Tsutɨarika 2:7 - Kakaɨyari Niukieya

⁷ Hikɨ Yawé Kakaɨyari tewi kaniutawewieni kwiekɨ. Tsurieyatsie 'ihɨtsieka tukari kanipitɨani mayenierenikɨ muta'iwenikɨ. 'Ana 'ayeyuritɨ tewi kanayani.

Tsutɨarika 2:7 ပူးပေါင်းရင်းမြစ်များ

1 Kurinitutari 15:45

Mɨpaɨ katine'uka: «Mexɨakame tewi, 'Arani mɨtitewakai, 'ayenieretɨ kanayani». Mɨkɨ 'imatɨreme 'Arani pɨta, 'iyari tukari tiyupitɨwame kanayani.

Kuwi 33:4

Kakaɨyari 'iyarieya pɨnetsi'utawewi, Naimekɨmɨtɨrɨkaɨye 'iiyaya tukari pɨnetsi'upitɨa.

Ti'ɨkitame 12:7

'Anari kwiepa tumuanari kanayeimɨkɨ, meripaitɨ mɨ'anekai hepaɨ, 'iyari kanakunuamɨkɨ Kakaɨyari hetsɨa, mɨkɨ mana meiyenɨ'akɨ.

Kitsariyaxi 64:8

Peru tsepa mɨyatɨtɨ, Yawé, 'ekɨ ta'ukiyari pepɨhɨkɨ, tame haxu tepɨhɨkɨ, 'ekɨta 'iwewame. Teyunaitɨ tame 'awewiya tepɨhɨkɨ.

Nɨ'ariekate 17:25

teɨteri yumamakɨ mepɨka'eyexeiya, tixaɨtɨ mɨkareuyehɨwakɨ. Mɨkɨ yunaime tukari pɨwapitɨa, wa'iya meta naitɨ mɨtixuawe.

1 Kurinitutari 15:47

Mexɨakame tewi kwiepa kanimiemetɨkaitɨni, kwiekɨ mutawewiyakɨ, hutarieka mieme tewi taheima pɨta kanimiemetɨni.

Tsutɨarika 3:19

Tukarikɨ peti'uximayatɨ pekwaxiyatɨ 'a'ikwaite pekatinexeiyakamɨkɨ, mexi kwiepa pekanuaweni, hakewa pemetawewiya. Tumuanari pekanihɨkɨtɨni, hutarieka pekaninuamɨkɨ tumuanari pemayanikɨ».

Kuwi 27:3

mexi 'akuxi nehetsie tukari xuawe meta netsurita Kakaɨyari 'iyaya nehexeiya,

Tsutɨarika 7:22

Yunaitɨ mekateniukwini kwiepa memɨte'u'uwakai, yunaitɨ memɨte'ayeyuyurikai.

Tsakariyaxi 12:1

'Ikɨ kemɨtiyɨni niukiyari Yawé niukieya kanihɨkɨtɨni, 'Ixaheri hepaɨtsita mieme. Mɨpaɨ kanaineni Yawé, muyuawi munetɨa, kwie tenariyari mukayatsaxɨ, meta tewi tukari 'iyayari mupitɨa:

Nɨawari 103:14

Ketemɨte'u'iyari mɨkɨ katanimaika, katinimaika tame haxu temɨhɨkɨkɨ.

Nɨawari 100:3

Yawé xekenemaika Kakaɨyari mɨhɨkɨkɨ, mɨkɨ pɨtatsi'utawewi, hetsɨana tepɨmiemete. Tepɨteɨterimama, tame muxatsimama tepɨhɨkɨ kuraruyata miemete.

Xumatari 9:20

Neuxei: ¿'Ekɨtsɨari kepaikɨ pepɨhɨkɨ pemita'eiyakɨ Kakaɨyari? «¿Tita mɨtiutawewiya ketitahɨawiwe kemɨ'ane mita'iwewaxɨ: “¿Titayari mɨyane'aneme penetiutawewi?” 'utaitɨ?»

Kitsariyaxi 2:22

Tewitsie yuri xete'erietɨ xeketeneuhayewa, mɨkɨ 'etsiwa xeikɨa katinaye'aka. Tukarieya xeihɨtsieriyari kanihɨkɨtɨni.

Tsutɨarika 3:23

'Ayumieme Yawé Kakaɨyari kaniwaranuyeweiya teɨteri 'Ereni haraweriyarita, kaniwarupitɨani memɨte'uximayakakɨ kwiepa, 'Arani kwiekɨ mutawewiyakɨ.

