Tsutɨarika 24:3 - Kakaɨyari Niukieya

³ Yawé hɨxie yurikɨ yakenetineutahɨawi, kemɨ'ane kwie meta muyuawi mutawewi, kename 'uka 'ena kiekame Kanani peka'iwitɨtɨani neniwe

Tsutɨarika 24:3 ပူးပေါင်းရင်းမြစ်များ

1 Kurinitutari 7:39

Kaneuyeweka 'uka yɨkɨnatsie mɨtiwiyanikɨ mexi 'ayeniere 'uki. Xɨka kɨnaya 'umɨni, kanixɨnariemɨkɨ. Kaniyɨwemɨkɨ mɨtiwikienikɨ kemɨtinake, peru Ti'aitame hetsie tiwiyatɨ xeikɨa kanitiwitɨmɨkɨ.

Nehemiyaxi 13:25

Hikɨ nekaniwarutatieni yanekatiniwarutahɨawe 'axamemɨ'itɨarienikɨ, hipame nekaniwarutiwani, meta wakɨpate nekaniukahuna, meta waɨriyarika nekaniwarupitɨani yamemɨtiyuanikɨ Kakaɨyari hɨxie. Mɨpaɨ nekatiniwarutahɨawe: «Yaxepɨkatenaki'erieka xeniwema 'ukari 'iya waniwema memɨwawitɨtɨweni, meta xeme, meta xeniwema 'ukitsi, waniwema 'ukari mepɨkawawitɨtɨweni.

Tsutɨarika 28:8

'Ana mɨpaɨ katinetimani 'Etsahu, kename paapaya 'ukarawetsixi Kanani kiekatari kawanaki'eriekai.

Keremiyaxi 10:11

«Mɨpaɨ pepɨtiwatahɨawe: “Mɨkɨ kakaɨyarixi muyuawi memɨka'utawewi meta kwie, mekanikumawerikuni 'ena kwiepa meta muyuawi hetɨa”».

2 Te'aitamete 19:15

hikɨ hɨxiena mɨpaɨ katiniuyunenewieni: «Yawé, 'Ixaheri Kakaɨyarieya, matsiteɨtamete memu'ana wahixɨata 'a'uwenitsie pemaka: 'ekɨ xeikɨa naitsarie kwiepa te'aitamete wakakaɨyari pekanihɨkɨtɨni. 'Ekɨ pekaninetɨani muyuawi meta kwie.

Memeyekɨ 34:16

Xɨka xeniwema mewarutiwitɨni mɨkɨ 'ukari, kepauka mɨkɨ 'axamɨtiyurieni yukakaɨyarixi waruweiyatɨ, xeniwema mepɨta'inierieni wahepaɨ memɨyɨakakɨ.

Nehemiyaxi 9:6

»'Ekɨ xeikɨa Yawé pepɨhɨkɨ. 'Ekɨ muyuawi peputawewi, naime muyuawi kemɨyewa xurawetsixi warexeiyakame. 'Ekɨ tukari pepɨwapitɨa tita pemɨtiutawewi: kwie meta haramara yunaime mana memɨtexuawe. 'Ayumieme xurawetsixi muyuawitsie miemete 'ahɨxie mepukahɨxima'uwe.

2 Kemɨtiuyɨ 2:12

Yawé 'aixɨa ketikuxaxatsiwani, 'Ixaheri Kakaɨyarieya, kwie meta taheima muyema muyuawi mutawewi, ti'aitame Rawiri mupitɨa yuniwe mayexeiyakɨ, timaiweme meta reutamaiweme, mɨkɨ kanitawewimɨkɨ paratsiyu 'amɨpa meta Yawé tukieya.

Kutsuhexi 2:12

'Ayumieme nepɨxewawirie hikɨ yaxekeneteneutahɨawi Yawé hɨxie, kename tame xetatsitinenimayata ne hikɨ kememɨtixe'utinenimayataxɨ. 'Inɨari xekeneneuwewiri mɨpaɨ nemɨtimaikakɨ

Hutarieka 'inɨari 10:20

Yawé mɨ'akakaɨyari pe'ayemakaxetɨ kenayexeiyani. Mɨkɨtsie xeikɨa ketinewiyani meta kepemɨtayɨni mɨkɨ kemɨtitewakɨ yakeneutaineni.

