Tsutɨarika 22:14 - Kakaɨyari Niukieya

¹⁴ 'Ayumieme 'Apɨrahami mana pɨtiuterɨwaxɨ: «Yawé pɨrayetuirieni tita mɨreuyehɨaka». 'Ayumieme teɨteri mɨpaɨ meputiyuane: «Hɨritsie Yawé pɨrayetuirieni».

Tsutɨarika 22:14 ပူးပေါင်းရင်းမြစ်များ

Tsutɨarika 22:13

Hikɨ 'Apɨrahami kananieretɨyani, muxa kaniuxeiya yu'awatekɨ tsekame 'ɨtsitsie. Hikɨ 'Apɨrahami 'ixɨnaka kanitimawa taipa yuniwe hetsiemieme.

Memeyekɨ 17:15

Mana Muitsexi mawari taiyame tenariyari kaniutawewieni, mɨpaɨta katiniterɨwa «Yawé nehetsie pununuwame».

'Itsɨkate 6:24

Hikɨ mana Kerehuni mawari taiyame kaniutawewieni Yawé hetsiemieme, mɨpaɨ katiniterɨwa «Yawé kayuwatɨ mɨtiyupitɨwa», hikɨ mɨkɨ 'akuxi kaneyuhekɨaka 'Upɨra 'Awietsexi kwieyaritsie.

Tsutɨarika 22:8

'Apɨrahami mɨpaɨ katinita'eiya: —Neniwe. Kakaɨyari kaniyɨweni mɨkɨ muxa kaneyetuamɨkɨ. Hikɨ mekaniuhukaitɨni.

1 Tsamuheri 7:12

Merikɨte Tsamuheri tete 'utituka mana kanitayeni Mitsipa Tseni wahixɨapa 'Ewenetsexi katiniterɨwa, «Yawé tatsiparewietɨ pɨkatihayewawe».

Tsutɨarika 28:19

'Ana mana kiekari kanikumakaitɨni 'Arimetɨra maku'u titewatɨ, peru Kakuwu kanipata Weteri pɨta katiniterɨwa.

1 Timuteu 3:16

Mɨpaɨ katinihekɨaka, pɨmariwe mɨkɨ niuki matsiɨkɨtɨ matɨa, ketemɨteheyexeiya Kakaɨyari manuyɨne: Mɨkɨ matsiɨkɨtɨ kanayani yuwaiyaritsie 'uyeikatɨ, heitserie pupitɨarie 'Iyari hexeiyatɨ, niuki tuayamete mepixei, pɨkuxaxatsiwakai nuiwarite watsata, yuri mepɨte'uta'eri hetsiena kwiepa memɨtama, witsi'anetɨ panutiwitɨkie.

'Etsekieri 48:35

»Mɨkɨ kiekari kuraruyari 'atanauka miriyari (9.000) meturuyari pexeiyani. »Mɨkɨ tukaritsie kiekari mɨpaɨ pɨtitewaka: “'Ena Yawé pɨkiekame”».

Hutarieka 'inɨari 32:36

»Yawé yuteɨterima wahetsie pɨtanuani kepauka mɨwaxeiya mekatɨrɨkawime, memɨte'i'uximayatsirie pɨwatinenimayata, kepaukari waɨriyarika te'uximayatamete meta memɨxɨxɨni memumawenitsie.

Tsutɨarika 32:30

Hikɨ Kakuwu mana Penuheri katiniuterɨwa, mɨpaɨ 'utayɨka: «Kakaɨyari nierikaya nepuxei, 'ayɨwekatɨka nepayeyuri 'akuxi».

Wani 1:14

Mɨkɨ niukitɨtɨ tewi kanayani, tatsata 'ukaitɨ ratɨa. Tame tekanixeiya witsikemɨ'anekai, 'ukiyarieya witsikemɨtipitɨa yuniwe muyuxewi, kanaye'ani 'aixɨa tiuka'iyaritɨ yuri tikuxatatɨ.

Mikeyaxi 4:10

Ketineukakukuineni meta keneu'atawawaɨriyani, neniwe 'uka Tsiyuni, 'ukaratsi mɨtiniwerɨmeni hepaɨ, karikɨ hikɨri 'akiekaritsie pekanayeyeimɨkɨ, meta yeuta pe'ukaitɨ pekanayeimɨkɨ. Wawiruniya pekaniyemieni, matsi mana pe'uyeikatɨ pekanixɨnariemɨkɨ, Yawé kamenixɨnamɨkɨ memɨmatsi'aye'unie kememɨmete'aitɨatsie.

Tsutɨarika 22:15

Yawé niuki tuayameya 'Apɨrahami kaniutahɨawe hutarieka taheima paitɨ,

1 Tsamuheri 29:10

Hikɨ 'uxa'a ximeripai 'ekɨ meta mati'aitɨwame te'uximayatsiriwamete 'ahamatɨa memeyekɨ, 'amɨtikahekɨare xekaniyehuni.

1 Te'aitamete 17:8

Hikɨ Yawé 'Eriyaxi mɨpaɨ katiniutahɨawe: