Tsutɨarika 19:5 - Kakaɨyari Niukieya

⁵ Ruti mekanewaye'inieni, mɨpaɨ mekatenitahɨawe: —¿Hakewari 'ukitsi memu'axɨa 'akie metihenike? Keniwarayenɨ'a. Tame wahamatɨa tepɨkahini.

Tsutɨarika 19:5 ပူးပေါင်းရင်းမြစ်များ

'Itsɨkate 19:22

Mexi yu'iyarikɨ metekwakai, hipatɨ teɨteri mɨkɨ kiekaritsie kiekatari kiwarie mekana'utɨkɨne. 'Ituparitsie meteheuhutsunatɨ, mɨpaɨ 'ukiratsi mete'uhiwiwatɨ kii kutsiyari. ―'Uki kenewayewitɨki 'akie munua. Hamatɨana tepɨkahini.

Kura 1:7

Yaxeikɨata Tsuruma meta Kumuxa meta kiekarite 'auriena mamanetɨkatei, 'inɨari memakɨnekɨ memari'itɨarietɨwetɨ, mete'uka'eniexɨaka taipa yuheyemekɨ mɨtaiwetsie, 'amemu'uwakaikɨ mɨkɨ mewakumaɨwatɨ kemɨ'ane mɨkawa'ɨyatɨkai mɨkawakɨnatɨkai, me'ikumaɨwatɨ titakɨ memɨteyutsewiximakai.

Kitsariyaxi 3:9

Kememɨteyurie yuhɨxie paitɨ mepumatsiɨkɨ meta ke'axamemɨteyuriekɨ mekaniyutemamawieka Tsurumatari wahepaɨ, kememɨteyurie naime mepɨtewaxeitsitɨa. Xɨa'ui mɨkɨ wahetsiemieme, yɨkɨmana 'axa'anekɨa memeuyukaxɨrɨwakɨ.

Mawari 18:22

»'Uki hamatɨa pepɨka'ukahupuni 'uka hamatɨa pemukahupuni hepaɨ. Mɨkɨri mɨxani'eriwa kanihɨkɨtɨni.

1 Timuteu 1:10

memɨwakumaɨwa kemɨ'ane mɨkawa'ɨya mɨkawakɨna meta 'ukitsi hipame 'ukitsi memɨwakumaɨwa wahepaɨtsita, mɨkɨ memɨwanawatɨwe teɨteri wahepaɨtsita, mɨkɨ memɨteyu'itaiya meta memɨyɨhɨritɨa mete'itawatɨ mɨkɨ wahepaɨtsita. Hipatɨ yunaitɨ memeye'unie 'ɨkitsika 'aixɨa mɨ'ane, mɨkɨ wahepaɨtsita pɨkuxaxatsiwa 'inɨari,

1 Kurinitutari 6:9

Mɨpaɨ xekatemate, mɨkɨ 'axamemɨteyurie wahetsie pɨkatinakeni memaye'axɨanikɨ Kakaɨyari tiwa'aitɨwame mayanikɨ. Xepɨkateyu'irɨwiyaniri. Xɨka 'ikumaɨwani kemɨ'ane mɨkayɨ'ɨya mɨkayɨkɨna, tetexi xɨka warayexeiyani, xɨka 'ikumaɨwani xeime 'ɨyaya, kɨnaya, xɨka 'ukitɨtɨ 'ukari wahepaɨ yɨaneni, 'ukitɨtɨ xɨka 'ikumaɨwani xeime 'uki,

'Etsekieri 16:51

Peru neuxei Tsamariya meta kiekari 'auriena mamanetɨka 'ekɨ ke'axakwinimieme pemɨtiyuriene mɨkɨ nihixɨapa mepɨka'uti'axɨa tɨma. 'Ekɨ matsi kwinimieme 'axapetiyurienetɨ pepatɨa, mɨkɨ matsi heitserie mehexeiyame hepaɨ mepɨyɨa 'ekɨ kwinimieme 'axapemɨtiyurienekaikɨ.

2 Timuteu 3:13

Matsi teɨteri 'axamemɨteyuriku memɨteyukwamana, waɨkawa 'axame'anenetɨ mepakɨnirɨmeni mete'irɨmatɨ mete'irɨwiyarietɨ meta.

