Tsutɨarika 22:17 - Kakaɨyari Niukieya

¹⁷ 'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni.

Tsutɨarika 22:17 ပူးပေါင်းရင်းမြစ်များ

Tsutɨarika 15:5

Hikɨ Yawé kanenuyewitɨni takwa paitɨ, mana mɨpaɨ katinitahɨawe: —Muyuawitsie keneutinieri, keniwaruti'inɨata xurawetsixi, xɨka peyɨweni pemɨwaruti'inɨata. Mɨpaɨ mekaniyupaɨmekakuni 'anuiwarima.

Keremiyaxi 33:22

Ne yɨmɨireme neti'uximayatsiriwame Rawiri xiɨyarieya nekaniwarayeitɨamɨkɨ meta rewitsixi memɨnete'uximayatsirie, xɨrawetsixi wahepaɨ memɨkayu'inɨatsinɨa meta xiekari haramara tetsita mɨtika hepaɨ nekaniwatipaɨmeriyamɨkɨ”».

Tsutɨarika 13:16

Ne yumɨireme nepɨwarayeitɨani 'anuiwarima tumuanari hepaɨ. Xewitɨ xɨka tumuanari 'inɨataweni, kaniyɨwemɨkɨta 'anuiwarima mɨwati'inɨatakɨ.

Tsutɨarika 26:4

Nepɨwatimɨiriya 'anuiwarima xurawetsixi wahepaɨ, 'ikɨ naime kwie nepɨxeyetuirieni, 'anuiwarima wahekɨ yunaitɨ nuiwarite kwiepa memɨtama 'aixɨa mepɨ'itɨarieka.

Tsutɨarika 24:60

Hikɨ Kakaɨyari mekaniutawawirieni Xeweka hetsiemieme 'aixɨa miyurienikɨ mɨpaɨ me'utiyuatɨ: «Ta'iwa, tame mɨpaɨ tepɨteku'eriwa: Yuwaɨkawame wamaama peke'ayani. 'Anuiwarima kemɨ'ane memɨwaraye'unie meketewaruta'aitɨani wakiekaritetsie».

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

'Epetsutari 1:3

'Aixɨa ketikuxaxatsiwani Kakaɨyari, kemɨ'ane Tati'aitɨwame Ketsutsi Kɨritsitu mu'ukiyarieya. Kɨritsitu hetsie tetewiyakaku mɨkɨ 'aixɨa kataniuyurieni tatsi'upitɨaka naime 'aixɨa mɨ'ane 'iyaritsie mieme, meta muyuawi hetsiemieme.

Hutarieka 'inɨari 1:10

Yawé xekakaɨyari kanixe'utimɨiriya, 'ayumieme hikɨ xekaniyuwaɨkawani xurawetsixi muyuawitsie miemete wahepaɨ.

Tsutɨarika 32:12

'Ekɨ mɨpaɨ pepɨnetiutahɨawixi kename penetsiparewiekakekai, kename nexiɨyarima yumuiretɨ mehakɨnekekai, xiekari haramara tetsita mɨtixeɨrie mɨkayu'inɨatsinɨa hepaɨ».

1 Kurinitutari 15:57

Peru pamɨpariyutsi Kakaɨyari tekanipitɨaka, mɨkɨ mɨtatsipitɨakɨ temɨte'ayu'iwanikɨ, Tati'aitɨwame Ketsutsi Kɨritsitu tatsiparewiekaku.

Keremiyaxi 32:22

'Ixaheritsixi 'ikɨ kwie pepɨwayetuiri, hakewa retsi meta xiete waɨkawa maxɨawetsie, wa'ukiyarima kepemɨtiwarutahɨawekai kename pewayetuirienikekai.

Mikeyaxi 1:9

Tsamariya kemɨtiukwinitɨarie pɨkayu'uayemarinɨa: Kura kwieyaritsie kaniye'ani. Neteɨterima wahetsiepai naime kanakɨnɨni, Kerutsareme kitenieyaritsie paitɨ.

1 Te'aitamete 9:26

Ti'aitame Tsarumuni pitawewita xeime kanuwa 'amupa 'Etsihuni-Kewexi mɨtiukutewatsie, 'Erati 'aurie 'Erumi kwieyaritsie, Haramara Mɨxeta hatetsitayaritsie.

