Tsutɨarika 24:12 - Kakaɨyari Niukieya

¹² Hikɨ ti'uximayatame mɨpaɨ katiniuyutanenewieni: «Yawé, 'Apɨrahami neti'aitɨwame Kakaɨyarieya, waɨkawa nepɨmatsiwawirie hikɨ 'aixɨa nemɨtiyurienikɨ, 'Apɨrahami nekutsiyari kepemɨtinaki'erie yaketineuyuri.

Tsutɨarika 24:12 ပူးပေါင်းရင်းမြစ်များ

Tsutɨarika 24:27

mɨpaɨ 'utaitɨ: «'Aixɨa pepɨtiuka'iyari Yawé 'Apɨrahami neti'aitɨwame Kakaɨyarieya, pe'inaki'erietɨ pepɨkatihayewa meta 'aixɨa pepɨnetiuye'atɨa 'iwamama wahetsɨa».

2 Te'aitamete 2:14

haa kaniuwani mɨkɨ 'ɨkarikɨ meta mɨpaɨ kaniutayɨni: «¿Hakewari Yawé, 'Eriyaxi Kakaɨyarieya?» Yapauka haa muwatsie, haa kananutayepiere hautanetɨ, hikɨ 'Eritseu kananuyani 'anutaɨye paitɨ.

Memeyekɨ 3:15

Hikɨ Kakaɨyari Muitsexi mɨpaɨ katiniutahɨawe: —Mɨpaɨ ketiniwaretahɨawi 'ixaheritsixi: “Yawé xe'ukiyarima wakakaɨyari 'Apɨrahami, 'Itsahaki meta Kakuwu, pɨnetsiheyenɨ'a xehetsɨa. 'Ikɨ pɨhɨkɨ kenemɨtitewa yareuyuhanemekɨ, 'ikɨ pɨhɨkɨ kenemɨtitewa naitɨ nuiwarite manuyekɨne”.

Memeyekɨ 3:6

Ne 'apaapa nekanikakaɨyarieyatɨni, 'Apɨrahami, 'Itsahaki meta Kakuwu. Mɨpaɨ tiu'enaka Muitsexi, kaneuyuku'eima yɨhɨxie, 'utimaka Kakaɨyari 'uxeiyaka.

Tsutɨarika 26:24

'Ana tɨkaritsie Yawé kaniuyuhekɨata mɨpaɨ katinitahɨawe: «Ne 'apaapa 'Apɨrahami Kakaɨyarieya nekanihɨkɨtɨni. Pepɨkamaka, ne 'ahamatɨa nepuyeika. 'Apɨrahami 'aixɨa mɨtiuyurikɨ, 'aixɨa nepɨmatsiyurieni nepɨwatimɨiriya 'anuiwarima».

Tsutɨarika 24:48

hikɨ nekanetitunumakeni Yawé pamɨpariyutsi nekanepitɨani, 'Apɨrahami Kakaɨyarieya, 'aixɨa mɨnetiuye'atɨa 'uka nemɨtaxeiyakɨ 'iwamama waniwetɨme neti'aitɨwame nu'aya hetsiemieme.

Tsutɨarika 24:42

»Kepauka haa matineika nemunua mɨpaɨ neputayɨ: “Yawé 'Apɨrahami Kakaɨyarieya, xɨka mɨpaɨ matinakeni, waɨkawamekɨ nepɨmatsiwawirie 'aixɨa ketineuyuri 'aixɨa nemɨrakunuanikɨ.

Piriputari 4:6

Xepɨkayu'iyaritɨaka tixaɨtɨ hepaɨtsita, matsi naimekɨ xeyunenewietɨ xe'iwawirietɨ pamɨpariyutsi xe'ipitɨatɨ, yaxeketeneutahɨawi Kakaɨyari tita xemɨte'iwawirie.

Mateu 22:32

“Ne 'Apɨrahami, 'Itsahaki meta Kakuwu wakakaɨyari nekanihɨkɨtɨni”? Mɨkɨ mɨkite pɨkawaxata, kename wakakaɨyari maine. Memayeneniere pɨta wakakaɨyari kaniyuxatani, tsepa memukwi.

Temaiwawemete 3:6

Kakaɨyari kena'eriwani naimekɨ kepemɨtiyurienekɨ, 'ana mɨkɨ 'ahuye pɨheitseritɨaka.

Nɨawari 127:1

Xɨka Yawé kii ka'utawewieni, yakɨ xeikɨa 'iwewiwamete mekateniyu'uxitɨaka. Xɨka Yawé xeime kiekari ka'ɨwiyani, tɨkarikɨ tehɨwemete yakɨ xeikɨa mekaniyɨaka.

Nɨawari 122:6

Kerutsareme hetsiemieme tepuyunenewieka kayuwatɨ mexeiyanikɨ: «'Aixɨa 'anemekɨ memu'uwanikɨ kemɨ'ane memɨmetsinaki'erie.

Nɨawari 118:25

Yawé, wikweitsitɨarika ketaneupitɨa, Yawé, temɨtehayu'iwakɨ ketaneupitɨa.

Nɨawari 37:5

Yawé 'ahuye kenehɨritɨaka, hetsiena ketinewiyani, mɨkɨta yapɨtiyurieni 'ahetsiemieme.