'Etsekieri 16:49

'Ataru Tsuruma meta kiekari 'auriena mamanetɨka, 'axamepɨte'uyuri memuyuta'ɨrixɨkɨ, waɨkawa mepɨte'utikwa'akai, tixaɨtɨ mepɨkateha'eriwakai, haweri memɨ'anene mepɨkawaparewiekai.

Keremiyaxi 6:15

¿Kamɨtsɨ mete'uyutitetewiyaxɨ kemɨtixani'eriwakɨ yamete'uyurieka? Hawaikɨ, tixaɨtɨkɨ mepɨkateyutitetewiyawawe, mepɨka'imate paitɨ tita mɨtitewiyarika. 'Ayumieme, tsepari kemɨ'ane memɨwarutakwi, kepauka 'uximatɨarika wahetsie nemɨkawiwieni, nepɨwaka'una», Yawé kanaineni.

Keremiyaxi 3:3

'Ayumieme pɨkawiyemɨkɨ, 'ayumieme taxarita mieme wiyeri pɨkanua. 'Ukaratsi tuminikɨ muyuwitɨnɨa hepaɨ pepɨti'akɨhɨawe, tewiyarika pepɨkamate.

Kitsariyaxi 1:9

Xɨka Yawé Naimekɨmɨtɨrɨkaɨye hipame kawaruhayewake me'ayeneniereme, hikɨ xɨari Tsuruma hepaɨ pɨraku'anenike, meta xɨari Kumuxa hepaɨ tepauyewenike.

Mawari 20:13

»Xɨka xewitɨ 'uki hamatɨa 'ukahuni, 'uka hamatɨa mukahuni hepaɨ, mɨkɨri mɨxani'eriwakɨ memɨte'uyuri yuhutatɨ mekanikwi'iwakuni, wahetsie pɨtinakeni memɨkwi'iwakɨ.

2 Pekuru 2:2

Yumɨiretɨ wahetsie mekateniwiyakuni wahepaɨ memɨyutatuanikɨ merukuyatɨwetɨ xeikɨa, mɨkɨ wakɨmana, tita yuri mɨraine huyeyari pɨtsewiximarieka 'axatikuxaxatsiwakaku hepaɨtsitana.

2 Pekuru 2:7

Yaxeikɨata tewi heitseriemekɨ yamɨtikamiekai kaniutawikweitsitɨani Ruti titewakame, mɨkɨ kwini mieme katiniuti'uxitɨariwakaitɨni, 'inɨari tsanamete kememɨte'u'uwakai merukuyatɨwetɨ.

Tsutɨarika 19:6

Hikɨ Ruti yukiita hewayeyaka, reunaka kitenie,

Hutarieka 'inɨari 23:17

»Xewitɨtɨma 'uki yatɨni 'uka 'Ixaheri kwieyaritsie kiekame tuminikɨ muyumayɨina pɨkahayuyeitɨwani tumini ma'iwakɨ yukakaɨyari mɨyetuirienikɨ.

1 Te'aitamete 14:24

Meta mɨkɨ kwieyaritsie mepuxuawekai kakaɨyarixi mewarayexeiyatɨ yuhamatɨa memukahipitekai tuminikɨ. 'Ixaheritsixi naime yamepɨteyuriekai hipatɨ nuiwarite ke'axamemɨte'uhukai Yawé muwarayeweiyakai 'ixaheritsixi wakwieyaritsie.

1 Te'aitamete 22:46

Kaniwarayeweiya mɨkɨ kwieyaritsie kakaɨyarixi mewarayexeiyatɨ yuhamatɨa memukahipitekai tuminikɨ, mɨkɨ mana mekaniyuhayewatɨwekaitɨni kepauka paapaya mɨti'aitakai 'Atsá.

'Etsekieri 16:50

Hipame wahetsiemieme mariweme mepayuyeitɨwakai, nehɨxie kwinimieme 'axameteyurietɨ. 'Ayumieme kepemɨtiunierixɨ, nepɨwaruka'unaxɨ.