Tsutɨarika 19:9 - Kakaɨyari Niukieya

⁹ Peru mɨkɨ mɨpaɨ mekatenita'eiya: —Mana keneukuye'a. 'Ikɨ 'ena pɨkakiekame, hikɨta tati'aitɨamɨkɨ. Hikɨtsɨari matsi 'ekɨ kwinimieme 'axatekamaniyuriekakuni 'ena mɨtiyehane pemɨkawatauniekɨ. Hikɨ Ruti mekaneukutaima hurawa kitenie mekaniuti'uni 'itupari meheu'unake.

Tsutɨarika 19:9 ပူးပေါင်းရင်းမြစ်များ

Memeyekɨ 2:14

Mɨkɨ kanita'eiya: —¿Kemɨ'anekuta 'ekɨ matsi'utahɨawixɨ 'itsɨkamekɨ tahetsie pemɨti'aitanikɨ? ¿Netsɨta penenemieni 'ekipitutanaka hepaɨ? Mɨyamɨtiutahɨawariekɨ Muitsexi waɨkawa kaniutimani mɨpaɨ katiniu'erieni: «Xɨari nepahekɨarixɨ kenemɨtiuyuri».

Tsutɨarika 13:12

'Apɨrami Kanani kwieyaritsie kaniuyuhayewa, Ruti kaneyani mayeweritsie kiekari makumanetsie, Tsuruma 'aurie kaniutayerɨni.

Mateu 7:6

»Tita Kakaɨyaritsie mieme mɨtipatsie xepɨkatewamikwani tsɨikɨri, kuka kwinie mɨraye'atɨka tuixuri wahɨxie xepɨkatixɨrɨwani, nɨka me'itiketsinikɨ, nɨka ta'aurie me'axɨrieme mexe'utitsanakɨ tsɨikɨri.

Keremiyaxi 8:12

¿Kamɨtsɨ mete'uyutitetewiyaxɨ kemɨtixani'eriwakɨ yamete'uyurieka? Hawaikɨ, tixaɨtɨkɨ mepɨkateyutitetewiyawawe, mepɨka'imate paitɨ tita mɨtitewiyarika. 'Ayumieme, mepatixɨrieni kemɨ'ane mematixɨriyani wahamatɨa, kepauka 'uximatɨarika wahetsie nemɨkawiwieni —Yawé mɨpaɨ kanaineni—.

Keremiyaxi 6:15

¿Kamɨtsɨ mete'uyutitetewiyaxɨ kemɨtixani'eriwakɨ yamete'uyurieka? Hawaikɨ, tixaɨtɨkɨ mepɨkateyutitetewiyawawe, mepɨka'imate paitɨ tita mɨtitewiyarika. 'Ayumieme, tsepari kemɨ'ane memɨwarutakwi, kepauka 'uximatɨarika wahetsie nemɨkawiwieni, nepɨwaka'una», Yawé kanaineni.

Keremiyaxi 3:3

'Ayumieme pɨkawiyemɨkɨ, 'ayumieme taxarita mieme wiyeri pɨkanua. 'Ukaratsi tuminikɨ muyuwitɨnɨa hepaɨ pepɨti'akɨhɨawe, tewiyarika pepɨkamate.

Kitsariyaxi 65:5

mɨpaɨta kaniutaineni: “Teewa xekeneu'uwani. 'Ahurawa nehetsɨa xepɨkahakɨkani. Ne yemekɨ nekanipatsieka xehetsiemieme”. 'Ikɨ naitɨ pɨkanetinake kɨtsi nemɨ'ɨkweni hepaɨ, tai yamɨtita'a tukarikɨ kanihɨkɨtɨni.

Ti'ɨkitame 10:13

Matɨari mieme niukieya tixaɨtɨ pɨkatihɨkɨ, 'imatɨrieka 'aixɨa pɨkatinɨni 'atsimɨkatimatekɨ.

Ti'ɨkitame 9:3

Xewitɨ xeikɨa kaniuyeikani 'axamɨtiyurienenikɨ 'ikɨ tukaritsiemieme: Teyunaitɨ tsieretsɨ tekanikwikuni. Metatsiere tewi 'iyarieya 'axamɨti'anekɨ kanihɨneni, rukuxiya xeikɨa yu'iyaritsie kanexeiyani yuheyemekɨ, 'imatɨrieka xeikɨari kanimɨmɨkɨ.

Temaiwawemete 27:3

Tete pahete, xiekari pahete, matsi waɨkawa pahete kepauka tewi mɨha'a yutemawietɨ 'axamɨtiyuriene.

Temaiwawemete 17:12

'Aixɨa pɨ'ane hutse xɨka 'anukunake mayu'eriya yuniwema munawaiyarie, keyuri 'atsimɨkatimate xɨka ranukunake.

Temaiwawemete 14:16

Mɨtimaiwe Yawé kanayemakaxeni 'ayumieme kaniyɨ'ɨwiyani 'axamɨti'ane hepaɨtsita, matsi mɨkayuwaɨriya puyuta'ɨre meta puyuwaɨriya mɨpaɨ 'utaitɨ nenekaniyɨweni.

1 Tsamuheri 25:17

Hikɨ 'ekɨ 'aixɨa kepemɨtiyurieni keneutimaixɨa, karikɨtsɨ tati'aitɨwame hetsie 'axamɨti'ane katinamieni meta kiena kiekatari tahetsie. Mɨkɨ tewi 'axamɨtiuka'iyari pɨhɨkɨ, xewitɨ hamatɨana mɨtikuxatani pɨkayɨwe».

1 Tsamuheri 17:44

Mɨpaɨta katinitahɨawe: —Kenaye'a nekamanimiemɨkɨ, wirɨkɨxi meta yeutari 'awaiyari nekaniwatimimɨkɨ.

Tsutɨarika 11:6

mɨpaɨ kaniutayɨni: «Yunaitɨ mepɨxeikiekariyari meta xeiniukiyari xeikɨa mepexeiya, 'ayumieme mɨkɨ 'uximayatsika meputsutɨa, kememɨtexata yamepɨteyurieni.

1 Tsamuheri 2:16

Xɨka mɨtimawa mɨpaɨ tita'eiya: «Kenekwewieka 'akuxi wiya 'anuyekuneyuke kemɨreuyewetse, 'anake pekanenutuimɨkɨ kemɨmatinake», matsi ti'uximayatame mɨpaɨ pɨtikɨhɨawekai: «Hawaikɨ keneneyetuiri hikɨ yapauka, yapepɨkanetiutuitɨa ne nepɨmatsinawairieni».

'Etsekieri 16:49

'Ataru Tsuruma meta kiekari 'auriena mamanetɨka, 'axamepɨte'uyuri memuyuta'ɨrixɨkɨ, waɨkawa mepɨte'utikwa'akai, tixaɨtɨ mepɨkateha'eriwakai, haweri memɨ'anene mepɨkawaparewiekai.