Tsutɨarika 2:1 - Kakaɨyari Niukieya

¹ Mɨpaɨ katiniutinɨrieni muyuawi, kwie meta naitɨ tita hetsiena mɨtixuawe.

Tsutɨarika 2:1 ပူးပေါင်းရင်းမြစ်များ

Nɨawari 33:6

Yawé niukieyakɨ muyuawi kaniuneni, 'iiyayakɨ xurawetsixi mekaniutixuawere.

Memeyekɨ 31:17

'inɨari yamɨreuyuhane pɨhɨkɨtɨni mɨkɨ meta ne. »Kaniyuritɨni, 'ataxewi tukari Yawé katiniutawewieni, muyuawi taheima mieme meta kwie, 'atahutarieka tukaritsie puka'uxipi».

Memeyekɨ 20:11

Kena'eriwani 'ataxewime tukari Yawé pɨtiutiwewi muyuawi, kwie, haramara, meta yunaime mana memɨteye'uwa, hikɨ 'atahutarieka kaniuka'uxipieni. 'Ayumieme Yawé mɨkɨ 'uxipiya tukari patsiekame kanayeitɨani.

Tsutɨarika 1:1

Tsutɨapai Kakaɨyari muyuawi meta kwie kaniutawewieni.

Kitsariyaxi 45:18

Karikɨ Yawé mɨpaɨ kanaineni, kemɨ'ane muyuawi 'amuyema, Kakaɨyari kwie mutawewi, minetɨa meta 'amiyeye, makumawenikɨ mɨka'itawewi, mitawewi mana mɨkiepatɨnikɨ: «Ne Yawé nekanihɨkɨtɨni, tawarita xewitɨ kaniumaweni.

Kitsariyaxi 42:5

Kakaɨyari mɨpaɨ kanaineni, Yawé, kemɨ'ane muyuawi mutawewi meta mitaweraxɨ, kemɨ'ane kwie mukama, meta tita mana mɨtixuawe, mana kiekatari teɨteri wa'iiya muwapitɨa, tukari muwapitɨa mana memu'uwa:

2 Te'aitamete 19:15

hikɨ hɨxiena mɨpaɨ katiniuyunenewieni: «Yawé, 'Ixaheri Kakaɨyarieya, matsiteɨtamete memu'ana wahixɨata 'a'uwenitsie pemaka: 'ekɨ xeikɨa naitsarie kwiepa te'aitamete wakakaɨyari pekanihɨkɨtɨni. 'Ekɨ pekaninetɨani muyuawi meta kwie.

Kitsariyaxi 45:12

Ne kwie nekaniutawewieni, hetsiena teɨteri nekaniwarunetɨani. Nemamate katiniuyurieni muyuawi 'amuyemanaxɨ, meta mana xurawetsixi memuyeyaxekɨ nekaniwaruta'aitɨani.

Nɨawari 146:6

muyuawi meta kwie mɨtiutiwewi, haramara meta yunaitɨ titamexi mana memɨteye'uwa, mɨkɨ matsi yurikɨ xeikɨa katinikuxatani.

Tsakariyaxi 12:1

'Ikɨ kemɨtiyɨni niukiyari Yawé niukieya kanihɨkɨtɨni, 'Ixaheri hepaɨtsita mieme. Mɨpaɨ kanaineni Yawé, muyuawi munetɨa, kwie tenariyari mukayatsaxɨ, meta tewi tukari 'iyayari mupitɨa:

Nɨawari 33:9

mɨkɨ 'utaniuku, naitɨ pɨtiune, mɨkɨ tiuta'aitaku, naitɨ 'aixɨa pɨtiuyɨ.

Nehemiyaxi 9:6

»'Ekɨ xeikɨa Yawé pepɨhɨkɨ. 'Ekɨ muyuawi peputawewi, naime muyuawi kemɨyewa xurawetsixi warexeiyakame. 'Ekɨ tukari pepɨwapitɨa tita pemɨtiutawewi: kwie meta haramara yunaime mana memɨtexuawe. 'Ayumieme xurawetsixi muyuawitsie miemete 'ahɨxie mepukahɨxima'uwe.

2 Kemɨtiuyɨ 2:12

Yawé 'aixɨa ketikuxaxatsiwani, 'Ixaheri Kakaɨyarieya, kwie meta taheima muyema muyuawi mutawewi, ti'aitame Rawiri mupitɨa yuniwe mayexeiyakɨ, timaiweme meta reutamaiweme, mɨkɨ kanitawewimɨkɨ paratsiyu 'amɨpa meta Yawé tukieya.

Hepɨrayutsixi 4:3

Tame pɨta yuri temɨte'uta'eri tepaye'axɨaxime hakewa mɨtatsiheka'uxipitɨani, mɨpaɨ kemutayɨ: «Hikɨ neha'atɨ, mɨpaɨ neputayɨ: “Hatsuaku nehetsɨa mepɨkaye'axɨani hakewa nemɨwareka'uxipitɨanikekaitsie”». Mɨpaɨ putayɨ tsepanetɨ 'uximayatsikaya mɨnɨriekai kwie munetɨarietsie paitɨ,

Nɨ'ariekate 4:24

Kepauka mewaru'enieka 'axeikɨa meyuxewitɨ Kakaɨyari nenewieri mekaniupitɨani: «Ti'aitame Naitsarie pemɨti'aita, muyuawi meta kwie pemutawewi, haramara meta naime wahetsie mɨtixuawe,

Keremiyaxi 10:16

Kakaɨyari Kakuwu manayexei nuiwarieya mayanikɨ mɨkɨ wahepaɨ pɨka'ane, matsi mɨkɨ naime mɨtiunetɨa kanihɨkɨtɨni, Yawé Naimekɨmɨtɨrɨkaɨye katinitewaka, meta nuiwarieya 'Ixaheri kanihɨkɨtɨni.

