Tsutɨarika 20:5 - Kakaɨyari Niukieya

⁵ 'Apɨrahami mɨpaɨ pɨnerahɨawekai kename 'iwayatɨkai, 'ukaratsi yaxeikɨata pɨnetiutahɨawixɨ, neri yurikɨ neti'erietɨ nepeiwitɨ, peru ne'ɨyaya ne'inawairienike nepɨkatiuyuri.

Tsutɨarika 20:5 ပူးပေါင်းရင်းမြစ်များ

Nɨawari 7:8

'Ekɨ, Yawé, teɨteri wa'itsɨkame pepɨhɨkɨ. Nehetsieta yaketineuyuri heitseriemekɨ kenemɨtiuyeikakɨ, yakenetinakapitɨa kenemɨtiuyurikɨ.

1 Te'aitamete 9:4

»'Ekɨta, xɨka 'ape'uyeikani nehɨxie 'aixɨa 'anemekɨ, 'a'iyari heitseriekaku, mɨtikamiekai hepaɨ 'apaapa Rawiri, xɨka yapetikayani naimetsie kenemɨmatita'aitɨani meta xɨka pe'eye'atɨani ne'aitsikate meta ne'inɨari niukiyari,

1 Timuteu 1:13

tsepa ne meripaitɨ 'axanemutainekai hepaɨtsitana, tsepa nemitaweiyaxɨ, tsepa nemitawe'eriekai, neputinenimayatsie matsi mɨpaɨ nemɨtiyurienekaikɨ 'atsinekatimaitɨ kepauka yuri nemɨkati'eriekai.

1 Tetsarunikatari 2:10

Xeme meta Kakaɨyari xemunenierixɨ xekatenihekɨatani ketemɨyɨakai xeme yuri xemɨte'erie xehetsiemieme, Kakaɨyari hetsiemieme yatetekahutɨ, heitseriemekɨ teteyurietɨ, tahetsie karahɨiwakaku.

2 Kurinitutari 1:12

'Aixɨa temutiyuanenikɨ mɨpaɨ tepaitɨka tahepaɨtsita, ta'iyaritsie 'aixɨa tepɨtetamate ketemɨyɨa 'ena kwiepa. Mɨpaɨ tepɨtemate, Kakaɨyari hetsiemieme tepatsietɨ tepɨyɨa, 'aixɨa tetehekɨatsietɨ Kakaɨyari kemɨtatipitɨa. Teɨteri wahepaɨ kememɨtemaiwawe tepɨkayɨa, matsi Kakaɨyari yatatipitɨakaku 'aixɨa kemɨtiuka'iyari, mɨpaɨ 'ayumieme tekaniyɨaka kwiepa memɨtama wahetsɨa, xehetsɨa matsi yemekɨ mɨpaɨ tekaniyɨaka.

Tanieri 6:22

Nekakaɨyari yuniuki tuayame kaneyenɨ'ani mayetsi watenie kaniuwiere. Yɨkɨ mepɨkanetsi'uyuri, Kakaɨyari yamɨtimatekɨ 'axanemɨkatiuyuri. Metatsiere 'Ekɨ ti'aitame 'ahepaɨtsita 'axanepɨkatiyuriwe.

Temaiwawemete 20:7

'Aixɨa katinixeiyarieka kemɨ'ane 'aixɨa 'anemekɨ 'amuyeika, Niwemama yupaapa hepaɨ meteyurietɨ 'aixɨa mekani'itɨarieka.

Temaiwawemete 11:3

Heitserie 'amemu'uwa tita mɨtiheitserie puwaruwitɨxime, kemɨ'ane memɨte'itawa wa'itarika puwaka'una.

Nɨawari 78:72

Rawiri yu'iyarikɨ kaniwarutahɨni, timaiwetɨ kaniwaku'arienekaitɨni.