Hutarieka 'inɨari 21:19

paapaya meta maamaya kiekari kitenie mepenuwitɨni, 'ukirawetsixi wahetsɨa mepitaxata.

Tsutɨarika 28:3

Kakaɨyari Naimekɨmɨtɨrɨkaɨye 'aixɨa kematsiyurieka waɨkawa peke'utaxiɨni, 'ahetsie memɨyekɨnekɨ nuiwarite yuwaɨkawatɨ.

Tsutɨarika 17:6

Kwinimieme petixiɨweme nepɨmatsi'ayeitɨani 'ahetsie mepɨyekɨne te'aitamete meta nuiwarite.

Tsutɨarika 12:2

»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.

Xumatari 4:13

Kepauka 'Apɨrahami mɨpaɨ mɨtiutahɨawarie, niwemamata, kename wahetsie tinakekekai naitɨ kwie, 'inɨari niukiyari hexeiyatɨ mɨpaɨ pɨkatiutahɨawarie. Heitserie 'upitɨarieka pɨta yuri mɨtiuta'erikɨ, mɨpaɨ pɨtiutahɨawarie.

Xumatari 9:27

Kitsariyaxi mɨpaɨta katiniuhiwa 'Ixaheri hepaɨtsita: «Tsepanetɨ 'Ixaheri xiɨyarimama memɨyumɨire haramaratsie mieme xiekari hepaɨ memɨyupaɨme, yayupaɨmetɨ xeikɨa mekanitawikweitsitɨariekuni.

Hepɨrayutsixi 6:14

«Yemekɨ 'aixɨa nekameniyuriekamɨkɨ, 'anuiwarima yumɨireme nekaniwarayeitɨamɨkɨ».

Hepɨrayutsixi 11:12

'Ayumieme xeimetsie xeikɨa mekaniyekɨne, tsepa mɨkɨ mumɨximekai, taheima miemete xurawetsixi wahepaɨ meyupaɨmetɨ mekanakɨne, meta xiekari haramara tetsita mieme hepaɨ meyupaɨmetɨ mekanakɨne mɨkayu'inɨatsinɨa hepaɨ.

Tsutɨarika 25:11

Hikɨ 'Apɨrahami 'ukumawereku, Kakaɨyari 'Itsahaki 'aixɨa kaniuyurieni 'Apɨrahami nu'aya, putsu 'aurie kaniuyuhayewa «'Amuyeika Mɨnetsixeiya» mɨtitewa 'aurie.

Tsutɨarika 26:24

'Ana tɨkaritsie Yawé kaniuyuhekɨata mɨpaɨ katinitahɨawe: «Ne 'apaapa 'Apɨrahami Kakaɨyarieya nekanihɨkɨtɨni. Pepɨkamaka, ne 'ahamatɨa nepuyeika. 'Apɨrahami 'aixɨa mɨtiuyurikɨ, 'aixɨa nepɨmatsiyurieni nepɨwatimɨiriya 'anuiwarima».

Tsutɨarika 28:4

'Ekɨta kematsiyetuirieni meta 'anuiwarima 'Apɨrahami 'aixɨa kemuyuriekai, 'ikɨ xepiini mayanikɨ hikɨ temanu'uwa teewanarixi wahepaɨ, 'Apɨrahami kemɨtiutahɨawarie 'ikɨ kwie hepaɨtsita.

Hutarieka 'inɨari 10:22

Mɨkɨ haika tewiyari heimana tamamata mekaniyupaɨmekaitɨni xetutsima kepauka 'Ekipitutsie memekɨ, hikɨri Yawé mɨ'akakaɨyari kwinimieme 'ateɨterima meyupaɨmeme kaniwarayeitɨani, xurawetsixi muyuawitsie memɨkayu'inɨatsinɨa wahepaɨ.

Hutarieka 'inɨari 13:17

'Ahetsiemieme tixaɨtɨ piini pepɨkarayeitɨwani tinaitɨ mɨkɨ katiniyetuiyani mɨreuyehɨiyanikɨ. Hikɨ 'ana Yawé yuhaxɨa 'ahetsie pɨkapitɨani, matsi pɨta 'aixɨa matixeiyatɨ matsinenimayatɨ, meta yapɨtiyurieni 'anuiwarima yumɨiretɨ memakɨnekɨ, kemɨtiwarutahɨawixɨ meripaitɨ 'atutsima.

