Tsutɨarika 3:19 - Kakaɨyari Niukieya

¹⁹ Tukarikɨ peti'uximayatɨ pekwaxiyatɨ 'a'ikwaite pekatinexeiyakamɨkɨ, mexi kwiepa pekanuaweni, hakewa pemetawewiya. Tumuanari pekanihɨkɨtɨni, hutarieka pekaninuamɨkɨ tumuanari pemayanikɨ».

Tsutɨarika 3:19 ပူးပေါင်းရင်းမြစ်များ

Ti'ɨkitame 12:7

'Anari kwiepa tumuanari kanayeimɨkɨ, meripaitɨ mɨ'anekai hepaɨ, 'iyari kanakunuamɨkɨ Kakaɨyari hetsɨa, mɨkɨ mana meiyenɨ'akɨ.

Kuwi 34:15

yunaitɨ teɨteri mekaniukumaweriweni, yunaitɨ tumuanari mekanakɨniwaweni.

Nɨawari 104:29

Xɨka pewaruhayewa, meputimamawe, xɨka wa'iiya pewarunawairieni mepɨtakukuwe meta tumuanari mepakɨka.

Tsutɨarika 2:7

Hikɨ Yawé Kakaɨyari tewi kaniutawewieni kwiekɨ. Tsurieyatsie 'ihɨtsieka tukari kanipitɨani mayenierenikɨ muta'iwenikɨ. 'Ana 'ayeyuritɨ tewi kanayani.

Nɨawari 90:3

'Ekɨ yapepɨtiyuriene teɨteri tumuanari memakɨkanikɨ, kepauka mɨpaɨ pemutaine: «Xemɨkwiwawe, tumuanari xeke'akɨne».

'Epetsutari 4:28

Kemɨ'ane mɨtinawayakai ketiuhayewa tinawanetɨ, ketikumaɨwani matsi yumamakɨ 'aixɨa tiyurienetɨ, mɨrexeiyanikɨ mɨkɨ memɨteheuyehɨwa mɨtiwayetuiriwanikɨ.

Ti'ɨkitame 3:20

'Axeikɨa naitɨ katiniyemieni. »Naitɨ tumuanaritsie mɨtiyetɨa, tumuanaritsie katininuamɨkɨ.

Tsutɨarika 18:27

'Apɨrahami mɨpaɨ katinitahɨawe: —Ne nepɨnemate kenetineuyehɨwirieka kwinimieme nematiku'iwawiyakɨ neti'aitɨwame, ne tumuanari naxi nepɨhɨkɨ.

Tanieri 12:2

meta kwiepa tumuanaritsata mekananuku'uikuni yumɨiretɨ memukutsu, mɨkɨ hipatɨ yuheyemekɨ 'amemu'uwanikɨ, peru hipatɨta memɨtewiyatsitɨarienikɨ xeikɨa meta memɨte'uka'eniwanikɨ waɨkawa yuheyemekɨ.

Ti'ɨkitame 1:3

¿Ketita ra'iwa tewi, waɨkawa tiyurienetɨ 'ikɨ tukaritsie timieme?

Nɨawari 22:15

Netɨrɨkariya haxu hepaɨ puwa, neneni pukuwewerike. Mɨkite watsata pepɨnetsi'ukateukixɨ.

Tsutɨarika 23:4

—Neuxei, ne 'ena nepɨkakiekame, peru kwie terɨ xepɨnetsituirieni muwa ne'ɨya nemeutatenikɨ.

2 Tetsarunikatari 3:10

Mɨkɨ meta, kepauka xehetsɨa teme'uwakai mɨpaɨ tetenixe'aitɨakaitɨni: «Xɨka xewitɨ kayuwaɨriyani mɨti'uximayakakɨ, mekuxi mɨkɨ tixaɨ mɨkatikwani».

Nɨawari 103:14

Ketemɨte'u'iyari mɨkɨ katanimaika, katinimaika tame haxu temɨhɨkɨkɨ.

