Tsutɨarika 26:31 - Kakaɨyari Niukieya

³¹ 'Uxa'arieka ximeri me'anuku'uka yunaitɨ me'uyu'enieka tɨratu mekaniuwewieni, hikɨ 'Itsahaki kaniwarutateutɨani, mɨkɨta mekanitahɨawe hamikutsixi mekanakɨne.

Tsutɨarika 26:31 ပူးပေါင်းရင်းမြစ်များ

Hepɨrayutsixi 6:16

Teɨteri kepauka memɨyɨhɨritɨa, mepixata kemɨ'ane matsi waɨkawa mɨtɨrɨkaɨye, naimekɨ xɨka yuhɨritɨani, mɨkɨkɨ pɨtseiriyarie niuki, mɨkɨkɨ pɨnɨrie niuki xɨatɨarika.

1 Tsamuheri 30:15

Hikɨ Rawiri mɨpaɨ katinita'iwawiya: —¿Mɨkɨ tenawayamete hakewa mepe'uwa wahetsɨa ketananuwitɨki? 'Ekipitu kiekame mɨpaɨ katinita'eiya: —Kakaɨyari hɨxie 'ekɨ yakenetineutahɨawi, kename pekanetsimieni meta neti'aitɨwame hetsɨa pekanetsiyetuani. Mɨpaɨ netimaitɨ nekaxenanuwitɨmɨkɨ hakewa memekutei tenawayamete.

Tsutɨarika 31:44

Matsi tɨratu tepɨwewieni 'ekɨ matɨa ne, mɨkɨ tɨratu teme'eriwanikɨ mɨpaɨ temɨtemaikakɨ.

Tsutɨarika 25:33

Kakuwu matsi tawarita mɨpaɨ katinitahɨawe: —Kamɨtsɨ keneneutuiri heitserie kepemɨrexeiya yanetineutahɨawi 'aheyemekɨ. 'Etsahu yurikɨ yakaniutayɨni, mɨkɨ mɨpaɨ katiniyetuirieni heitserie kemɨrexeiyakai mexɨakametɨtɨ.

1 Tsamuheri 20:3

Hikɨ Rawiri yurikɨ mɨpaɨ katinitahɨawe: —'Ekɨ pemɨnetsinaki'erie 'apaapa yakatinimaika, 'ayumieme xɨari mɨpaɨ pɨtiu'eri: “Yapɨkaretimani matsi Kunatani, mɨkanutuixiekakɨ”. Peru Yawé mayeniere hɨxie meta 'ekɨ 'ahɨxie mɨpaɨ nekanaineni, kanehuraniri nemɨmɨnikɨ.

1 Tsamuheri 14:24

Merikɨtsɨ kuyaxi 'ixaheritsixi waɨkawa mekaneuhakakwikukaitɨni, Tsahuri mɨpaɨ mutayɨkaikɨ Kakaɨyari hɨxie kuyaxi wahetsiemieme: «Kakuyɨriwekaku 'akuxi kemɨ'ane mɨtikwani mɨkɨ Yawé 'axake'iyurieni, memɨnetsi'aye'unie nekawara'iwawekaku 'akuxi». 'Ayumieme xewitɨ tɨma 'ana tukaritsie kuya pɨkatikwakai.

Tsutɨarika 31:55

'Uxa'arieka ximeripaitɨ Rawani 'anukukeka, yuteukarima kaniwaruti'itseni Yawé wawirietɨ 'aixɨa mɨwayuriekakɨ meta yuniwema, hikɨ nakunuani yukie.

Tsutɨarika 22:3

'Uxa'arieka ximeri paitɨ kananukukeni 'Apɨrahami yupuxu kaniutixiratɨani mɨranu'ikatakɨ. Meta kɨye kaniutiwiteni mɨretimawarieni hetsiemieme, hikɨ meyuhutame te'uximayatamete meta yuniwe 'Itsahaki warawitɨtɨ kanayeyani hakewa Kakaɨyari mɨrehɨawekai.

Tsutɨarika 21:23

'Ayumieme, yakenetineutahɨawi Kakaɨyari hɨxie, hikɨ kwitɨwa, kename pekaneti'itaiyani meta neniwema yaxeikɨa nenuiwarima, yakeneutayɨki kename yaxeikɨa penetixeiyani kenemɨmatixeiya, meta yunaime teɨteri 'ikɨ kwieyaritsie kiekatari pemanuyeika 'ateewa kiekame hepaɨ.

Tsutɨarika 21:14

'Uxa'arieka, ximeripaitɨ 'Apɨrahami nanukukeni, paa, nawi haa 'uyemakame Hakari naiparieyatsie nekawirieni. Hikɨta nu'aya kaniyetuirieni, meta kaniwarutateutɨani. Hakari kanayeyani, mekaniuhukaitɨni me'u'erietɨ makumawetsie Weritsewa mɨrakutewatsie.

Tsutɨarika 19:2

Mɨpaɨ katiniwarutahɨawe: —Neuxei 'iwatamete, nepɨxewawirie waɨkawa 'ikɨ tɨkaritsie nekiita xemuyuhayewanikɨ. Muwa yɨ'ɨkate xemetihauxini peyɨwe, 'uxa'akeri ximeri xekaniyehuni kexemɨtehu. Peru mɨkɨ mɨpaɨ mekaniutiyuani: —'Aixɨa pɨ'ane mɨyapemɨtarahɨawe, matsi tame kiekari hixɨapa teɨteri memayutixexeɨriwatsie tepetiheni.

Tsutɨarika 14:22

'Apɨrami mɨpaɨ katinita'eiya: —Yawé hɨxie mɨpaɨ neputayɨ, Kakaɨyari 'Amutewi, muyuawi mutawewi meta kwie,

Tsutɨarika 21:27

Hikɨ 'Apɨrahami wakaitsixi kaniwarutiwiya muxatsi meta, 'Awimereki kaniumini, mɨkɨ tukaritsie yuhutatɨ tɨratu mekaniuwewieni.

Tsutɨarika 26:32

Mɨkɨ tukaritsie 'Itsahaki teɨterimama mekaniu'axɨani mɨpaɨ me'utiyuatɨ xeime putsu hepaɨtsita: —Haa tekanetaxeiya tewati'ineka.