Tsutɨarika 24:7 - Kakaɨyari Niukieya

⁷ Yawé Kakaɨyari muyuawi mutawewi nekie pɨnetseheyewitɨ ne'iwama wahetsɨa, mɨpaɨ netihɨritɨatɨ: «'Anuiwarima nepɨwayetuirieni 'ikɨ kwie», mɨkɨ yuniuki tuayame kananunɨ'amɨkɨ 'ahamatɨa mɨmatsi'anuwitɨnikɨ, 'ekɨ pemeyɨwekaxɨanikɨ 'uka pemawitɨni neniwe 'Itsahaki hetsiemieme.

Tsutɨarika 24:7 ပူးပေါင်းရင်းမြစ်များ

Hepɨrayutsixi 1:14

¿Kamɨtsɨ niuki tuayamete yunaitɨ 'iyarite mekatehɨkɨ, Kakaɨyari memɨte'uximayatsiriwamete, memɨtanɨ'ariwa memɨwaparewienikɨ kemɨ'ane wahetsie mɨtinakirɨme memɨtawikweitsitɨarienikɨ?

Nɨawari 34:7

Yawé niuki tuayameya tihɨweme kaneyenɨ'awani memeyexeiya mɨwa'ɨwiyanikɨ, wa'aurie kaniuyeikani waparewienike.

Memeyekɨ 33:2

Niuki tuayame nepanunɨ'ani 'ahɨxie 'anuyekaitɨ mumienikɨ, nepɨwataweiya mɨkɨ kananeutsixi, 'amuxeutsixi, hetitsixi, peretseutsixi, heweutsixi meta kewutseutsixi.

Tsutɨarika 13:15

Mɨkɨ nepɨmatsiyetuirieni meta 'anuiwarima yuheyemekɨ pemixeiya kwie naime.

Nɨawari 73:24

'A'ɨxatsikɨ pepɨnetsi'uwitɨxime, 'arike matsi witsi'aneme pepɨnetsi'ayeitɨani.

Nɨawari 32:8

Yawé mɨpaɨ kanaineni: «Ne petimaikame nekamenayeitɨamɨkɨ, huye ke'aneme pemuweiyani ne nekamenixeiyatsitɨamɨkɨ, ne nekamenita'ɨxatsitɨamɨkɨ, meta nekamenita'ɨwiyamɨkɨ.

Memeyekɨ 32:13

Keniwara'eriwani kepemɨtiwarutahɨawixɨ, 'Apɨrahami, 'Itsahaki, 'Ixaheri meta. 'Ekɨ mɨpaɨ peputayɨ kename wanuiwari pewatamɨiriyakekai, kememɨteyuxexeiya xurawetsixi muyuawitsie, 'ekɨ pepɨwaruxatɨa kwie wanuiwari wahetsiemieme mayanikɨ yuheyemekɨ.

Tsutɨarika 15:18

Mɨkɨ tukaritsie Yawé 'Apɨrami hetsɨa tɨratu kaniuwewieni. Mɨpaɨ katinitahɨawe: —'Ikɨ kwie nepɨwayetuirieni 'anuiwarima, haa 'Ekipitu mieme manuyeka, meta 'amɨpa manuyekatsie paitɨ 'Eupɨrate mɨtitewatsie.

Matsiɨkɨtɨ kemɨratɨa 11:13

'Ana kwitɨwa kwie karima kaniutayuani. Kiekari tamamatatsie mieme xewitɨ kaneuku'une. 'Atahuta miriyari meyupaɨmetɨ teɨteri mekaniukwini, peru memuyuhayewaxɨ waɨkawamekɨ memamatɨ, Kakaɨyari taheima makawe hepaɨtsita 'aixɨa mekatenikuxatakaitɨni.

Hepɨrayutsixi 11:9

Yuri ti'erietɨ mana kaniuyupata mɨkɨ kwieyaritsie paitɨ kemɨtiutahɨawarie hetsiena mɨtinakenikekaikɨ, peru xeime kwieya hepaɨ pɨtimaikai. 'Ixuriki kiiyarita mekanayetekaitɨni mɨkɨ 'Itsahaki hamatɨa meta Kakuwu hamatɨa, mɨkɨta wahetsie mɨtinakenikekai kememɨte'utahɨawarie, yaxeikɨa 'Apɨrahami hepaɨ.