Hutarieka 'inɨari 6:13

»Yawé 'akakaɨyari kenayemakaxeni, mɨkɨ xeikɨa kenayexeiyani, yaketineyuhɨritɨa mɨkɨ kemɨtitewakɨ.

'Inɨatsie 5:21

—'ena mawari wewiwame 'ukaratsi yurikɨ yakatinitahɨawimɨkɨ—, Yawé, 'ahetsie 'axamɨti'ane ke'ukawiwieni kemaine 'ahetsiemieme, pekaniweweme kematsi'ayeitɨani, 'aniweyame ke'utahani.

Memeyekɨ 23:13

»Xeketenaye'atɨa naimekɨ kenemɨtixe'uta'aitɨa. »Hatsuaku hipame kakaɨyarixi xepɨkawarahɨaweni. Kememɨtetetewa hatsuaku xepɨkawaraxaxatani.

Memeyekɨ 20:7

»Ne Yawé kenemɨtitewa yakɨ xeikɨa pepɨkanetsikuxatani, ne nepɨka'itinenimayata kemɨ'ane kanetsi'enietɨ mɨnetsi'utaterɨwani.

Tsutɨarika 50:25

Hikɨ Kutse mɨpaɨ katiniwaruhɨritɨani yuniwema: «Kaniyuritɨni Kakaɨyari kanixeparewimɨkɨ. Kepauka mɨpaɨ mɨtiyɨni 'ana ne'umeyarite xekananutɨkuni».

Tsutɨarika 27:46

Hikɨ Xeweka 'Itsahaki mɨpaɨ katiniutahɨawe: —Neri nepɨkayɨwe 'anemuyeikani 'ikɨ hetitsixi wahamatɨa 'Etsahu 'ɨitamama mepɨnetsihiweritɨa. Xɨkata Kakuwu Heti tewiyari 'utiwitɨni 'ena kiekame Kanani matsi 'aixɨa pɨyɨnikeyu xɨka ne'umɨnike.

Tsutɨarika 21:23

'Ayumieme, yakenetineutahɨawi Kakaɨyari hɨxie, hikɨ kwitɨwa, kename pekaneti'itaiyani meta neniwema yaxeikɨa nenuiwarima, yakeneutayɨki kename yaxeikɨa penetixeiyani kenemɨmatixeiya, meta yunaime teɨteri 'ikɨ kwieyaritsie kiekatari pemanuyeika 'ateewa kiekame hepaɨ.

Tsutɨarika 14:19

Hikɨ Kakaɨyari kaniutawawirieni 'Apɨrami 'aixɨa muyurienikɨ, mɨpaɨ 'utaitɨ: «Kakaɨyari 'Amutewi, muyuawi mutawewi meta kwie, 'Apɨrami 'aixɨa keyurieka.

Tsutɨarika 6:4

Kepauka Kakaɨyari niwemama teɨteri waniwema memɨwarutiwitɨ, tɨɨri kwinimieme me'utɨtɨme mekaniwarayexeiya, kwinimieme mete'ayu'iwatɨ mekanakɨne meripaitɨ. Mana mɨtiyetɨa kwinimieme me'utɨtɨ mekaniutixuawere kwiepa.

Tsutɨarika 6:2

Kakaɨyari niwemama mekaniwaruxeiya teɨteri waniwema witsimemɨte'ɨimarixitɨkai, hikɨ mekaniwarutiwitɨni kemɨ'ane memɨwarutihiwe'eri.

Hepɨrayutsixi 6:16

Teɨteri kepauka memɨyɨhɨritɨa, mepixata kemɨ'ane matsi waɨkawa mɨtɨrɨkaɨye, naimekɨ xɨka yuhɨritɨani, mɨkɨkɨ pɨtseiriyarie niuki, mɨkɨkɨ pɨnɨrie niuki xɨatɨarika.

