Tsutɨarika 21:16 - Kakaɨyari Niukieya

¹⁶ kaneyani yateewa mana 'ukaitɨ kaniutitsɨatɨyani maamaya, temaikɨ kaxeiyamɨtɨ kepauka mɨmɨnikekai.

Tsutɨarika 21:16 ပူးပေါင်းရင်းမြစ်များ

Kitsariyaxi 49:15

«¿Kamɨtsɨ tiyɨwe niwekame yuniwe tsitsitɨwatɨ metɨmaiya, meta yuniwe naki'erietɨ miku'eirieni? Tsepa mɨkɨ mɨyɨwe metɨmaiya, peru ne nepɨkamatsihatɨmaiya.

'Etsitexi 8:6

Ne yanepɨkara'eriwakai memɨte'uka'eniwanikekai neteɨterima. Nepɨkaheunierimɨkɨkai neteɨterima memɨkwi'iwakekaitsie.

1 Te'aitamete 3:26

Yuri mɨmaamaya waɨkawa yuhiwerietɨ yuniwekɨ mɨpaɨ ti'aitame katiniutahɨawe: —Neuxei waɨkawa nepɨmatsiwawirie, ti'aitame. Pepɨka'ikumemiwani, mɨkɨ keneyetuiri nunutsi mayeniere. Peru xewitɨta mɨpaɨ kaniutayɨni: —Hixɨapa ke'uwitekieni, nehetsiemieme mɨkahɨkɨtɨnikɨ meta 'ahetsiemieme.

Rukaxi 15:20

Hikɨ yukuha'aritɨaka yupaapa hetsɨa kaneyani. »'Ateewa 'akuxi 'amiekaku paapaya kanixeiya, kanitinenimayata, 'utanautsaka 'enukunakeka 'enakawiyatɨkaitɨ kani'itseni.

Tsakariyaxi 12:10

Rawiri nuiwarimama wahetsie meta Kerutsareme kiekatari nepɨwapituani 'iyari mɨtiyukanenimaya meta nenewierikɨ mɨ'ayumieme, hikɨ 'ana mepɨnetsixeiya. Kemɨ'ane pitsikakɨ memutse hetsiemieme mepuyukahiwerieni, yuniwe matɨari mieme memutatɨmaiya hepaɨ mepɨteyuhiwerieka.

1 Tsamuheri 30:4

Merikɨte Rawiri, hamatɨana memu'uwakai mekaniutitsuani me'utihiwatɨ kepaukake memuti'uxixɨ mepɨte'uhayewaxɨ.

1 Tsamuheri 24:16

Hikɨ Rawiri kepauka tikuxatatɨ mɨtiuhayewaxɨ, Tsahuri mɨpaɨ katinita'iwawiya: —Rawiri neniwe, 'ekɨ pepetaine pemɨnetikuxaxatɨwa. Mɨpaɨ 'utayɨka kaniutatsuani karima.

Xuti 1:9

Yawé waɨkawa kexeheparewieka hekwamekɨ 'aixɨa 'anemekɨ xemɨtiwikienikɨ. Hikɨ kaniwaruti'itseni. Perutsɨ mu'e'emama kwinimieme meyuhiwerietɨ meputitsuanakai

'Itsɨkate 2:4

Kepauka niuki tuayame Yawé hetsɨa mieme mɨpaɨ mɨtiwarutahɨawixɨ yunaime 'ixaheritsixi, mɨkɨ teɨteri mekaniutitsuani karima.

Tsutɨarika 44:34

Titayari nereumieni nepaapa hetsɨa xɨka temaikɨ nehamatɨa kaheyani, ne tixaɨ nepɨkaheixeiyamɨkɨ nepaapa yuhiweriekame».

Tsutɨarika 29:11

'Anata kwitɨwa Xakeri kaniu'itseni, meta kaniutatsuani,

Tsutɨarika 27:38

Peru 'Etsahu pɨkatihayewakai: —¿Xeimieme xeikɨa petiyɨwekai Kakaɨyari pemɨtawawirieni 'aixɨa xewitɨ xeikɨa mɨ'itɨarienikɨ? Keneutawawiri Kakaɨyari neta 'aixɨa mɨnetsiyurienikɨ. Mɨpaɨ 'utayɨka tawarita kaniutatsuani karima.

Tsutɨarika 21:15

Kepauka yuhaa memayexɨ nawita mɨyemakai, Hakari yuniwe 'ɨtsitɨa 'itiyeka,

1 Te'aitamete 17:12

Peru wiura mɨpaɨ katinita'eiya: —Yurikɨ mɨpaɨ nekanaineni Yawé hɨxie 'akakaɨyari, paa 'etsiyeume tɨma nepɨkahexeiya, 'etsiwa xeikɨa xarita harina nepexeiya meta 'etsiwa hatseiti peyema. 'Ayumieme kɨyexi nepɨteɨxɨnekai nemenu'ɨnikɨ nekie, 'ikwai nemekawewienikɨ neniwe hetsiemieme meta nehetsiemieme. Mɨkɨri 'imatɨrieka mieme ta'ikwai payani, 'anari tekanikwikuni haakakɨ.

Keremiyaxi 6:26

Hiwerika kamixayari kenanakatɨki, nekiekari, naxipa keneutikurupi. Hatsiwimekɨ keneutatsuakani, 'aniwe mexɨakame hetsiemieme kepemuyɨwe hepaɨ xɨka 'umɨni, karikɨ pɨkatatimaritɨani mɨtatsika'una 'umamie.

'Amuxi 8:10

Memɨte'ayexeiya wa'ixɨarari hiwerika payani, meta wanɨawari hiwerika kwikariyari nekanayeitɨamɨkɨ. Nutuixiya kamixayari nekaniwaranakatɨtɨamɨkɨ meta wakɨpate nekanikaximɨkɨ. Kemɨtiyuhiwerieka raniwe muyuxewi tiumɨyu mɨpaɨ mekatenitsuakuni, 'imatɨrieka ratsiwitɨ pɨrayani.