Nɨ'ariekate 7:5

Kakaɨyari pɨka'imi 'ena mɨtinakeni niyɨ'ɨkakɨ mɨkatakenikɨ, matsi Kakaɨyari mɨpaɨ katinitahɨawe kename 'ipitɨanikekai mɨkɨ, piinieya mɨrayanikɨ, 'arike hetsiena memɨyekɨnekekaita wapiini mɨrayanikɨ, tsepa yuniwe mɨkahexeiyakai 'akuxi.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Nɨawari 103:20

Yawé xekenenɨawani, xeme niukieya tuayametemama, xemɨtɨrɨkawi niukieya xemaye'atɨa meta kemɨti'aita yaxemɨtekahu.

Kutsuhexi 1:6

»Kenetɨrɨkaɨyeni meta pepɨkamaka, 'ekɨtsɨ pekatiniyurimɨkɨ 'ikɨ teɨteri wakwie mayani nemɨwaxatɨakai watutsima.

Hutarieka 'inɨari 34:4

Hikɨ Yawé mɨpaɨ katinitahɨawe: «'Ikɨ kwie kanihɨtɨni, 'Apɨrahami, 'Itsahaki meta Kakuwu kenemɨtiwarutahɨawixi, kename newayetuirienikekai mɨkɨ wanuiwari. Hikɨ nepɨmatsipitɨa pemixeiyakɨ xeikɨa, peru 'ekɨ manari pepɨkaye'ani».

Hutarieka 'inɨari 1:8

Ne nekanixeyetuirieka 'ikɨ kwie xekena'iwa xeyukwitɨwetɨ”. Yawé mɨpaɨ pɨtiwarutahɨawekai xetutsima kename wayetuirienikekai tatsɨari 'Apɨrahami, 'Itsahaki, Kakuwu meta nuiwarimama.

'Inɨatsie 32:11

“Yu'iyarikɨ xemɨkanetsi'u'enikɨ, nixewitɨtɨma xeitewiyari wiyari heimana mexeiya 'Ekipitu memɨyekɨ kwie kapɨxeiya 'Apɨrahami, 'Itsahaki meta Kakuwu nemɨwaruxatɨa.

'Inɨatsie 14:30

kwie pɨkayetuiriyarieni nemɨxexatɨa. Mana xeikɨa mekaneutahaxɨakuni Karewi Kepune nu'aya meta Kutsuhexi Nuni nu'aya.

'Inɨatsie 14:16

“Yawé pɨka'uyɨwekaxɨa 'ikɨ teɨteri mɨwaranuwitɨnikɨ hakewa kwie mɨwarexatɨakai, kaniwarutixɨtɨani makumawetsie wakwitɨ”.

Memeyekɨ 13:5

Mɨkɨ metseriyaritsie meta xekaneiwewikuni 'ixɨarari, kepauka Yawé mɨxeheta'atɨani kwie xe'ukiyarima mɨwaruxatɨatsie kename wayetuirieni. Kanixatsiwani kananeutsixi wakwietsie, meta hetitsixi, 'amuxeutsixi, heweutsixi meta kewutseutsixi: kwiepa hakewa retsi waɨkawa meta xiete maxuawe.

Tsutɨarika 26:24

'Ana tɨkaritsie Yawé kaniuyuhekɨata mɨpaɨ katinitahɨawe: «Ne 'apaapa 'Apɨrahami Kakaɨyarieya nekanihɨkɨtɨni. Pepɨkamaka, ne 'ahamatɨa nepuyeika. 'Apɨrahami 'aixɨa mɨtiuyurikɨ, 'aixɨa nepɨmatsiyurieni nepɨwatimɨiriya 'anuiwarima».

Tsutɨarika 17:8

'Ekɨ meta 'anuiwarima nepɨxeyetuirieni naime Kanani kwieyari, yuheyemekɨ mɨxekwietɨnikɨ, hakewa hikɨ xeme'uwa teewatari wahepaɨ xe'anetɨ. Neta xekakaɨyari nepɨhɨkɨtɨni».

