Tsutɨarika 31:3 - Kakaɨyari Niukieya

³ Hikɨ Yawé Kakuwu mɨpaɨ katiniutahɨawe: «Kenakunua 'apaapa kwieyatsie, hakewa 'a'iwama meme'uwa, ne 'ahamatɨa nepuyeikani».

Tsutɨarika 31:3 ပူးပေါင်းရင်းမြစ်များ

Tsutɨarika 28:15

Ne 'ahamatɨa nepuyeikani. Nepɨmatsi'ɨwiyani tsepa hakewa pemeyeika, meta nepɨmatsi'akunuitɨani 'ikɨ kwieyaritsie. Nepɨkamatsiku'eirieni neraye'atɨameke kenemutayɨkai».

Tsutɨarika 32:9

Hikɨ Kakuwu 'ayumieme kaniuyutanenewieni: «Yawé neteukari 'Apɨrahami meta nepaapa 'Itsahaki wakakaɨyari pemɨhɨkɨ, mɨpaɨ pemɨnerahɨawekai nekehakunuanike nekie ne'iwama wahetsɨa, meta kename penetsiparewiekakekai:

Hepɨrayutsixi 13:5

Mɨpaɨ xeketeneu'uwani tumini xekahiwe'erietɨ, xekenenaki'aka xeheixeiyatɨ tita xemɨtehexeiya. Mɨkɨ kanihɨkɨtɨni kemɨ'ane mɨpaɨ mutayɨ: «Ne yemekɨ 'axaɨtame nepɨkamatsihayewani, nepɨkamatsiku'erieni hatsuaku».

Kitsariyaxi 41:10

'Ayumieme pepɨkamaka, netsɨ 'ahamatɨa nekaniuyeikani, pepɨka'a'uximatɨaka, ne nepɨ'akakaɨyari. Nepɨmatsitɨrɨkariyani meta nepɨmatsiparewieka, ne nepɨmatsituikani nemamakɨ 'aixɨa mɨtiyuriekɨ.

Nɨawari 50:15

Keneneutahɨawi kepauka 'uximatɨarika pemexeiya, ne nepɨmetsixɨna, 'ekɨta 'aixɨa pepɨnetitahɨawe».

Tsutɨarika 31:13

Ne Kakaɨyari nekanihɨkɨtɨni Weteri nemunehekɨataxɨ, hakewa mawari pemewewi nehetsiemieme tetetsie, meta kepemainekai nehɨxie. 'Ayumieme kenanukukexi 'ikɨ kwieyaritsie, kenemie kemɨ'ane kwieyaritsie pemetinuiwaxɨ”».

Tsutɨarika 21:22

'Ana 'Awimereki 'Apɨrahami hetsɨa kaninuani, Pikuuri titewatɨ kaneteɨtakaitɨni kuyaximama wa'ukiyari, mɨpaɨ 'Apɨrahami katiniutahɨawe: —Mɨpaɨ tepɨtemate, Kakaɨyari waɨkawa pɨmatsiparewie naime kepemɨtiyuriene.

Nɨawari 46:1

Kakaɨyari tahetsie nunuwame kanihɨkɨtɨni, hetsiena temɨta'awieta, yuheyemekɨ tatsiparewiwame kepauka temu'uximatɨarie.

Tsutɨarika 35:1

Merikɨtsɨ Kakaɨyari Kakuwu mɨpaɨ katiniutahɨawe: «Kenemie, Weteri kenekani. Mana mawari taiyame kenetawewi nehetsiemieme hakewa pemɨnetsihexei mana pe'uyemietɨ 'Etsahu hekɨ pe'uyu'unarɨmetɨ».

Tsutɨarika 31:18

Yunaime tiwara'arietɨ yutewama Parani-'Arami mɨtiukaxeiyakai, mekanekɨne Kanani me'erietɨ, 'ukiyarieya 'Itsahaki manukateitsie.

Tsutɨarika 30:25

Hikɨ 'ari Xakeri Kutse 'ayexeiyaku, Kakuwu Rawani mɨpaɨ katiniutahɨawe: —Keneneupitɨa nemɨyemiekɨ nekiepaitɨ.