1 Tetsarunikatari 2:9

'Iwamarixi, xekana'eriwani ketemɨte'uximayakai, tukarikɨ tɨkarikɨ ketemɨte'uximayakai nixeime temɨkate'uxitɨakakɨ, mɨpaɨ tetenixekuxaxatɨwakaitɨni Kakaɨyari niukieya 'aixɨa manuyɨne.

Ti'ɨkitame 5:15

Ke'anetɨ mutinuiwaxɨ yumaamatsie, mɨpaɨta 'anetɨ kaniyemieni: mawetɨ kemɨtinua 'ena kwiepa, tixaɨtɨ pɨkaranutɨni waɨkawa yu'uximayatsikatsie timieme.

Ti'ɨkitame 1:13

Nepɨnewaɨri yanemɨretimanikɨ kemɨti'anekɨ 'ena kwiepa, mɨpaɨ nepɨretima Kakaɨyari 'uximayatsika pɨtatsi'uku'eiriri waɨkawa haheteme tame yatemɨtekakɨnekɨ hetsiena.

Temaiwawemete 21:16

Kemɨ'ane mɨtihayewa 'aixɨa tiyurienetɨ yuhuyeta, mɨkɨ yapauka mɨkite watsata kaniyuhayewamɨkɨ.

Nɨawari 22:29

Yunaitɨ kwiepa waɨkawa memɨtehexeiya mekaniyutitemamawikuni meta hɨxiena mekanikahɨxima'uikuni, hɨxiena mekanikatunuma'uikuni yunaitɨ memukwi, yunaitɨ tukari memɨyupitɨani memɨkayɨwawe.

Kuwi 21:26

Tumuanaripa yuxexuitɨ mekanikuhikuni, mɨkɨ yunaitɨ kwitsiterixikɨ mekaneunɨtɨkaikuni.

Kuwi 19:26

Kepaukari newaiyari mɨka'une, 'akuxi Kakaɨyari nehɨxikɨ nekanexeiyamɨkɨ.

Kuwi 1:21

Hikɨ mɨpaɨ kaniutayɨni: «Nemawetɨ nemaama hetsie nepayene meta nemawetɨ nepɨyemie. Yawé pɨnetiyetuiriekai Yawé kanetiniunawairieni. Yawé hepaɨtsita 'aixɨa keraniuwani».

1 Kurinitutari 15:47

Mexɨakame tewi kwiepa kanimiemetɨkaitɨni, kwiekɨ mutawewiyakɨ, hutarieka mieme tewi taheima pɨta kanimiemetɨni.

Hepɨrayutsixi 9:27

Teɨteri wahetsie katininakimɨkɨ xeimieme memɨkwinikɨ, 'ariketa 'itsɨkame kaniwatahɨawimɨkɨ.

Tsutɨarika 3:18

Kwie kanitinetɨamɨkɨ xuya 'ahetsiemieme, yeuta mɨtiutixuxuawereni 'a'ikwai payeikani.

Kuwi 4:19

matsiri teɨteri haxukɨ memɨwewiyatɨka kepauka yuri tiwaruta'eriri, tumuanarikɨ mekaniwewiyatɨkani, mekanitipɨnarɨwani kakwaniwemekɨ kɨpi tikɨmeme hepaɨ.

Nɨawari 104:23

Hikɨ teɨteri mekanayekɨkani yu'uximayatsika menɨnike, meteta'uximayatake kepaukake mɨkɨyɨre.

Nɨawari 127:2

Yakɨ xeikɨa ximeri paitɨ xekananuku'uweni, meta yakɨ xeikɨa 'arike xekaniukahipiteni, meta yakɨ xeikɨa kwinimieme xekateni'uximayaka 'ikwai xemɨte'ukaxexeiyanikɨ. Karikɨ Kakaɨyari kutsi kaniwapitɨaka pɨta kemɨ'ane mɨwanaki'erie.

Tsutɨarika 5:5

'Arani kaniumɨni 'atanauka tsienituyari heimana xeitewiyari heimana tamamata wiyari hexeiyatɨ.

Kuwi 10:9

Kena'eriwani 'ekɨ pepɨnetsi'utawewi, haxukɨ. ¿Hikɨta tumuanari penerayeitɨani?