Kunatsi 1:9

Mɨkɨ mɨpaɨ katiniwaruta'eiya: ―Ne hepɨrayu tewiyari nepɨhɨkɨ, Yawé nekanayexeiyani, Kakaɨyari muyuawitsie makawe, kemɨ'ane haramara meta kwie mutawewi.

Kitsariyaxi 63:9

naime kememɨte'uka'eniwakaikɨ. Mɨkɨtɨtɨ puwarutawikweitsitɨa, xeime pɨkaheyenɨ'a meta nixeime niuki tuayame. Yunaki'eriyakɨ meta yunenimayatsikakɨ kaniwarutawikweitsitɨani, kaniwaranukutɨkɨ, kaniwaretɨkɨ yumamatetsie meripaitɨ hepaɨ.

'Etsitɨraxi 1:2

«'Ipaɨ paine Tsiru, Peritsiya kwieyaritsie ti'aitame: »Yawé, Kakaɨyari taheima makawe, hikɨ 'ena kwiepa yunaime te'aitamete mɨnetsiyetuiri, kaneniuhɨritɨani nemitawewienikɨ tuki Kerutsareme kiekariyaritsie, Kura kwieyaritsie.

'Itsɨkate 2:1

Niuki tuayame Yawé hetsɨa mieme Kirikari kaniyeyani kaneta'ani Wukini paitɨ, mana mɨpaɨ katiniwaretahɨawe 'ixaheritsixi: «Ne 'Ekipitu kwieyaritsie nepɨxe'ayewitɨ, nepɨxe'atɨa kwie xetutsima nemɨwayetuirienikekaitsie. Mɨpaɨ neputayɨ: “Hatsuaku nepɨkatihayewa kenemɨtixe'utahɨawixɨ,

Tsutɨarika 16:7

Mana niuki tuayame Yawé hetsɨa mieme kanitaxeiya, haixa matinieretsie huye Tsuhuxi mieme manuyehanetsie

Tsutɨarika 21:17

Hikɨ Kakaɨyari temaikɨ tsuarieya kaniu'enieni, Hakari kaniutahɨawe muyuawitsie paitɨ niuki tuayame Kakaɨyari hetsiemieme mɨpaɨ katinitahɨawe: «Hakari mɨpaɨ pepɨkayɨaneni. Pepɨkamaka, Kakaɨyari temaikɨ tsuarieya kaniu'enieni.

Tsutɨarika 22:11

peru Yawé niuki tuayameya 'anakwitɨ heimana kanetaniuni karima mɨpaɨ tikɨhɨawetɨ: —'Apɨrahami. 'Apɨrahami 'aku. Mɨkɨta mɨpaɨ katinita'eiya: —'Ena nepuyeika.

Tsutɨarika 24:3

Yawé hɨxie yurikɨ yakenetineutahɨawi, kemɨ'ane kwie meta muyuawi mutawewi, kename 'uka 'ena kiekame Kanani peka'iwitɨtɨani neniwe

Tsutɨarika 24:40

Hikɨ mɨpaɨ nerahɨawe: “Yawé nehamatɨa puyeika, mɨkɨ 'ahamatɨa yuniuki tuayame panunɨ'ani, 'aixɨa 'anemekɨ pemakunuanikɨ pemeikaxeiyakɨta 'uka neniwe hetsiemieme nepaapa tɨɨriyamama wahetsɨa.

'Inɨatsie 11:12

¿Netsɨ neniwema menehɨkɨ, neniwarutiniwexɨ, pemɨnetsi'aitɨakɨ kename newa'ɨwiyani, 'atɨɨriyama waweriyame hepaɨ, newarakatɨtɨ nemɨwareta'atɨanikɨ hakewa paitɨ kwie wa'ukiyarima pemɨwarexatɨatsie?

Kutsuhexi 24:3

Peru ne mana paitɨ 'Apɨrahami nepanayexei xetutsi hayeikame, Kanani nekaniyewitɨtɨyani, nuiwarimama memɨyumɨirenikɨ nekanipitɨani. Matɨari nekaniyetuirieni nu'aya xeime, 'Itsahaki,

Nɨawari 136:26

Kakaɨyari muyuawitsie makawe pamɨpariyutsi xekenepitɨaka. Mɨkɨ hatsuaku pɨkatatsihayewa tatsinaki'erietɨ.