Tsutɨarika 21:5 - Kakaɨyari Niukieya

⁵ Xeitsienituyari wiyari kanexeiyakaitɨni 'Apɨrahami kepauka 'Itsahaki mutinuiwaxɨ.

Tsutɨarika 21:5 ပူးပေါင်းရင်းမြစ်များ

Tsutɨarika 17:17

Hikɨ 'Apɨrahami kaniutihɨximakeni kwiepa kaniutananeni mɨpaɨ tiku'eriwatɨ: «¿Kamɨtsɨ tiyɨwe 'uki nunutsi mayexeiya xeitsienituyari wiyari hexeiyatɨ, meta tiyɨwe mɨtiniweni Tsara nauka tewiyari heimana tamamata wiyari hexeiyatɨ?»

Xumatari 4:19

Pɨka'utaweranaxɨa yuri ti'erietɨ, tsepa me'eriwakai yuwaiyari kemɨtimɨximekai 'etsiwatɨkaku xeitsienituyari wiyari mexeiyakaikɨ, yatɨni tsepa me'eriwakai Tsara mɨkayɨwekai mɨtiniwenikɨ.

Tsutɨarika 17:1

Kepauka 'Apɨrami nauka tewiyari heimana tamamata heimana 'atanauka wiyari mexeiyakai, Yawé mɨpaɨ katinitahɨawe: «Ne Kakaɨyari Naimekɨmɨtɨrɨkaɨye nekanihɨkɨtɨni, nehɨxie keneuyeikani 'aixɨa ketineyurienetɨ.

Hepɨrayutsixi 6:15

Mɨpaɨ 'ereutereka ta'ikwewatɨ kawaɨripietɨ 'Apɨrahami, kemɨtiutahɨawarie, heixeiyatɨ kanayani.

Tsutɨarika 16:16

'Apɨrami nauka tewiyari heimana 'ataxewi wiyari kanexeiyakaitɨni kepauka 'Itsimaheri mutinuiwaxɨtsie.

Tsutɨarika 17:24

Nauka tewiyari heimana tamamata heimana 'atanauka wiyari pexeiyakai, 'Apɨrahami kepauka xitekiya 'inɨariyari muwewiyarie,

Tsutɨarika 25:26

'Utɨmanata mutinuiwaxɨ yu'iwa 'Etsahu keputsayatsie 'awietɨ kaniutinuiwa. Mɨkɨ Kakuwu mekateniterɨwa. Kepauka mɨkɨ tɨɨri yuhutatɨ memutinunuiwaxɨ 'Itsahaki haika tewiyari wiyari kanexeiyakaitɨni.

Keremiyaxi 20:15

'Axake'itɨarieka 'iya tewi nepaapa mutemawieritɨa kepauka mɨpaɨ mɨtitahɨawixɨ: «'Ukitɨme pekanayexeiya».