Tsutɨarika 3:1 - Kakaɨyari Niukieya

¹ Kuu, kwinimieme katinimaiwekaitɨni keyuri hipatɨ yeutari Yawé Kakaɨyari muwarutawewiekai, hikɨ 'uka mɨpaɨ pɨtiuta'iwawiyaxɨ: ―¿Kakaɨyari mɨpaɨ pɨkahainekai xɨari kename xeka'ikwaka naime 'ikwaxi harawerita mieme?

Tsutɨarika 3:1 ပူးပေါင်းရင်းမြစ်များ

2 Kurinitutari 11:3

Peru nepeuma kapa xete'u'itaiyarienikɨ kexemɨteyɨkɨhɨawe yu'iyaritsie, yaxeikɨa mɨkɨ kuu 'Ewa kemɨtiu'itaiyaxɨ. Mexɨka mɨpaɨ tiuyɨnike, xe'iyari pɨkayuxewinikeyu, Kɨritsitu hetsie xeikɨa xepɨkatewiyanikeyu, xepɨka'itiyakakeyu.

2 Kurinitutari 11:14

Mɨkɨkɨ tepɨkahɨxiyaka. 'Atsita Tsatanaxi puyupata hekɨaripa mieme niuki tuayame hepaɨ mɨtiyuxexeiyanikɨ.

Matsiɨkɨtɨ kemɨratɨa 12:9

Hikɨ mɨkɨ kuu 'amɨtimariwe mɨpaɨ katinayeweiyarieni, mɨkɨ kuu matɨari paitɨ mieme Kauyumarie mɨtitewa meta Tsatanaxi, mɨtiwa'irɨwiya yunaime kwiepa memɨtama, mɨkɨ kananuyehɨiyani mana, kwiepa paitɨ kaneukahɨiyani, niuki tuayametemama 'utɨmanata mekaneukaxɨriyani.

Matsiɨkɨtɨ kemɨratɨa 20:2

Hikɨ mɨkɨ kuu kaniuwiya meripaitɨ mieme Kauyumarie meta Tsatanaxi mɨhɨkɨ, kanekuwieni xeimiriyari wiyari.

Mateu 4:3

Hikɨ tiyu'irɨwiyame nuaka mɨpaɨ katinitahɨawe: ―Kamɨtsɨ, xɨka 'ekɨ Kakaɨyari penu'ayatɨni, mɨpaɨ ketineutahɨawi 'ikɨ tetexi paa makɨnekɨ.

Mateu 10:16

Neri nepɨxeheutanɨ'axɨa muxatsi wahepaɨ 'ɨrawetsixi watsata. 'Ayumieme, xeketenemaiwaweni kuterixi wahepaɨ, peru xepɨka'inɨka tita 'axamɨti'ane kukuruxi wahepaɨ.

Mateu 4:6

Hikɨ mɨpaɨ katinitahɨawe: ―Xɨka 'ekɨ Kakaɨyari penu'ayatɨni, 'ena keneukatsuna. 'Utɨarika mɨpaɨ kanaineni: »“Niuki tuayamete pɨtiwa'aitɨaka 'ahepaɨtsita, yumamakɨ mepɨmatsituikani kapa tetetsie pe'uti'ɨkamɨrekɨ”».

Kitsariyaxi 27:1

'Iya tukaritsie Yawé kuu Rewiyatahini mɨtitewa katinikwinitɨamɨkɨ, kwinimieme mɨrayu'unawe, kwinimieme mɨrakwinɨriwawe. Yu'ixiparakɨ mɨtiyumemiwakɨ, mɨmariwekɨ meta mɨtɨrɨkaɨyekɨ, kuu mɨmariwe kanimiemɨkɨ haramaratsie mɨyeyeika.

Ti'ɨkitame 4:10

Xɨka xewitɨ 'atiweni, xewitɨ kanenukuhanimɨkɨ. Matsi xɨa'ui kemɨ'ane matiweni, mɨkaheixeiya kemɨ'ane menukuhana.

Mateu 4:9

Mɨpaɨ tikuhɨawetɨ: ―'Ikɨ naime nepɨmatsiyetuirieni, xɨka pe'awaɨriyani pemɨnetsi'ayexeiyanikɨ.

1 Pekuru 3:7

'Ukitsi meta yaxeikɨa, xetemaiwawetɨ yu'ɨitama wahamatɨa xekeneutiteni, mɨpaɨ xetemaitɨ, xehepaɨ memɨkatɨrɨkawikɨ yuwaiyaritsie, mariwemekɨ 'aixɨa xeketeniwaxeiyani, mɨpaɨ xetemaitɨ, mexeteɨtakaku wahetsieta pɨtinake tukari memɨmikienikɨ xehamatɨa. Mɨpaɨ xɨka xeteyurieka xenenewieri pɨka'anunamieni.

Matsiɨkɨtɨ kemɨratɨa 12:15

Hikɨ kuu 'amɨtimariwe 'ukaratsi mɨkuweiyanekai hatuxame hepaɨ pame haa kananatihayani 'ukaratsi manuhautsitɨanikɨ.