Tsutɨarika 27:40 - Kakaɨyari Niukieya

⁴⁰ 'A'ixiparakɨ pe'amienetɨ pepuyeikani, 'amuta pepɨti'uximayatsirieka. Peru kepauka petɨrɨkaɨyetɨ pemayani, pepɨyuxɨna kemɨmati'aitɨa».

Tsutɨarika 27:40 ပူးပေါင်းရင်းမြစ်များ

Tsutɨarika 25:23

Mɨkɨ mɨpaɨ katinita'eiya: «'Ahukatsie huta nuiwariyari mepɨyetei, huta nuiwariyari 'ahukatsie meyetetɨ mepayuye'unie. Xewitɨ tɨrɨkaɨyetɨ kanayeimɨkɨ xewitɨta hawaikɨ, 'amɨyumate yutaru katinita'uximayatsiriemɨkɨ».

2 Kemɨtiuyɨ 21:10

'Anatɨtɨ mɨtiyehane 'Erumi kwieyari Kura kwieyaritsie pɨkatiwiya, metatsiere yaxeikɨa Riwina kiekariyari kanayutsana mɨkɨ mɨya memɨyɨ wahepaɨtsita. 'Ikɨ mɨya pɨtiuyɨ Kurani Yawé muku'eirikɨ, 'ukiyarimama wakakaɨyari.

2 Tsamuheri 8:14

Yaxeikɨata 'Erumi kwieyaritsie kuyaxi tehɨwemete kaniwaru'uitɨani, naitsarie mɨkɨ kwieyaritsie Rawiri tiwa'aitɨatɨ kanayani, hikɨ mɨkɨ 'erumitsixi Rawiri hetsɨa meteyukutuayatɨ mekanakɨne. Naitsarie kemɨtiyumienekai Rawiri katinayu'iwakaitɨni Yawé 'iparewiekaku.

Nɨawari 60:8

Muhawi hetsie nekaniukamaimawani, 'Erumi hetsie nekakai nekaneutaxɨrɨwani, Piritsiteu kwieyari hetsie nekanahiwani tetehayu'iwaka».

2 Kemɨtiuyɨ 21:8

Kepauka Kurani mɨti'aitametɨkai, 'erumitsixi mekanayutsana Kura hetsie memɨtehawiyakai, yuxaɨta ti'aitame mekananukakeni yuhetsiemieme.

2 Kemɨtiuyɨ 28:17

hekwamekɨ 'erumitsixi Kuratsie memɨtahaxɨakaikɨ meta yayupaɨmeme teɨteri memɨwarehapakaikɨ.

2 Te'aitamete 14:10

Metsɨ mɨpaɨ kani'aneni, 'Erumi pekana'iwa, hikɨ 'ayumieme kwinimieme pekatini'atemawieka. 'Aixɨa kani'aneni, kene'ata'ɨreni kuta, peru 'akie keneukani. Pepɨka'iwauneni 'ekɨ pemɨmierienikɨ meta Kura mɨka'unarienikɨ».

2 Te'aitamete 14:7

'Amatsiyaxi tamamata miriyari kaniwarukwini 'erumitsixi mayeweritsie Maye'unaya mɨrayetewatsie, meta Tsera kiekatari kaniwara'iwa, mɨkɨ kiekari Kuteri katiniterɨwa, hikɨ 'akuxi mɨpaɨ katinimatiwani.

Tsutɨarika 32:6

Kepauka teɨterimama memakunuaxɨa, Kakuwu mɨpaɨ mekateniutaxatɨani: «'A'iwa 'Etsahu tepɨtehetaxatɨa, 'upamie pɨmatsihanakimie nauka tsienituyari wara'inietɨ yuteɨterima».

Mateu 10:34

»Mɨpaɨ xepɨkateku'eriwani kename ne nenua kwiepa memɨtama 'aixɨa meteyuxeiyame nemɨwarayeitɨanikɨ. 'Aixɨa meteyuxeiyame nemɨwarayeitɨanikɨ nepɨkanua, matsi memayuye'uniekakɨ pɨta nekaninuani.

Tsutɨarika 27:29

Waɨkawa teɨteri 'ahetsɨa mekete'uta'uximayata, nuiwarite 'ahɨxie meke'utitunuma'uni. 'A'iwamatɨme peketiwaruta'aitɨani, 'amaama niwemama 'ahɨxie meke'utitunuma'uni. Kemɨ'ane 'axamɨmatsiyurieni mɨkɨta 'axapɨ'itɨarieka, meta kemɨ'ane 'aixɨa mɨmatixeiyani mɨkɨta 'aixɨa pɨ'itɨarieka».

Tsutɨarika 33:9

'Etsahu mɨpaɨ kaniutayɨni: —Neuxeitsɨ, nemuta, matsi neta waɨkawari nepɨrexeiya. Ketinapitɨ 'apiinite.