Nɨawari 73:13

Yurikɨ, ¿tita tiyunaki'erie ne'iyari 'itiyakame nemayeitɨakakɨ, meta nemamate 'atsimɨkatiyuruwanikɨ,

Nɨawari 26:6

Neheu'itiyatɨkaitɨ meta nehetsie karahɨiwakaku, Yawé, 'amawari taiyame warita nepayeika,

Nɨawari 25:21

Nehetsie nunuwame kenehɨkɨtɨni, 'aixɨa nemɨtiuka'iyarikɨ meta heitserie nemuyeikakɨ, 'ahepaɨtsita nemeuta'ikwewakɨ.

Nɨawari 24:4

Kemɨ'ane 'aixɨa mɨtiyuriene meta yu'iyaritsie mɨ'itiya, kemɨ'ane kakaɨyarixi tixaɨtɨ memɨkateyunaki'erie mɨkawarayexeiya meta mɨkatiyɨhɨritɨa ti'itawatɨ.

Kuwi 33:9

“Ne 'axanepɨkatiyuruwame. 'Axamɨti'ane nepɨkarexeiya. Nepɨ'itiya meta nehetsie pɨkarahɨiwa.

1 Kemɨtiuyɨ 29:17

Nekakaɨyari 'aku, ne nepɨtimate 'ekɨ 'iyarite pepɨxeiya kemɨtiku'eriwa meta pepinaki'erie tita mɨtiheitserie. 'Ayumieme ne'iyari heitseriekaku nematiyetuiri 'ikɨ naime piinite, meta nepɨwaruxei 'ateɨterima meyutemamawietɨ kememɨte'iyetua yumawari kememɨteyuwaɨriya.

2 Te'aitamete 20:3

«Yawé, kenena'eriwani ne yanepɨtikamiekai 'aixɨa 'anemekɨ 'ahepaɨtsita, meta ne'iyarikɨ 'aixɨa netiyukɨhɨawetɨ, meta yanepɨtiuyuri kemɨmatinake». Hikɨ 'ana 'Etsekiyaxi kaniutitsuani waɨkawa yuhiwerietɨ.

Kutsuhexi 22:22

―Yawé, Kakaɨyari mɨmariwe kakaɨyarixi wahɨxie, yurikɨ, Yawé, Kakaɨyari mɨmariwe kakaɨyarixi wahɨxie, mɨpaɨ pɨtimate kename 'axatekate'uyuri kename te'i'eirikutɨ tekayɨa. Xemetsiere 'ixaheritsixi yunaitɨ mɨpaɨ xeketenemaika. Mexɨka mɨpaɨ ka'aneni, 'aixɨa pɨ'ane xemɨtatsikwini.

Tsutɨarika 12:13

Peru neuxei mɨpaɨ kenetayɨki ximɨxi kename ne'iwa pehɨkɨ, ne 'atsinemɨkaheku'itɨariwanikɨ 'ekɨ mɨpaɨ pehetayɨyu, nemɨkahekumemieriwanikɨ».

Tsutɨarika 20:13

Kepauka mɨpaɨ mɨnetiuta'aitɨa Kakaɨyari, kename nepaapa nemaama newaku'eirienikekai, kename 'ateewa neyemiekai, ne ne'ɨya mɨpaɨ nepɨtiutahɨawixɨ: «Neuxei mɨpaɨ nepɨmatiwawirie: Tsepa hakewa temekɨ, kename ne 'amatsika nehɨkɨ peputaineni».

Tsutɨarika 20:16

Tsara meta mɨpaɨ katiniutahɨawe: —Neuxei, 'a'iwa nepu'ɨitɨa tamamata heimana xewi kiruyari heimana 'imeriyu pɨrata tepɨayari, mɨkɨ kani'ayumiemetɨni 'axapemɨkaramamatiwanikɨ, mɨpaɨ memɨtehetimanikɨ 'a'iwama kename 'ekɨ 'atsipekatiuyuri, mɨpaɨ xewitɨ 'atsipɨkametitamani.

Nɨawari 7:9

Kakaɨyari heitserie pemexeiya, 'ekɨ pemɨtimate wa'iyari kemɨtiku'eriwa, ketineukumaweriya 'axateyuruwamete ke'axamemɨteyurie keneparewieka heitserie mexeiya.