Tsutɨarika 22:12 - Kakaɨyari Niukieya

¹² Hikɨ niuki tuayame mɨpaɨ katinitahɨawe: —Keneuhayewa temaikɨ, pepɨkatikwinitɨaka. Nepɨretimari 'ekɨ Kakaɨyari pepayemakaxe, pepɨka'uyuta'ima 'aniwe penetsiyetuirienike muyuxewi.

Tsutɨarika 22:12 ပူးပေါင်းရင်းမြစ်များ

Tsatiyaku 2:18

Matsi xewitɨ xɨari mɨpaɨ kanitayɨmɨkɨ: «'Ekɨ yuri pekatini'erieka, neta yanekatiniyurieneni». Kamɨtsɨ kene'ahekɨata yuri kepemɨti'erie tixaɨtɨ 'atsipekatiyurienetɨ, neta nekamenixeitsitɨamɨkɨ keyuri nemɨti'erie 'aixɨa netiyurienetɨ.

1 Tsamuheri 15:22

Tsamuheri mɨpaɨ katinita'eiya: «¿Tita matsi Yawé tinake: mawari taiyariyari meta hipame 'imikierite, nutsu 'aitsikaya kemaine yatepɨtekahuni? Matsi peuyewetse temi'enieka, keyuri mawari, yatemɨteyurieka peuyewetse, wai wiya matɨa pɨkaheuyewetse.

Xumatari 8:32

Kemɨ'ane yuniwe mɨka'utawikweitsitɨa, miyetua pɨta tanaime tahetsiemieme, mɨkɨ hamatɨata naime pɨtatimini.

1 Kurinitutari 10:13

Teɨteri kememɨte'inɨatsie xeikɨa xekateni'inɨatsieka xeme. Kakaɨyari matsi yakatinikamieni kemaine. Mɨkɨ pɨkaxepitɨani xemɨ'inɨatsiekakɨ kexemɨkateyɨwawe. Xe'inɨatsiekaku matsi kanixepitɨamɨkɨta kexemɨtewikwekakɨ, xepitɨatɨ xemɨyɨwawenikɨ xete'uka'eniwatɨ.

Mateu 19:29

Kemɨ'ane nehetsɨa mɨmiemekɨ miku'eiri yukii, yu'iwama 'ukitsi 'ukari, yupaapa, yumaama, yuniwema, yukwie, mɨkɨ xeitsienituyari matsi warexeiyatɨ kanayeimɨkɨ, meta tukari mɨkaxɨwe hexeiyatɨ kanayeimɨkɨ.

Ti'ɨkitame 12:13

'Imatɨarieka 'ikɨ niuki naitɨ kaniu'enierieni. Kakaɨyari matsi kenayemakaxeni, yaketinekamieni 'aitsikayatsie, 'ikɨ naitɨ tewi hetsie kanimiemetɨni.

Tsutɨarika 26:5

'Apɨrahami mɨnetsi'anu'enikɨ naime kenemɨti'aitɨakai, 'inɨari niukiyarikɨ, kenemɨrehɨawekai meta kenemɨti'ɨkitɨakai».

Tsutɨarika 22:2

Kakaɨyari mɨpaɨ katinita'aitɨani: —'Aniwe muyuxewi 'a'iyarikɨ peminakierie, kenawitɨtɨ kenemie Muriya kwieyaritsie paitɨ. Hikɨ mana keneutimawa mawari naitɨ mɨtaiyarɨwa hepaɨ, xeime hɨri nemɨmatsixeitsitɨanitsie.

Wani 3:16

»Kakaɨyari 'ipaɨ katiniwanaki'erieka kwiepa memɨtama. Yuniwe muyuxewi kaniyetuani memɨkatatɨmaiyarienikɨ, yunaitɨ yuri memɨte'erie hetsiena, tukari mɨkaxɨwe memexeiyanikɨ pɨta.

Nɨawari 147:11

matsi kaninaki'aka kemɨ'ane memeyemakaxe wahetsiemieme, kemɨ'ane naki'eriyayatsie memɨtewiya.

Nɨawari 25:12

¿Kemɨ'ane tewi Yawé payemakaxe? Mɨkɨ huyeta 'aixɨa 'anemekɨ kaniyewitɨkiemɨkɨ.

