Tsutɨarika 24:31 - Kakaɨyari Niukieya

³¹ Mɨpaɨ katinitahɨawe: —Kɨmɨ, 'ekɨ 'aixɨa pepɨ'itɨarie Yawé yametipitɨakaku. ¿Titayari 'ena peti'akuhayeikawani kiekari warita? Neri 'aixɨa nepɨrekuyuri kiita xemeyehenikɨ, meta 'akameyutsixi wahetsiemieme.

Tsutɨarika 24:31 ပူးပေါင်းရင်းမြစ်များ

Xuti 3:10

―Neniwe Yawé kematsi'ɨwiyani. Hikɨ hekwamekɨ kepemɨtiuyuri, pepɨ'ahekɨata kepemɨtiwiya 'amu'e hetsie, yaxeikɨata 'akɨnatɨkaitsie temari pemɨkawakuwaunekɨ, memɨkatehexeiya yatɨni memɨtehexeiya.

Tsutɨarika 26:29

'Ekɨ 'atsipepɨkatatsiyurienekɨ, tameta 'axatepɨkamatsiyuriekɨ, matsi pɨta 'aixɨa 'anemekɨ tepɨmatsixeiya, 'aixɨa 'anemekɨ tematsihetateutɨa. Hikɨ 'ekɨ Yawé 'aixɨa kameniyurieka.

Nɨawari 115:15

Yawé hetsɨa timieme 'aixɨa mɨti'ane wahetsie ketinakeni, muyuawi mutawewi meta kwie.

'Itsɨkate 17:2

mɨkɨ yumaama mɨpaɨ katiniutahɨawe: ―Xeimiriyari heimana xeitsienituyari (1.100) pɨrata tuminiyari pemunawatsiyarie meta mɨkɨ tuminikɨ 'axa'aneme pemɨyetua niuki, ne mɨkɨ pɨrata nepexeiya, ne nematsi'unawatsiri. Maamaya mɨpaɨ katinitahɨawe: ―Yawé 'aixɨa kematsiyurieka, neniwe.

Temaiwawemete 18:16

'Imikierikɨ naitsarie kitenietsie katineuyepierikeni, meta yaxeikɨa teɨteri memɨmamariwawe yukitenietsie mepɨmeteheuyepirieni.

Temaiwawemete 17:8

Kemɨ'ane tumini mɨwata'ɨitɨwa 'awie yamemɨteyurienikɨ hipatɨ kemɨtinake, mɨkɨ 'itsɨ mariweme makwe'e puyu'erie, matsi mɨkɨ kemɨtiyuriene naitɨ yapɨtikɨyɨne.

Tsutɨarika 18:3

mɨpaɨ kaniutayɨni: —Neti'aitɨwame, xɨka yapera'eriwani, yemekɨ nepɨmatsiwawirie ne'aurie xeikɨa pemɨka'uyeyeikanikɨ.

Tsutɨarika 19:2

Mɨpaɨ katiniwarutahɨawe: —Neuxei 'iwatamete, nepɨxewawirie waɨkawa 'ikɨ tɨkaritsie nekiita xemuyuhayewanikɨ. Muwa yɨ'ɨkate xemetihauxini peyɨwe, 'uxa'akeri ximeri xekaniyehuni kexemɨtehu. Peru mɨkɨ mɨpaɨ mekaniutiyuani: —'Aixɨa pɨ'ane mɨyapemɨtarahɨawe, matsi tame kiekari hixɨapa teɨteri memayutixexeɨriwatsie tepetiheni.

Tsutɨarika 19:3

Peru Ruti katihayewakaku yukie wa'inietɨ mepekɨ 'utɨmana, kiitana mekaniu'axɨani. Ruti wa'ikwai muwa putiwarukawewiri 'aixɨa ti'anekame, paa mɨkakuxanariyarietɨka kaniutikwaxiya, mɨkɨ mekateniukwani.

Tsutɨarika 24:30

Rawani yu'iwa nakɨtsa kaniuxeirieni meta matsɨwa metatsiere kani'enieni tikuxatakaku ti'uximayatame kemɨrehɨawekai. 'Ayumieme kanayeyani ti'uximayatame heuwaumieka, haputsu matiniere kanitaxeiya, yukameyutsixi wahamatɨa.

Tsutɨarika 29:13

Hikɨ Rawani yumatsu Kakuwu 'utamarieka kaneyani kaneikunake kanitatapa meta kani'itseni, yukie kanei'inieni. Hikɨ Kakuwu naime katinitaxatɨani naime kemɨreyɨ,