Tsutɨarika 28:13

Metatsiere Yawé kaniuxeiya 'auriena 'uweme, mɨpaɨ tikɨhɨaweme: «Ne Yawé nepɨhɨkɨ 'ateukari Kakaɨyarieya 'Apɨrahami meta 'apaapa 'Itsahaki. 'Ekɨ yaxeikɨa 'anuiwarima 'ikɨ kwie nepɨxeyetuirieni mana hikɨ pemanukatsie.

Tsutɨarika 28:4

'Ekɨta kematsiyetuirieni meta 'anuiwarima 'Apɨrahami 'aixɨa kemuyuriekai, 'ikɨ xepiini mayanikɨ hikɨ temanu'uwa teewanarixi wahepaɨ, 'Apɨrahami kemɨtiutahɨawarie 'ikɨ kwie hepaɨtsita.

Tsutɨarika 26:24

'Ana tɨkaritsie Yawé kaniuyuhekɨata mɨpaɨ katinitahɨawe: «Ne 'apaapa 'Apɨrahami Kakaɨyarieya nekanihɨkɨtɨni. Pepɨkamaka, ne 'ahamatɨa nepuyeika. 'Apɨrahami 'aixɨa mɨtiuyurikɨ, 'aixɨa nepɨmatsiyurieni nepɨwatimɨiriya 'anuiwarima».

Tsutɨarika 13:15

Mɨkɨ nepɨmatsiyetuirieni meta 'anuiwarima yuheyemekɨ pemixeiya kwie naime.

Nɨawari 90:15

Kepaɨmexɨa wiyari temɨte'uka'eniwakai petatsihiweritɨatɨ, mɨkɨ tukari hikɨ temawierika pɨta kenayeitɨa.

Tsutɨarika 50:24

Hikɨ 'arikemɨkake, Kutse mɨpaɨ katiniwarutahɨawe yu'iwama: «'Etsiwa xeikɨari peuyewetse nemɨmɨnikɨ, peru Kakaɨyari kanixeparewiekamɨkɨ, kanixe'ayewitɨmɨkɨ 'ikɨ kwieyaritsie kanixe'anuwitɨmɨkɨ kwie 'Apɨrahami, 'Itsahaki meta Kakuwu mɨwaxatɨakaitsie».

Tsutɨarika 31:2

Yaxeikɨata Kakuwu katinetimani Rawani 'aixɨari mɨkatixeiyakaikɨ meripaitɨ kemɨkatixeiyakai.

Tsutɨarika 31:4

Hikɨ Kakuwu katiniutanɨ'ani yu'ɨitama Xakeri meta Reya wahekɨ, muxatsi mɨwarahɨnetsie paitɨ,

Tsutɨarika 35:3

Weteri paitɨ tekaniyehuni. Mana tenari mawari taiyame nekanetawewimɨkɨ Kakaɨyari hetsiemieme mɨnetsi'uparewi ne'uweiyariekaku, huyeta nehamatɨa mumie».

Memeyekɨ 3:12

Kakaɨyari mɨpaɨ katinitahɨawe: —Ne 'ahamatɨa nepuyeikani. Meta ne'inɨari nepɨmatsiwewirieni kename ne nehɨkɨ nemɨmatsihanunɨ'ani: Kepauka pemɨwarayewitɨni neteɨterima 'Ekipitu kwieyaritsie, yunaitɨ xeme xenetsi'ayexeiyatɨ xepakɨne 'ikɨ hɨritsie.

Tsutɨarika 32:5

hikɨ pɨwarexeiya wakaitsixi, puxuri, muxatsi, te'uximayatamete 'ukitsi 'ukari. Mɨpaɨ pɨreyenɨ'a, 'aixɨa 'anemekɨ pemitakwewiekakɨ».

Tsutɨarika 32:10

ne xɨari mati'uximayatsiriwame heitserie nepɨkahexeiya 'aixɨa pemɨnetixeiyanikɨ pemɨnetsiparewiekaku. Kepauka Kurutani hatuxameyaritsie nemanatɨa tixaɨtɨ nepɨkarexeiyakai ne'itsɨ xeikɨa nepakwekai, peru hikɨ hutakɨa mepukutei neteɨterima.