Tsutɨarika 3:17 - Kakaɨyari Niukieya

¹⁷ 'Uki meta mɨpaɨ katiniutahɨawe: «'Uki 'aku 'Arani, 'ekɨtsɨ pepenu'eni 'a'ɨya, pepitakwai 'ikwaxi, mɨkɨ kɨyetsie mieme tsepa mɨpaɨ nematiutahɨawixɨ pemɨka'ikwakakɨ. 'Ayumieme kwie 'axakani'itɨariekamɨkɨ mɨpaɨ pemɨtiuyurikɨ, haweri mieme peti'uximayatɨ xeikɨa pepɨtikwaka kwiepa mieme, mexi 'ape'uyeikani.

Tsutɨarika 3:17 ပူးပေါင်းရင်းမြစ်များ

Tsutɨarika 5:29

Rameki Nuhexi pɨtiterɨwaxɨ mɨpaɨ mutayɨkɨ: «'Ikɨ nunutsi pɨtatsika'uxipitɨani ketemɨte'uximaya tete'uka'eniwatɨ meta ketemɨte'uximaya kwiepa Yawé 'axa'iyurieku».

Wani 16:33

'Ipaɨ nekatinixekuxaxatɨwakaitɨni yu'iyaritsie xemɨka'uximatɨariekakɨ nehetsie xetewiyatɨ. Kwiepa 'uximatɨarika xekanexeiyakakuni, yu'iyari xekeneukayetsa matsi, ne nekane'iwa tita kwiepa mɨtimieme.

Nɨawari 127:2

Yakɨ xeikɨa ximeri paitɨ xekananuku'uweni, meta yakɨ xeikɨa 'arike xekaniukahipiteni, meta yakɨ xeikɨa kwinimieme xekateni'uximayaka 'ikwai xemɨte'ukaxexeiyanikɨ. Karikɨ Kakaɨyari kutsi kaniwapitɨaka pɨta kemɨ'ane mɨwanaki'erie.

Ti'ɨkitame 5:17

'Imatɨrieka kepaɨmexɨa muyeikani yɨwipa katinikwakamɨkɨ, meta waɨkawa 'uximatɨarietɨ katinikuyekamɨkɨ 'ayu'eriyatɨ.

Kuwi 14:1

»Tukari 'etsipɨpaɨme, timɨireta 'uximatɨarika, tewi 'ukaratsitsie mɨyenuiwaxɨ meixeiya.

Xumatari 3:19

Hikɨ tame mɨpaɨ tepɨtemate, naime 'inɨari niukiyari kemaine, pɨtiwarutaxatɨa mɨkɨ 'inɨari niukiyaritsie memɨtewiya, yunaime wateni muwaranunamirienikɨ, Kakaɨyari mɨwataxanetakɨ yunaime kwiepa memɨtama.

Kuwi 21:17

»¿Kepauka 'axamemɨte'u'iyari wakɨxeme pɨtɨxɨa? ¿Kepauka 'axamɨtiwayurie wahetsie pɨye'axe? ¿Kepauka Kakaɨyari, yuhaxɨakɨ, pɨtiwakwinitɨa

Rukaxi 19:22

Ti'aitame mɨpaɨ katinita'eiya: “Ti'uximayatame 'axapemɨtiuka'iyari, 'ahetsie pepɨrahɨpa 'akɨmana kepemutayɨ. 'Ekɨtsɨ mɨpaɨ pepɨtimaikai kenemɨtiuyukawawiriemɨkɨ, nemenu'ɨwe tita nemɨkatiyetua meta nemuka'itsana tita nemɨkatiuka'e.

Mateu 25:45

Hikɨ mɨpaɨ katiniwatahɨawimɨkɨ: “Yurikɨ, mɨpaɨ nepɨxerahɨawe, naime kexemɨkate'uyuri 'ikɨ ne'iwama wahetsiemieme tsepa tixaɨtɨ mɨkatihɨkɨ hetsiemieme, neta nehetsiemieme yaxepɨkate'uyuri”.

Ti'ɨkitame 2:17

Merikɨ netukari neputi'uxiwe'eri, tsepa naimekɨ mɨpaɨ nemɨtiyurienekai 'axapɨ'anekai nekɨmana. Yurikɨ naitɨ tixaɨtɨ pɨkaratɨa, matsi 'eka 'utɨma pemunautsarɨmeni hepaɨ kani'aneni.

Ti'ɨkitame 2:11

Nepuyuti'iyaritɨa naimekɨ ne'uximayatsikatsie kenemɨtiuyuriekaikɨ, waɨkawa nemɨtineti'uxitɨakɨ neti'uximayatɨ, mɨpaɨ nepɨretima mɨkɨ tixaɨtɨ pɨkatihɨkɨtɨkai, xɨka 'eka pe'anukuweiya pepɨkahenuku'axe, mɨpaɨta katinimatsiɨkɨni tixaɨtɨ pɨkatihɨkɨ 'atukaritsie timieme.

Tsutɨarika 3:11

Hikɨ Kakaɨyari mɨpaɨ kaniutayɨni: —¿Kemɨ'ane mɨpaɨ matiutahɨawixɨ kename pemawekai? Mɨkɨ 'ikwaxi nemɨxemaiwe'erikatsitɨakai xekate'utikwai.

Tsutɨarika 3:6

Hikɨ 'uka mɨkɨ 'ikwaxi witsi'anekame kaniuxeiya kanitihiwe'erieni mitakwanikɨ, timaiwetɨ mayanikɨ. Hikɨ kaneka'inɨni kanitakwani. Kwitɨta yɨkɨna kaniumini mɨkɨta kanitakwani.

Mateu 22:12

Mɨpaɨ katinitahɨawe: “Nehamiku, ¿kepetiuha 'uwa neɨkiyapa mieme 'ixuriki peka'anakatɨtɨ?” Mɨkɨ kayuwatɨ tinikateitɨni.

Hepɨrayutsixi 6:8

Mexɨka kwie xɨka xuya witsaxa 'utinetɨani pɨxani'eriwa pɨta, pɨkweriwa'ane hepaɨtsitana mɨtikuxaxatsiwanikɨ para 'axamɨ'itɨarienikɨ, mɨtataiyarienikɨ pɨ'ayumieme xeikɨa.

Tsutɨarika 3:18

Kwie kanitinetɨamɨkɨ xuya 'ahetsiemieme, yeuta mɨtiutixuxuawereni 'a'ikwai payeikani.

Tsutɨarika 8:21

Kepauka Yawé 'ɨakariyari witsimu'ɨa mu'ukwixɨ mɨpaɨ katiniuyuhɨawe: «Tsepa teɨteri tɨɨriyari paitɨ 'axamemɨteyurie, tawarita kwie 'axanepɨkayurieni tewi ya'ane wiwiekaku. Metatsiere hatsuakuri nepɨkatiwakwini kwiepa memɨtexɨawe, hikɨ kenemɨtiuyuri.