Nehemiyaxi 2:4

Ti'aitame mɨpaɨ kanetiniuta'iwawiya: ―¿Kekuta netiyurieni 'ahetsiemieme? Ne nepitawawiri Kakaɨyari muyuawitsie makawe mɨnetsiparewienikɨ,

Nehemiyaxi 1:11

Yawé, nepɨmatsiwawirie keneu'eni tanenewieri, tepɨte'a'uximayatsiriwamete, pɨtatsinake temetsihayexeiyanikɨ. Yaxeikɨata nepɨmatsiwawirie 'ikɨ ti'uximayatame 'ahetsɨa mieme 'aixɨa keneuyuri ti'aitame 'aixɨa mɨtixeiyakɨ». 'Ana ti'aitame tekɨxieya hanitɨwameya nepɨhɨkɨtɨkai.

1 Te'aitamete 18:36

Kepauka maye'a mawari taikai mieme hurayari, Kakaɨyari niukameya 'Eriyaxi xeikeyari yekeka mɨpaɨ katiniuyunenewieni: «Yawé, 'Apɨrahami Kakaɨyarieya meta 'Itsahaki metatsiere 'Ixaheri, hikɨ 'ena yunaitɨ mɨpaɨ meketehetimani 'ekɨ Kakaɨyari pemɨhɨkɨ 'Ixaheri kwieyaritsie, meta kename ne neti'a'uximayatsiriwame nehɨkɨ, meta meketehetimani 'ikɨ mɨya nemɨtiyuriene yapeneti'aitɨakaku xeikɨa netiyuriene.

Tsutɨarika 43:14

Kakaɨyari Naimekɨmɨtɨrɨkaɨye mɨkɨ tewi 'aixɨa mɨtixexeiyanikɨ ke'upitɨani, Wenikamini xeime meta 'iwaya, meke'akunuaxɨani xehamatɨa. Xɨkari ne neniwema newareuyehɨamɨkɨ, ¿ketsɨari ne'uyɨni? Tsepari.

Tsutɨarika 32:9

Hikɨ Kakuwu 'ayumieme kaniuyutanenewieni: «Yawé neteukari 'Apɨrahami meta nepaapa 'Itsahaki wakakaɨyari pemɨhɨkɨ, mɨpaɨ pemɨnerahɨawekai nekehakunuanike nekie ne'iwama wahetsɨa, meta kename penetsiparewiekakekai:

Tsutɨarika 31:42

Xɨka nepaapa Kakaɨyarieya 'Itsahaki meyemakaxe, meta 'Apɨrahami Kakaɨyarieya, xɨka kanetsiparewiekake, 'ekɨ nemaweme pekanenanunɨ'anikekaitɨni. Kakaɨyari pɨnetsi'uxei kenemɨtiuka'eniwakai neti'uximayatɨ, 'ayumieme takai tɨkarikɨ kename ne heitserie nehexeiya putayɨ.

Tsutɨarika 28:13

Metatsiere Yawé kaniuxeiya 'auriena 'uweme, mɨpaɨ tikɨhɨaweme: «Ne Yawé nepɨhɨkɨ 'ateukari Kakaɨyarieya 'Apɨrahami meta 'apaapa 'Itsahaki. 'Ekɨ yaxeikɨa 'anuiwarima 'ikɨ kwie nepɨxeyetuirieni mana hikɨ pemanukatsie.

Tsutɨarika 27:20

Hikɨ 'Itsahaki kanita'iwawiya: —¿Kwitɨwa kuta peremi, neniwe? Kakuwu mɨpaɨ katinita'eiya: —Yawé 'akakaɨyari pɨnetsiheparewi nemeitaxeiyakɨ kwitɨwa.

Tsutɨarika 27:10

'Ekɨ pepenu'ɨirieni meikwanikɨ mɨpaɨ mɨkɨ Kakaɨyari petawawirieni 'aixɨa mɨmatsiheyurienikɨ kamɨwetɨ 'akuxi.

Tsutɨarika 15:1

Hikɨ mɨpaɨri tiɨyɨku, Yawé 'Apɨrami kaniutahɨawe heinɨtsika hepaɨ tiyuxexeiyamekɨ: «'Apɨrami, pepɨkaheumaka. Ne 'ahetsie nunuwame nekanihɨkɨtɨni, kenemɨmatiyetuirieni waɨkawa katinayeimɨkɨ».

Tsutɨarika 24:21

'Apɨrahami ti'uximayatsiriwame kanixeiyakaitɨni, mɨpaɨ tiku'eriwatɨ xɨka'aku Yawé tiyurienekaitɨni, 'aixɨa 'anemekɨ makunuanikɨ.

Tsutɨarika 32:10

ne xɨari mati'uximayatsiriwame heitserie nepɨkahexeiya 'aixɨa pemɨnetixeiyanikɨ pemɨnetsiparewiekaku. Kepauka Kurutani hatuxameyaritsie nemanatɨa tixaɨtɨ nepɨkarexeiyakai ne'itsɨ xeikɨa nepakwekai, peru hikɨ hutakɨa mepukutei neteɨterima.