1 Kemɨtiuyɨ 27:23

Peru Rawiri pɨkawaraka'utɨa 'ukitsi xeitewiyari wiyari memɨkahexeiyakai, mɨkɨ Yawé mɨpaɨ putayɨkai kename 'ixaheritsixi mekayu'inɨatsinɨakakekai, mɨyuawitsie miemete xɨrawetsixi wahepaɨ.

2 Kemɨtiuyɨ 1:9

Yawé meta Kakaɨyari, ne'ukiyari Rawiri kepemɨtiutahɨawixi kenaye'atɨa, 'ekɨtsɨ ti'aitame pekanenayeitɨani teɨteri memɨyumɨire wahetsiemieme tumuanari kwiepa mieme hepaɨ.

'Utseyaxi 1:10

»Peru 'uxa'atɨni warie 'ixaheritsixi teɨteriyari, yumɨiretɨ mepakɨne xiekari haramaratetsita mɨtika mɨkayu'inɨatsinɨa hepaɨ. Kepauka tukari maye'ani xeme hakewa mɨpaɨ xemɨteheterɨwarie: “Mepɨkaneteɨterimari”, mana mɨpaɨ xepɨteterɨwarieni: “Kakaɨyari mayeyuri niwemama”.

Tsutɨarika 32:13

Mɨkɨ tɨkaritsie Kakuwu mana puyuhayewaxɨ, kepaɨmeme mɨrexeiyakai katiniwaranuyeteɨxɨ yu'iwa 'Etsahu mɨtiminikɨ,

Memeyekɨ 32:13

Keniwara'eriwani kepemɨtiwarutahɨawixɨ, 'Apɨrahami, 'Itsahaki, 'Ixaheri meta. 'Ekɨ mɨpaɨ peputayɨ kename wanuiwari pewatamɨiriyakekai, kememɨteyuxexeiya xurawetsixi muyuawitsie, 'ekɨ pepɨwaruxatɨa kwie wanuiwari wahetsiemieme mayanikɨ yuheyemekɨ.

Hutarieka 'inɨari 1:11

Matsi Yawé, tapaapama wakakaɨyari, kexe'utimɨiriya hikɨ kexemɨyupaɨme xeimiriyarimexɨa tawarita, meta 'aixɨa yemekɨ kexeyurieka mɨkɨ kemutayɨ.

Hutarieka 'inɨari 13:18

Mɨpaɨ katiniyɨmɨkɨ, kepauka naime 'ikɨ 'aitsikate xemaye'atɨani hikɨ nemɨxeyetuirie, meta kepauka heitserie yapemɨtiyurieneni Yawé 'akakaɨyari hɨxie.

2 Tsamuheri 17:11

»Neta mɨpaɨ pɨta nepɨtiku'eriwa: 'Ekɨ ti'aitame yunaime 'ixaheritsixi kememɨyupaɨme keniwaruta'ini, Rani kiekatari 'atsita Weritsewa meye'atɨkaime. Mekaniyumɨireni xiekari haramara tetsita mɨtika hepaɨ, meta 'ekɨ ti'aitame pekaniwaranuwitɨmɨkɨ memɨyukwiyutsie.

1 Te'aitamete 4:20

Kura kwieyaritsie meta 'Ixaheri kwieyaritsie memɨtamakai yemekɨ kwinimieme mekaniyupaɨmekaitɨni, haramara tetsita xiekari mieme hepaɨ, mana waɨkawa 'ikwai nixuawekaitɨni meta mɨti'iwa metatsiere temawierika.

Nehemiyaxi 9:23

Waniwema pepɨwarutimɨiriyaxɨ xurawetsixi muyuawitsie miemete wahepaɨ, kwietsie pepɨwa'atɨa watewarima pemɨwaraxaxatɨwakaitsie.

Kitsariyaxi 48:19

Xiekari hepaɨ 'anuiwarima mepɨyupaɨmenike, 'aniwema, xiekari 'uriyari hepaɨ, kememɨtetewa hatsuaku mepɨka'akuyeitɨarienikekai, metatsiere nehɨxie mepɨkahayeitɨarienikekai».

'Utseyaxi 2:1

»Kepauka memɨ'axɨani xe'iwama 'ukitsi mɨpaɨ xeketeniwaruterɨwa: Hami, taniukikɨ manuyɨne “Mepɨneteɨterimari”. Meta 'ukari Xuhama, taniukikɨ manuyɨne “Nepitinenimayatari”.