Xumatari 5:8

Matsi Kakaɨyari 'ipaɨ tiuyurieka matsiɨkɨme kanayeitɨani kemɨtatinaki'erie, Kɨritsitu tahetsiemieme mumɨkɨ tame 'axateteyuriekaku 'akuxi.

2 Kurinitutari 8:12

Xɨka xewitɨ yatiyurieneni 'iyarieya ya'anekaku, tita mɨrexeiya mɨtiyetuani mɨkɨ pɨnaki'eriyarieka, tita mɨkarexeiya pɨkatixaɨ.

Nɨ'ariekate 9:31

Hikɨ memɨyutixexeɨriwakai naitsarie Kureyatsie, Karereyatsie, Tsamariyatsie mepɨka'uximatɨariekai. Mepɨtɨrɨkariyariekai, Ti'aitame me'ayemakatɨ 'amekaniu'uwakaitɨni, 'Iyari Mɨtiyupata mɨiremekɨ kaniwatuikakaitɨni.

Temaiwawemete 1:7

Yawé 'ayemakatɨ mɨtiuyemaikakɨ kanitsutɨni, 'atsimemɨkatemate mɨtimaiwenikɨ mɨ'ayumieme mepɨxani'erie meta memɨtaheitseritɨarienikɨ.

Nɨawari 25:14

Yawé puwanaki'erie kemɨ'ane memeyexeiya, meta yutɨratu kaniwahekɨatsitɨiyani.

Memeyekɨ 20:20

Muitsexi mɨpaɨ katiniwarutahɨawe: —Xepɨkamamaka, Kakaɨyari kaninuani xeta'inɨatake, xe'eyemakatɨ, 'axaxemɨkateyuriekakɨ.

Mateu 16:24

Hikɨ Ketsutsi mɨpaɨ katiniwarutahɨawe yuhetsɨa miemete teyɨ'ɨkitɨwamete: —Xɨka xewitɨ yuwaɨriyani tiyu'ɨkitɨwame nehetsɨa mieme mayani, ketihayewani kemɨtinake yuhetsiemieme tiyurienetɨ, yukuruxi ke'utitɨni, kenetsi'uweiyani.

Keremiyaxi 19:5

Tukite 'etsimupepe Wahari hetsiemiemete mekaniutiwewieni, mana yuniwema 'ukitsi memɨwatitaiyanikɨ mawari taiyariyari memayanikɨ Wahari hetsiemieme, ne mɨpaɨ nemɨkatiwaru'aitɨatsie mɨpaɨ nepɨka'utayɨ tɨma, ni'etsiwatɨma mɨpaɨ nemɨkatiu'eri.

Kuwi 28:28

Hikɨ teɨteri mɨpaɨ katiniwarutahɨawe: «Ti'aitame 'ayemakatɨ mɨtimaiwenikɨ kanihɨkɨtɨni. 'Axamɨti'ane hepaɨtsita yukweriwayurietɨ: mɨkɨ mɨreutamaiwe pɨhɨkɨtɨni».

Nehemiyaxi 5:15

Peru meripaitɨ memanuka'ukai 'ana mekaniwawiyakaitɨni waɨkawa teɨteri, tukarikɨ yameteniwawawiriekaitɨni 'ikwai meta winu huta tewiyari pɨrata tuminiyarikɨ raye'akame. Metatsiere tewa'uximayatsiriwamete teɨteri waɨriyarika meteniwa'aitɨakaitɨni. Ne hawaikɨ mɨpaɨ nepɨkatiuyuri Kakaɨyari nemakatɨ.

Tsutɨarika 20:11

hikɨ 'Apɨrahami mɨpaɨ katinita'eiya: —Ne mɨpaɨ nepɨtiku'eriwakai, xeme Kakaɨyari xeka'ayemakaxeme nepɨ'eriekai, xenetsimienike nepɨ'eriekai ne'ɨya hetsiemieme.

Hepɨrayutsixi 12:28

'Ayumieme pamɨpariyutsi teke'ipitɨaka mɨkatayuitɨarieni tati'aitɨwame temupitɨariekɨ, hakewa mɨre'aita mɨkɨ, mana pɨkatayuitɨarieni, mɨpaɨ tekete'uximayaka Kakaɨyari hetsiemieme pamɨpariyutsi te'ipitɨatɨ. 'Aixɨa 'anemekɨ kemɨtinake, teheyexeiyatɨ meta teheyemakatɨ.

