Tsutɨarika 19:3 - Kakaɨyari Niukieya

³ Peru Ruti katihayewakaku yukie wa'inietɨ mepekɨ 'utɨmana, kiitana mekaniu'axɨani. Ruti wa'ikwai muwa putiwarukawewiri 'aixɨa ti'anekame, paa mɨkakuxanariyarietɨka kaniutikwaxiya, mɨkɨ mekateniukwani.

Tsutɨarika 19:3 ပူးပေါင်းရင်းမြစ်များ

1 Tsamuheri 28:24

Merikɨte 'ukaratsi yukie tsikeru kaniweriyakaitɨni, mɨkɨ kaniumieni meta tɨriku tɨxiyari kaniupɨna, tsuirayari kaniutiwewieni kanitikwaxiya.

'Itsɨkate 6:19

Kerehuni kaneyani muxa nunutsi 'itsariyari mekawewienikɨ, yapaɨmemekɨ 'arinakɨ paa mɨkakuxanariyarietɨka kaniutiwewieni. Hikɨ wai tsikɨiwititsie kanikayatsa, xaritata hayari, katinepini niuki tuayame katiniuxatɨani xiu hetɨa.

Hepɨrayutsixi 13:2

Xepɨkatehatɨtɨmaiyani xemɨwatanaki'erienikɨ 'ateewa kiekatari, mɨpaɨ meteyurietɨ hipatɨ mepɨwarutanaki'eri niuki tuayamete 'atsimekatemaitɨ.

1 Kurinitutari 5:8

'Ayumieme tame temɨ'ixɨaramete yakɨtɨtɨ, ye'imekɨ kuxaxanimekɨ tepɨkayɨaka, 'axa'aneneme tehexeiyatɨ 'axateteyurietɨ. Matsi paa kakuxaxanitɨ kemɨtikwaiwa 'ixɨararipa, tameta 'aixɨa teketehekɨatsieka, yuri teke'utiyuaneni.

Memeyekɨ 12:39

'Ekipitu tɨxi memeiyetɨkai mɨkɨkɨ paa mɨkakuxanariyarietɨka mekaniutiwewieni, mɨkɨ tɨxi 'akuxi pɨkatsinakai. Memayeweiyariekɨ 'Ekipitu, 'ayumieme tukari mepɨkahehɨi, yu'ikwai memekawewienikɨ.

2 Kurinitutari 5:14

Kɨritsitu mɨtatsinaki'eriekɨ, 'ayumieme tinakemekɨ tepɨyɨa, tepɨkayɨwawe yɨkɨ temɨteyuriekakɨ. Mɨpaɨ matsi tepɨtehetima, xewitɨ yunaime wahetsiemieme kaniumɨni, 'ayumieme yunaitɨ mepukwi.

Wani 12:2

Hikɨ mana mekaniwarukuxeɨrieni hamatɨana memɨtekwanikɨ. Marita kaniwaparewiekaitɨni, hamatɨana mematekai, xewitɨ Ratsaru kanihɨkɨtɨkaitɨni.

Rukaxi 14:23

Hikɨ kutsiyarieya mɨpaɨ katinitahɨawe yuhetsɨa mieme ti'uximayatame: “Huyeta kenemie tetsariya kemɨtiukumane, waɨriyarika keniwarepitɨa memahukɨ nekita memɨtahɨnekɨ.

Rukaxi 11:8

Mɨpaɨ nepɨtixekɨhɨawe, kanihamikuyatɨni, peru mɨkɨ 'ayumiemeyarikɨ xeikɨa pɨka'anukukeni pɨka'iniɨtɨani, 'iya mɨkatihayewakɨ matsi tiwawirietɨ 'ayumieme naime pɨtiniɨtɨani tita mɨreuyehɨwa.

Rukaxi 5:29

'Ana Rewi 'ikwai kaniuwewieni yukiita Ketsutsi hetsiemieme, yumɨiretɨ kuwiyexinu hetsiemieme tewawamete, meta hipatɨ teɨteri mekatenikwakaitɨni hamatɨana.

2 Te'aitamete 4:8

Merikɨte 'Eritseu, Tsuneni kiekariyaritsie 'uyemiekaku mana xewitɨ 'ukaratsi waɨkawa rexeiyatɨ waɨriyarika yukie kanita'inieni mɨrekwanikɨ. 'Anatɨtɨ kepauka mana muyeyeikakai mana katinitikwa'akaitɨni.

Memeyekɨ 12:15

'Atahuta tukari paa mɨkakuxanariyarie xekanikwakakuni, xeme mexɨakame tukaritsie tikuxanariyame yukiita xekaniwayewiwikuni. Kemɨ'ane mitikwani heiwa mɨkɨ 'atahuta tukaritsie mɨkɨ 'ixaheritsixi watsata kananuyehɨiyamɨkɨ.

Tsutɨarika 21:8

Nunutsi 'Itsahaki kaniutawere, tsitsieya mekaniku'eiritsitɨani. Mɨkɨ tukaritsie 'Apɨrahami 'ixɨarari kaniuwewieni yuniwe hetsiemieme.

Tsutɨarika 19:2

Mɨpaɨ katiniwarutahɨawe: —Neuxei 'iwatamete, nepɨxewawirie waɨkawa 'ikɨ tɨkaritsie nekiita xemuyuhayewanikɨ. Muwa yɨ'ɨkate xemetihauxini peyɨwe, 'uxa'akeri ximeri xekaniyehuni kexemɨtehu. Peru mɨkɨ mɨpaɨ mekaniutiyuani: —'Aixɨa pɨ'ane mɨyapemɨtarahɨawe, matsi tame kiekari hixɨapa teɨteri memayutixexeɨriwatsie tepetiheni.

Tsutɨarika 24:31

Mɨpaɨ katinitahɨawe: —Kɨmɨ, 'ekɨ 'aixɨa pepɨ'itɨarie Yawé yametipitɨakaku. ¿Titayari 'ena peti'akuhayeikawani kiekari warita? Neri 'aixɨa nepɨrekuyuri kiita xemeyehenikɨ, meta 'akameyutsixi wahetsiemieme.

Tsutɨarika 26:30

Hikɨ 'Itsahaki 'ixɨarari kaniwaruwewirieni, mekateniukwani mɨkɨ mekateniu'ieni.