Tsutɨarika 3:24 - Kakaɨyari Niukieya

²⁴ Waranuyeweiyaka, haraweri 'Ereni tau manatineika hepatsie Kakaɨyari teɨtametemama memayeneniere meta xeime 'ixipara takame naitsarie 'uyuaneme, huye mɨ'ɨwiyanikɨ kɨye tukari tiyupitɨwame hetsɨa meutayune.

Tsutɨarika 3:24 ပူးပေါင်းရင်းမြစ်များ

Hepɨrayutsixi 1:7

Niuki tuayamete wahepaɨtsita mɨpaɨ paine: «Yuniuki tuayamete 'eka kaniwarayeitɨwani, te'i'uximayatsiriwamete meta tai nerɨkwari kaniwarayeitɨwani».

Nɨawari 104:4

'Eka 'aniuki tuayamete pepɨwarayeitɨwa, meta mimierika mepɨmate'uximayatsirie.

Wani 14:6

Ketsutsi mɨpaɨ katinita'eiya: —Ne nekanihɨkɨtɨni huye, tita yurikɨ mɨraine netihɨkɨta, tukari netihɨkɨta. Xewitɨ ne'ukiyari hetsɨa pɨka'aye'awe yuxaɨtame, nekɨmana xeikɨa paye'awe.

Nɨawari 99:1

Yawé ti'aitame kanihɨkɨtɨni: nuiwarite meke'utiyɨyɨakani. Mɨkɨ yuteɨtamete watsata yu'uweni kaniukeka: kwie ke'utayuaneni.

Nɨawari 80:1

'Ixaheri hɨweme, 'ekɨ kutse pemuwitɨxime muxatsi wahepaɨ, 'ekɨ metsiteɨtamete watsata pe'atikaitɨ, ketaneu'eni. Keneuxawatɨxɨa

1 Tsamuheri 4:4

'Ana yayupaɨmeme mekaniwarenɨ'ani Tsiru paitɨ tɨratu kakuniyari memɨkweiyukɨ, Yawé Naimekɨmɨtɨrɨkaɨye tipiinieya mɨti'aita yuteɨtamete watsata. 'Eri niwemama yuhutatɨ 'Uni Pinexi matɨa mekanihɨritɨariekaitɨni Kakaɨyari tɨratuya kakuniyari.

Kutsuhexi 5:13

Merikɨtsɨ Kutsuhexi Keriku 'aurie kaniukateitɨni, kepauka manukunierixɨ xeime tewi kaniuxeiya hɨxiena 'uweme, 'ixipara heukwekame. Kutsuhexi 'ahurawa kaniuyani kanita'iwawiya: ―¿'Ekɨ petihɨkɨ tahetsɨamieme, nutsutɨ pemɨtatsi'aye'unie pepɨyɨane?

'Inɨatsie 22:23

Kepauka puxu Yawé niuki tuayameya muxei 'ixipara 'akwekame, huye kaniuku'eirieni xaɨtsie kaneukuyune. Hikɨ Warami kanikuwaxɨani huyeta mɨyemiekɨ.

Memeyekɨ 25:2

«'Ixaheritsixi mɨpaɨ ketiniwaruta'aitɨa mawari mekenetsi'atɨirieni. Kaneuyewekani memi'atɨanikɨ yunaitɨ kemɨ'ane mɨpaɨ mɨtiwakuyuitɨwani.

Tsutɨarika 3:23

'Ayumieme Yawé Kakaɨyari kaniwaranuyeweiya teɨteri 'Ereni haraweriyarita, kaniwarupitɨani memɨte'uximayakakɨ kwiepa, 'Arani kwiekɨ mutawewiyakɨ.

Tsutɨarika 4:1

'Arani yu'ɨya 'Ewa hamatɨa xeime nunutsi mekanayexeiya Kahini katiniterɨwa. Mɨpaɨ kaniutayɨni 'Ewa: «Yawé netsiparewiekaku nunutsi 'ukitɨme nepayexei».

Tsutɨarika 4:14

Hikɨ pepɨnetsi'ayewei, tawarita 'ahɨxie nepɨka'uyeikani. 'Ena kwiepa nepuyeikani neyuku'awietanetɨ yu'uname hepaɨ, xewitɨ xɨka netsihanukunake pɨnetsihemieni.

'Etsekieri 10:1

'Ariketa nekaniuniere, Kakaɨyari teɨtamete waheima muyematsie nekatiniuxeiya 'uweni hepaɨ ti'anekame, tsapiru teteyarikɨ wewiyakame.

'Etsekieri 31:11

ne nekaneihɨani, manuyeka hetsɨa nekaniyetuani, ke'axamɨtiuka'iyari yamɨ'itɨarienikɨ.