni warie waɨkawa kepemɨrexeiyani hepaɨtsita.

Hutarieka 'inɨari 8:18

Yawé 'akakaɨyari kena'eriwani, mɨkɨ kametinipitɨaka piinitɨarika pemɨrexeiya, mɨpaɨ katineye'atɨaka mɨkɨ hikɨ yutɨratu meripaitɨ xetutsima kemɨtiwarutahɨawixɨ.

Tsutɨarika 32:7

Kakuwu waɨkawa kanekamatɨyani yu'iyaritɨatɨ. 'Ayumieme yuteɨterima muwarawitɨkɨkai hixɨapa kaniwatsana, yaxeikɨata kaniwarukuxeɨrieni muxatsi, wakaitsixi, kameyutsixi,

Tsutɨarika 32:5

hikɨ pɨwarexeiya wakaitsixi, puxuri, muxatsi, te'uximayatamete 'ukitsi 'ukari. Mɨpaɨ pɨreyenɨ'a, 'aixɨa 'anemekɨ pemitakwewiekakɨ».

Tsutɨarika 30:43

Mɨpaɨ 'ana Kakuwu waɨkawa rexeiyatɨ kanayani, yuwaɨkawame muxatsi, te'uximayatamete 'ukitsi 'ukari, puxuri meta kameyutsixi.

Tsutɨarika 28:15

Ne 'ahamatɨa nepuyeikani. Nepɨmatsi'ɨwiyani tsepa hakewa pemeyeika, meta nepɨmatsi'akunuitɨani 'ikɨ kwieyaritsie. Nepɨkamatsiku'eirieni neraye'atɨameke kenemutayɨkai».

Tsutɨarika 18:27

'Apɨrahami mɨpaɨ katinitahɨawe: —Ne nepɨnemate kenetineuyehɨwirieka kwinimieme nematiku'iwawiyakɨ neti'aitɨwame, ne tumuanari naxi nepɨhɨkɨ.

2 Tsamuheri 17:24

Rawiri Makanahini hepa kaneyani, meta 'Awitsaruni kanenukuweiya, Kurutanitsie kananuyani 'ixaheritsixi yunaime warawitɨtɨ.

Tsutɨarika 24:12

Hikɨ ti'uximayatame mɨpaɨ katiniuyutanenewieni: «Yawé, 'Apɨrahami neti'aitɨwame Kakaɨyarieya, waɨkawa nepɨmatsiwawirie hikɨ 'aixɨa nemɨtiyurienikɨ, 'Apɨrahami nekutsiyari kepemɨtinaki'erie yaketineuyuri.

Tsutɨarika 28:13

Metatsiere Yawé kaniuxeiya 'auriena 'uweme, mɨpaɨ tikɨhɨaweme: «Ne Yawé nepɨhɨkɨ 'ateukari Kakaɨyarieya 'Apɨrahami meta 'apaapa 'Itsahaki. 'Ekɨ yaxeikɨa 'anuiwarima 'ikɨ kwie nepɨxeyetuirieni mana hikɨ pemanukatsie.

Tsutɨarika 31:3

Hikɨ Yawé Kakuwu mɨpaɨ katiniutahɨawe: «Kenakunua 'apaapa kwieyatsie, hakewa 'a'iwama meme'uwa, ne 'ahamatɨa nepuyeikani».