Mateu 5:16

Yaxeikɨata xeme, hekɨariya xehetsɨa mieme mɨpaɨ ketihekɨaka teɨteri wahɨxie, memɨxexeiyanikɨ 'aixɨa kexemɨteyurie, 'aixɨa memutiyuanenikɨ xe'ukiyari taheima makawe hepaɨtsita.

Marakiyaxi 4:2

Peru xeme matsi xemɨnetsi'ayemakaxe xehetsiemieme, tita mɨtiheitserie nehetsɨa miemekɨ xepɨhekɨariyarieni, mɨkɨ hekɨariyakɨ xepanayexɨrieni. Hikɨ xeme xetixɨnarieme, xekanayekɨnikuni xe'utitsukwakatɨ tsikerutsixi memɨxɨxɨni hepaɨ 'ɨxapa.

Keremiyaxi 32:40

Wahamatɨa tɨratu mɨkaxɨwe nepuwewieni: Hatsuaku nepɨkawaku'eirieni nepuwaparewieka, wa'iyaritsie memɨnetsi'ayemakaxenikɨ nepuwapitɨani, 'anari mepɨkanetsiku'eirieni.

Nɨawari 111:10

Xɨka xewitɨ timaiwetɨ heuyeimɨkɨni ke'itsutɨani Yawé 'ayemakatɨ, kemɨ'ane 'aitsika memaye'atɨa mekanimatsiɨkɨni, heitseriemekɨ yamekateniyurieka. Peuyewetse Kakaɨyari temɨnɨawani yuheyemekɨ.

Nɨawari 2:11

Yawé xekenayexeiyani xeheyemakatɨ, xeyutemamawietɨ xekenenɨawani.

Nɨawari 1:6

Yawé 'aixɨa memɨte'u'iyari wahuye kani'ɨwiyani, 'axamemɨteyurie matsi wahuye kanitatɨmaiyariemɨkɨ.

Kuwi 5:19

Kamaniparewiemɨkɨ 'ataxewimexɨa pe'uximatɨariekaku, meta 'atahutarieka 'axapepɨkaranuyeyani.

Hepɨrayutsixi 11:19

'Apɨrahami mɨpaɨ katiniyɨkɨhɨawekaitɨni, Kakaɨyari mɨyɨwekaikɨ tawari menukuketɨanikɨ mɨkite watsata, 'ayumieme hutarieka heixeiyatɨ kemɨratɨa, 'inɨari kanayani.

Tsutɨarika 42:18

Hikɨ hairieka tukaritsie mɨpaɨ katiniwarutahɨawe: —Ne tewi Kakaɨyari nemayemakaxe nepɨhɨkɨ, xemeta yaxeketeneuyuri kenemɨtixetahɨawe, xemɨyutawikweitsitɨanikɨ.

Matsiɨkɨtɨ kemɨratɨa 19:5

Hikɨta 'uweni manuwe niuki kanayeneni mɨpaɨ 'utaitɨ: «'Aixɨa xekeneutiyuaneni takakaɨyari hepaɨtsita, yunaitɨ te'i'uximayatsiriwamete, tɨɨri meta 'ukirawetsixi, yunaitɨ xeheyemakatɨ xemeyexeiya».

Tsutɨarika 22:13

Hikɨ 'Apɨrahami kananieretɨyani, muxa kaniuxeiya yu'awatekɨ tsekame 'ɨtsitsie. Hikɨ 'Apɨrahami 'ixɨnaka kanitimawa taipa yuniwe hetsiemieme.

Tsutɨarika 22:16

mɨpaɨ katinitahɨawe: —'Ekɨ pepɨraye'atɨa kenemutayɨ, 'aniwe muyuxewi pepɨka'utikweri, 'ayumieme ne yurikɨ nekanaineni ―Yawé mɨpaɨ kanaineni—.

Kuwi 1:1

'Utsi kwieyaritsie tewi xewitɨ kaniukateitɨni heitseriemekɨ 'aixɨa tiyurienetɨ meta hetsiena karahɨiwakaku, Kakaɨyari 'ayemakatɨ meta 'axamɨti'anekɨ yupatatɨ. Mɨkɨ tewi Kuwi pɨtitewakai.