Tsutɨarika 2:3 - Kakaɨyari Niukieya

³ Kakaɨyari 'aixɨa kaniyurieni 'atahutarieka tukari hetsiena mieme mɨpatsiekakɨ, 'ana muka'uxipikɨ, naime yu'uximayatsika tiutinɨka muyuawi meta kwie kemɨtiutawewi.

Tsutɨarika 2:3 ပူးပေါင်းရင်းမြစ်များ

Mawari 23:3

»'Ataxewime tukari xeikɨa xepɨte'uximayaka, matsi 'atahutarieka tukariyaritsie 'uxipiya tukari kanihɨkɨtɨkamɨkɨ, mɨkɨ tukaritsie 'ixɨarari patsiekamekɨ memuyukuxexeɨriwa nehetsiemieme pɨhɨkɨtɨni, 'ana tixaɨtɨkɨtɨma xepɨkate'uximayaka. Tsepa xeme hakewa xemetiteni, xawati kanipatsiekamɨkɨ Yawé hetsiemieme.

Marikuxi 2:27

Mɨpaɨta Ketsutsi katiniwarutahɨawe: —'Uxipiya tukari kaniuti'utsieni teɨteri wahetsiemieme. Teɨteri kememɨte'uwewiya, 'uxipiya tukaritsie mieme xeikɨa mepɨka'utiwewiya.

'Etsekieri 20:12

Meta xawati tukariyari nekaniwayetuirieni 'inɨari mɨhɨkɨtɨnikɨ ne wahamatɨa mɨkɨta nehamatɨa, mɨpaɨ memɨnetehaye'eriwanikɨ, ne Yawé, xawati tukariyari patsiekame nepayeitɨa nehetsiemieme.

Rukaxi 23:56

Yu'utɨma mehekɨneka 'aixɨa meniyurieni witsimu'ɨa mixaxi nɨkame 'uaye. Merikɨtsɨ 'uxipiya tukaritsie mekani'uxipiekaitɨni 'aitsika kemaine.

Memeyekɨ 34:21

»'Ataxewime tukaritsie xeikɨa pepɨti'uximayaka, 'atahutariekatsie pekani'uxipiekamɨkɨ. Tsepa xemukwietsanatɨwe tsepa xemɨ'itsanatɨwe, peuyewetse mɨkɨ tukaritsie yemekɨ xemɨkate'uximayaka.

Nehemiyaxi 9:14

Pepɨwarutaxatɨa Xawati tukariyari mɨpatsie, Muitsexi ti'a'uximayatsiriwame mɨhɨkɨtɨkaitsie 'aitsika 'inɨari niukiyari pepɨwayetuiri.

Memeyekɨ 23:12

»'Ataxewime tukari pepɨti'uximayaka, 'atahuta tukaritsie mepɨka'uxipieni 'atuurutsixi meta 'apuxuri, yunaitɨ te'uximayatamete mepɨka'uxipieni 'akie memutinunuiwaxɨ meta teewanarixi.

Temaiwawemete 10:22

Yawé hetsɨa katinayeneikani waɨkawa mɨrexeiyanikɨ, yu'iyaritɨatɨ tixaɨtɨ pɨkara'iwa.

Tsutɨarika 2:2

'Atahutarieka tukaritsie, Kakaɨyari kaniuka'uxipieni, naime mɨtiutinɨkɨ yu'uximayatsika kemɨtiuyɨhɨawixɨ.

Tsutɨarika 2:4

Kepauka mɨtiutiwewiya muyuawi meta kwie, 'ikɨ pɨ'ɨxatsiyari. Kepauka Yawé Kakaɨyari muyuawi meta kwie mutiwewi,

Tsutɨarika 1:31

Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.