Tsupuniyaxi 1:5

meta kemɨ'ane yukii heima memukatunuma'uwe, muyuawitsie miemete xurawetsixi mewarayexeiyatɨ, meta kemɨ'ane metitunuma'utɨ, kename Yawé me'ayexeiya memutiyuane, kwitɨwata kakaɨyari Muruki yaxeikɨa memɨtehahɨawe,

Keremiyaxi 12:16

Xɨka yemekɨ meheitimani neteɨterima wahuye, mɨpaɨ kememɨtewaru'ɨkitɨakai neteɨterima Wahari hetsiemieme kememɨteyɨhɨritɨakakɨ, mɨpaɨ xɨka metehetimani kenemɨtitewakɨ xɨka meyuhɨritɨatɨ mɨpaɨ me'utiyuani: “Yawé 'ake'uyeikani yemekɨ”, hikɨ 'ana neteɨterima watsata mekaniyuhayewakuni.

Keremiyaxi 4:2

xɨka yurikɨ, 'aixɨa 'anemekɨ meta heitseriemekɨ, yape'utayɨni: “Yurikɨ Yawé 'amuyeikakɨ”, hikɨ, “hetsiena mieme nuiwarite 'aixɨa me'itɨarietɨ mepakɨne, meta me'inɨawatɨ mepakɨne”».

Kitsariyaxi 65:16

Tsepa kemɨ'ane xewitɨ 'aixɨa mɨ'itɨariekakɨ mɨkɨ kwieyaritsie xɨka tiutawauni, yapɨtiyurieni Kakaɨyari yuri mɨhɨkɨ hetsiemieme, meta tsepa kemɨ'ane 'ikɨ kwietsie yamɨtiyɨhɨritɨani, yapɨtiyurieni Kakaɨyari yuri mɨhɨkɨ hetsiemieme, 'Uximatɨarika meripaitɨ mieme mepatɨmairi, hikɨ nepɨka'iku'eriwari.

Kitsariyaxi 48:1

»'Ikɨ xeme xeketeneu'eni, Kakuwu tɨɨriyamama, Kura nuiwarimama, 'ixaheritsixi xemɨte'uterɨwarɨwa, Yawé hetsiemieme xemɨyuhɨritɨa, meta 'Ixaheri Kakaɨyarieya memahɨawe, peru yu'iyarikɨ xemɨkayɨa meta kemɨtiheitseriekɨ.

Kitsariyaxi 45:23

Ne mɨpaɨ yurikɨ nekaniuyuhɨritɨani nehetsiemieme, heitseriekamekɨ yanekaniutayɨni niuki nemɨka'ipatakɨ: Nehɨxie yunaitɨ mepɨkatunuma'uni, nehetsiemieme yamepɨteyuhɨritɨani yunaitɨ teɨteri.

Nɨawari 115:15

Yawé hetsɨa timieme 'aixɨa mɨti'ane wahetsie ketinakeni, muyuawi mutawewi meta kwie.

1 Tsamuheri 20:17

kemɨtiyunaki'eriekai yukɨmana Rawiri mɨpaɨ mɨtinaki'eriekaikɨ. Mɨya mɨtinaki'eriekaikɨ, Rawiri kaniutawawirieni mɨkɨ tɨratu hepaɨtsita yamɨtayɨnikɨ.

Mawari 19:12

»Yakɨ xeikɨa pepɨka'ahɨritɨaka kenemɨtitewakɨ, meta kenemɨtitewakɨ 'akakaɨyari kapatsiekame pepɨka'ayeitɨaka. Ne Yawé nekanihɨkɨtɨni.

Memeyekɨ 22:11

tewakame hamikuya Yawé hɨxie puyutaxata kename yutewa ka'ayeitɨa. Kutsiyarieya yuri ketita'eririeni, meta hamikuya pɨkatiyutuani.