Keremiyaxi 10:12

Kakaɨyari kwie kaniutawewieni yutɨrɨkariyakɨ, kemɨtimaiwekɨ kwie 'aixɨa katiniuyeni, muyuawi 'ayeume kanayeitɨani kemɨtimaiwekɨ.

Kitsariyaxi 65:17

»Kayuwatɨ xekeneu'enana, 'ari nekaninetɨaximeni muyuawi hekwame meta kwie hekwame. Tawariri pɨkatitaxatsieni meripaitɨ timieme, meta pɨkaha'eriwani.

Kitsariyaxi 48:13

Ne'utakɨ kwie 'aixɨa nepuyuri, netseriekɨ muyuawi neputaweraxɨ. Ne nepuwarutaterɨwaxɨ, hikɨ mɨkɨ yunaitɨ mepuhekɨarixɨa.

Hutarieka 'inɨari 4:19

Matsi kepauka teikɨ xeheneniereme mana xemɨtexeiya naitɨ tita hetsiena mɨtixuawe muyuawitsie miemete xemɨwaxeiya —tatsɨari tau, metseri meta xurawetsixi— xɨka xekuyuitɨariwani xemɨwarayexeiyanikɨ, mɨkɨ xepɨkawarayexeiyani. Mɨkɨ muyuawitsie memeukatei Yawé takakaɨyari kaniwaranayexeiya, nuiwarite kwiepa memɨtama wakakaɨyarixima memɨhɨkɨtɨnikɨ

Tsutɨarika 2:4

Kepauka mɨtiutiwewiya muyuawi meta kwie, 'ikɨ pɨ'ɨxatsiyari. Kepauka Yawé Kakaɨyari muyuawi meta kwie mutiwewi,

Tsutɨarika 1:10

Muwaki «kwie» Kakaɨyari katiniterɨwa, haa muyukuxeɨri «haramara» katiniterɨwa. 'Ixeiyatɨ Kakaɨyari «'Aixɨa pɨ'ane», kaniutayɨni.

Hutarieka 'inɨari 17:3

meta kenemɨtixe'aitɨa yamɨkatikamie kaniyɨaneni, hipame kakaɨyarixi mɨwarayexeiyakɨ, wahɨxie mukatunumakekakɨ yatɨni tau mayexeiyakɨ, metseri meta xurawetsixi muyuawitsie miemete.

Keremiyaxi 8:2

Tau hɨxie tiheitɨ kanayeimɨkɨ meta metseri hɨxie, meta yunaime xurawetsixi muyuawitsie miemete wahɨxie, mɨkɨ muyuawitsie miemete memɨwanaki'eriekai, memɨwarayexeiyakai memuwaruweiyakai meta memɨwarahɨawekai. Wa'umete pɨkaku'ɨiyani meta pɨkakateukieni, kwitarai hepaɨ kwiepa puyuhayewa.

Kitsariyaxi 55:9

Nehuye meta kenemɨtiku'eriwa matsi 'apeutitetewa keyuri xehuye meta kexemɨteku'eriwa, matsi waɨkawa peutitewa keyuri muyuawitsie kemeutitewa.

Kuwi 12:9

Mɨkɨ yunaitɨ mɨpaɨ mepɨtemate Yawé muwarunetɨakɨ yɨtɨrɨkariyakɨ.

Nɨ'ariekate 7:42

Hikɨ Kakaɨyari pɨwaruku'eiri, pɨwayetua muyuawitsie memɨteheukatei memɨtewarayexeiyanikɨ. Mɨpaɨ kemɨraka'utɨarie Kakaɨyari niukametemama waxapayaritsie mɨpaɨ 'anuyɨtɨ: »“Teɨteri 'ixaheritsixi, mawari xepɨkanetsi'uwewiri meta 'imikieri, makumawetsie xe'uhutɨ huta tewiyari wiyari.

Rukaxi 2:13

Hikɨ yapauka niuki tuayame 'aurie mekaniuti'uni muyuawitsie miemete yumɨiretɨ, 'aixɨa me'utiyuatɨ Kakaɨyari hepaɨtsita, mɨpaɨ me'utiyuatɨ:

Kitsariyaxi 34:4

Xurawetsixi muyuawitsie memeukatei mekanitaxɨriexɨakuni, meta muyuawi kaniyutakwikwiemɨkɨ xapa hepaɨ, yunaitɨ xurawetsixi yuxawatɨriya meneuyehɨakuni, kaxie xawari wakitɨ kemɨrakawiwike, meta xapa takari wawakitɨ kemɨtikaxɨrɨwe.

Nɨawari 104:2

Xawatɨmekɨ pekaneuyukunaka 'ixuriki tuxamekɨ hepaɨ, muyuawi peputaweraxɨ 'ixuriki hepaɨ.