Hepɨrayutsixi 12:9

Mɨkɨ meta, tepɨwarexeiyakai tapaapama memɨteɨteritɨkai, mɨkɨ metate'ɨkitɨakaku 'uximatɨarikakɨ tepɨwareu'eniekai. Hikɨ matsi yemekɨ peuyewetse temi'enieka 'iyarite wa'ukiyari para temayenenierenikɨ.

'Inɨatsie 16:22

Hikɨ Muitsexi 'Aruni hamatɨa kwiepa mekaniukahɨxima'uni, mɨpaɨ mekateniuhiwa: —Yawé, yunaime teɨteri wahetsiemieme pemɨkakaɨyari: xewitɨ xeikɨa tewi 'axapɨtiuyuri, ¿'ekɨta petiyeha'ani yunaime 'ikɨ wahetsiemieme?

Temaiwawemete 20:27

Tewi 'iyarieya Yawé kɨxemeya kanihɨkɨtɨni, temɨtemaiwawenikɨ tahetsie ketemɨ'anene meta tataɨta.

Kuwi 33:6

Kakaɨyari hɨxie, 'ekɨ matɨa ne yaxeikɨa tepɨ'anene, netatsiere kwiekɨ nekaniwewiyakametɨni.

2 Kurinitutari 5:1

Mɨpaɨ tekatenimaika, xɨka 'uka'unarieni 'ikɨ xamaru hakewa temayetei 'ena kwiepa, kii tekanexeiyani Kakaɨyari mɨtatsipitɨa mamakɨ mɨkawewiya yuheyemekɨ 'amuwe muyuawitsie.

2 Kurinitutari 4:7

'Ikɨ waɨkawa mɨraye'axe, haxu xariyarita tekaneixeiyani 'ikɨ tɨrɨkariya, mɨmatsiɨkɨnikɨ Kakaɨyari hetsɨa mɨmiemekɨ, tahetsɨa mɨkamiemekɨ.

Wani 20:22

Mɨpaɨ 'utayɨka kaniwaruhɨtsieni, mɨpaɨ katiniwarutahɨawe: —Xekeneutanaki'eri 'Iyari Mɨtiyupata.

Kuwi 4:19

matsiri teɨteri haxukɨ memɨwewiyatɨka kepauka yuri tiwaruta'eriri, tumuanarikɨ mekaniwewiyatɨkani, mekanitipɨnarɨwani kakwaniwemekɨ kɨpi tikɨmeme hepaɨ.

'Inɨatsie 27:16

―Yawé, yunaime teɨteri wakakaɨyari, xeime keneutahɨawi manuyekanikɨ 'ikɨ teɨteri wahetsiemieme,

Ti'ɨkitame 3:7

kepauka mutiutatsana, kepaukata mɨtiutawipa, kepauka mɨka'utaniukani, kepaukata mɨtikuxatani,

1 Timuteu 2:13

'Arani meri putawewiya, 'arike 'Ewa.

Tsutɨarika 2:6

Matsi kwiepa kaniti'ekekaitɨni 'aɨxi. Mɨkɨ naime kwie puyuniyakai.

Hiwerika 4:20

Meta kaniuwiyarieni ti'aitame Yawé menayexei, mɨkɨ hetsie tetewiyatɨ temu'uwakai. Mɨkɨ pɨhɨkɨtɨkai hetsiena mieme mɨpaɨ temutiyuanekai: Mɨkɨ 'etɨriyayatɨa te'u'uwatɨ nuiwarite watsata tepu'uwani.

'Etsekieri 37:5

Yawé naimekɨmɨyɨwe mɨpaɨ kanaineni 'umete hepaɨtsita: ‘Ne tukari 'iyayari xemexeiyanikɨ nekanixepitɨamɨkɨ, xeme tawarita xe'ayenenieretɨ xekanakɨnikuni.

Tsutɨarika 1:27

Kakaɨyari tewi kaniutawewieni yuhepaɨ 'anekame, pitawewi 'inɨarieya mayanikɨ yuhepaɨ 'anekame. 'Uki meta 'uka pɨwarutiwewi.

'Etsekieri 37:6

Tatá xehexeiyame nekanixe'ayeitɨamɨkɨ, wai hetsiena mɨkanenikɨ yanetiniyurimɨkɨ, meta nawi nekanixekaweriexɨamɨkɨ, tukari 'iyayari xemexeiyanikɨ nekanixepitɨamɨkɨ, hikɨ 'ana xe'ayenenieretɨ xekanakɨnikuni hekwamekɨ. 'Ana mɨpaɨ xepɨtehetimani kename ne, Yawé nehɨkɨ’ ”».