Tsutɨarika 2:18 - Kakaɨyari Niukieya

¹⁸ Hikɨta Yawé Kakaɨyari mɨpaɨ kaniutayɨni: «'Aixɨa pɨka'ane, 'uki yuxaɨta muyeikanikɨ. Peiyehɨwa yuteɨtame. Nepitawewirieni 'iparewiwame hetsiena mieme».

Tsutɨarika 2:18 ပူးပေါင်းရင်းမြစ်များ

1 Pekuru 3:7

'Ukitsi meta yaxeikɨa, xetemaiwawetɨ yu'ɨitama wahamatɨa xekeneutiteni, mɨpaɨ xetemaitɨ, xehepaɨ memɨkatɨrɨkawikɨ yuwaiyaritsie, mariwemekɨ 'aixɨa xeketeniwaxeiyani, mɨpaɨ xetemaitɨ, mexeteɨtakaku wahetsieta pɨtinake tukari memɨmikienikɨ xehamatɨa. Mɨpaɨ xɨka xeteyurieka xenenewieri pɨka'anunamieni.

Temaiwawemete 18:22

Kemɨ'ane yu'ɨya mukaxei temawierika kanikaxeiyamɨkɨ: Yawé 'inaki'erietɨ mɨtiyetuirikɨ.

Tsutɨarika 3:12

'Uki mɨpaɨ kaniutayɨni: —Mɨkɨ 'uka pemɨnetsi'uwitɨtɨa, pɨnetsi'umi nepitakwai.

Xuti 3:1

Merikɨtsɨ mu'eya Nuhemi mɨpaɨ katinitahɨawe: ―Neuxei neniwe. Xɨari peuyewetse nemɨmatsikuwawirienikɨ hakewa pemekani 'aixɨa 'anemekɨ tixaɨtɨ pekareuyehɨatɨ.

1 Kurinitutari 7:36

Mexɨka yutuxeri 'ɨimaritɨme hexeiyani, 'aixɨa kemɨkati'anekɨ 'iyurieneme xɨka yu'erieka, xɨka 'ayumaikari, xɨka yuwaɨriyani mɨtineɨkekɨ, kemɨtinake yaketiuyurieni. 'Aixɨa kaniyɨmɨkɨ, 'axamete'uyurieme mepɨkayu'erieka.

Tsutɨarika 1:31

Kakaɨyari naime katiniuxeiya tita mɨtiutiwewi. «'Aixɨa pɨ'ane», kaniutayɨni. Hikɨ kaniukuyɨre, ximerita kanayani, 'ataxewirieka tukari kanayani.

Tsutɨarika 2:20

Mɨpaɨ 'ana tewi kaniwarutiterɨwa yunaime keyupaɨmetɨ memɨtexɨawe memɨteyutewatsinɨa, yunaime memɨte'awɨwawe, yunaime yeutari. Matsi mɨkɨ nixewitɨ tewi parewiwameya yemekɨ pɨka'atɨa.