16 mɨpaɨ katinitahɨawe: —'Ekɨ pepɨraye'atɨa kenemutayɨ, 'aniwe muyuxewi pepɨka'utikweri, 'ayumieme ne yurikɨ nekanaineni ―Yawé mɨpaɨ kanaineni—.
Kemɨtiuyuhɨritɨa yatikɨhɨawetɨ ta'ukiyari 'Apɨrahami:
Mɨkɨ kanihɨkɨtɨni tɨratu 'Apɨrahami hamatɨa muwewi, 'Itsahaki hamatɨa kemɨtiuyuhɨritɨa.
Yawé Naimekɨmɨtɨrɨkaɨye yuhɨritɨatɨ mɨpaɨ kaniutayɨni: “Memɨmetsi'aye'unie 'utsikari memɨyumɨire wahepaɨ meyupaɨmeme nepɨwarayeitɨani, 'ahetsiemieme meputihiwani memɨmatsiha'iwaxɨkɨ”.
Yawé mɨpaɨ kanaineni: «Ne nekɨmana mɨpaɨ nekatininehɨritɨaka, Wutsira 'axa'itɨaritɨ kanayeimɨkɨ, teɨteri mekanitimamakuni, tewiyarika kanipitɨariemɨkɨ meta kanakumaweriyariemɨkɨ. Yuheyemekɨ naitɨ kiekariteya 'u'unitɨ kaniyuhayewamɨkɨ».
Ne mɨpaɨ yurikɨ nekaniuyuhɨritɨani nehetsiemieme, heitseriekamekɨ yanekaniutayɨni niuki nemɨka'ipatakɨ: Nehɨxie yunaitɨ mepɨkatunuma'uni, nehetsiemieme yamepɨteyuhɨritɨani yunaitɨ teɨteri.
»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.
Yawé naimekɨmɨyɨwe mɨpaɨ kaniutayɨni yɨhɨritɨatɨ, Yawé Kakaɨyari Naimekɨmɨtɨrɨkaɨye mɨpaɨ kanaineni: «'Ixaheritsixi kememɨteyuti'ɨre nepɨxani'erie, waparatsiyu nepu'uxiwe'erie, 'ayumieme wakiekari nepɨyetuani mɨwaraye'unie hetsɨa, meta naime mana mɨtiyepine».
Kakaɨyari mɨpaɨ katinita'aitɨani: —'Aniwe muyuxewi 'a'iyarikɨ peminakierie, kenawitɨtɨ kenemie Muriya kwieyaritsie paitɨ. Hikɨ mana keneutimawa mawari naitɨ mɨtaiyarɨwa hepaɨ, xeime hɨri nemɨmatsixeitsitɨanitsie.
Hikɨ niuki tuayame mɨpaɨ katinitahɨawe: —Keneuhayewa temaikɨ, pepɨkatikwinitɨaka. Nepɨretimari 'ekɨ Kakaɨyari pepayemakaxe, pepɨka'uyuta'ima 'aniwe penetsiyetuirienike muyuxewi.
Yawé niuki tuayameya 'Apɨrahami kaniutahɨawe hutarieka taheima paitɨ,
Mana keneuyeikani yatewimekɨ. Ne'ahamatɨa nepuyeikani, 'aixɨa nepɨmatsiyurieka, karikɨ matsi 'ekɨ meta 'anuiwarima nepɨxeyetuirieni 'ikɨ naime kwie. Mɨpaɨ yurikɨ nepɨreye'atɨani 'apaapa 'Apɨrahami kenemɨrahɨawekai.
'Apɨrahami mɨnetsi'anu'enikɨ naime kenemɨti'aitɨakai, 'inɨari niukiyarikɨ, kenemɨrehɨawekai meta kenemɨti'ɨkitɨakai».
Hikɨ 'u'enaka kememɨte'uximatɨariekai kanaye'erieni tɨratu kememɨte'uwewi 'Apɨrahami, 'Itsahaki meta Kakuwu hamatɨa.
Mɨpaɨta kaniutayɨni: «Nepitikweni Yawé kuyaximama wapatera. Yawé yuheyemekɨ 'amareki paye'unieka».
Keniwara'eriwani kepemɨtiwarutahɨawixɨ, 'Apɨrahami, 'Itsahaki, 'Ixaheri meta. 'Ekɨ mɨpaɨ peputayɨ kename wanuiwari pewatamɨiriyakekai, kememɨteyuxexeiya xurawetsixi muyuawitsie, 'ekɨ pepɨwaruxatɨa kwie wanuiwari wahetsiemieme mayanikɨ yuheyemekɨ.
'Apɨrahami matɨa tɨratu kemɨtiuwewi, meta 'Itsahaki matɨa kemɨtiuyuhɨritɨa,
Peru 'ikɨ niuki xɨka xekahaye'atɨani, ne mɨpaɨ nekanaineni 'ikɨ paratsiyu 'uniyari kwinienetɨ kanikemɨkɨ. Ne Yawé, mɨpaɨ nekanaineni’ ”».
Peru xekeneu'eni Yawé niukieya xeme xeyunaitɨ, Kura teɨteriyari 'Ekipitu xemɨtitei. Yawé mɨpaɨ kanaineni: ‘Yɨkɨmana yuhɨritɨatɨ mumariwekɨ, xewitɨ tɨma Kura kiekame 'Ekipitu memɨtitei pɨkanetsitahɨawe, meta mɨpaɨ mepɨkatiyuani: Yawé naimekɨmɨyɨwe mayeyuri hetsiemiemekɨ.
»”Hutariekata 'a'aurie nemuyetɨatsie, nekameniuxeiya. 'Ari kanaye'akaitɨniri pematiwikieni. Hikɨ nematakɨ nekamenanakakamixatɨani pemɨmawekaikɨ. Tɨratu 'ahetsɨa nekaniuwewieni, yatekaniutiyuani, hikɨ nehetsiemieme pekanayani. Yawé naimekɨmɨyɨwe mɨpaɨ kanaineni.
Matsiɨkɨme kenayeitɨa Kakuwu pemɨkaku'eiriwe hatsuaku, meta 'Apɨrahami heitserie kepemɨtinaki'erie, meripaitɨ tsutɨa paitɨ kepemɨti'ahɨritɨa tatutsima wahamatɨa.