Tsutɨarika 14:22

'Apɨrami mɨpaɨ katinita'eiya: —Yawé hɨxie mɨpaɨ neputayɨ, Kakaɨyari 'Amutewi, muyuawi mutawewi meta kwie,

Tsutɨarika 24:7

Yawé Kakaɨyari muyuawi mutawewi nekie pɨnetseheyewitɨ ne'iwama wahetsɨa, mɨpaɨ netihɨritɨatɨ: «'Anuiwarima nepɨwayetuirieni 'ikɨ kwie», mɨkɨ yuniuki tuayame kananunɨ'amɨkɨ 'ahamatɨa mɨmatsi'anuwitɨnikɨ, 'ekɨ pemeyɨwekaxɨanikɨ 'uka pemawitɨni neniwe 'Itsahaki hetsiemieme.

Tsutɨarika 28:1

Hikɨ 'Itsahaki Kakuwu katiniutanɨ'airieni. 'Aixɨa kaniyurieni, meta mɨpaɨ katinita'aitɨani: —'Uka 'ena Kanani kiekame pepɨka'utiwitɨkɨni.

Tsutɨarika 47:31

Paapaya tawarita kanita'iwawiya: —Xɨka yapetikayeimɨkɨ yakenetineutahɨawi heitseriemekɨ Kakaɨyari matsi'eniekaku. Kutse yatinitahɨawe. Hikɨ 'Ixaheri yu'utatsie kakaitɨ 'utihɨximakeka kaniyutanenewieni.

'Itsɨkate 14:3

Peru paapamama mɨpaɨ mekatenitahɨawe: ―Kamɨtsɨ xewitɨ tiumawe ta'iwatɨtɨ matsinaketɨ naitsarie 'ena mɨtiuyehane titayari piritsiteutsixi watsata petiwauneni xitekiya 'inɨariyari memɨkahexeiya wahetsɨa. Tsanitsuni yupaapa mɨpaɨ katiniuta'eiya: ―Mɨkɨ xekeneneutawawiri, waɨkawa ne pɨnetsinake.

Nɨawari 136:26

Kakaɨyari muyuawitsie makawe pamɨpariyutsi xekenepitɨaka. Mɨkɨ hatsuaku pɨkatatsihayewa tatsinaki'erietɨ.

Tsutɨarika 34:9

Tepɨtatimareta. Taniwema mepuyuwitɨtɨweni.

Tsutɨarika 38:2

Mana Kura 'uka kaniutiwitɨni Tsua titewakame niweya kananeu tewiyari. Kepauka hamatɨana mukahui

1 Tsamuheri 30:15

Hikɨ Rawiri mɨpaɨ katinita'iwawiya: —¿Mɨkɨ tenawayamete hakewa mepe'uwa wahetsɨa ketananuwitɨki? 'Ekipitu kiekame mɨpaɨ katinita'eiya: —Kakaɨyari hɨxie 'ekɨ yakenetineutahɨawi, kename pekanetsimieni meta neti'aitɨwame hetsɨa pekanetsiyetuani. Mɨpaɨ netimaitɨ nekaxenanuwitɨmɨkɨ hakewa memekutei tenawayamete.

'Etsitɨraxi 5:11

Mɨkɨ mɨpaɨ mepɨtateheta'ei: «Kakaɨyari taheima mɨti'aita meta kwiepa tekateni'uximayatsiriwametetɨni, hikɨta hutarieka tuki tekaniwewietɨweni meripaitɨ mutawewiyakai mɨnɨriekai mɨixa kananuyemieni xewitɨ mariwetɨ 'Ixaheri kwieyaritsie ti'aitame kanita'aita.

Keremiyaxi 29:6

Xekeneutiwikiexɨa meta xekeneutineɨkixɨa, meta tɨɨri 'ukari meta 'ukitsi xekeniwarayexeiyaxɨa, meta xeniwema 'ukitsi meke'utineɨkixɨani meta 'ukari meke'utiwikiexɨani, xeteukarima wahetsie memayenunuiwaxɨanikɨ. Mɨpaɨ xepɨteheyɨmɨiriyani, yaxeikɨa xemɨkaheyupaɨmenikɨ.