Tsutɨarika 19:12 - Kakaɨyari Niukieya

¹² Hikɨ Ruti mɨpaɨ mekateneye'eritɨani: —¿Tawarita 'atɨɨriyama pekatiwarexeiya 'ena? Keniwaranuwitɨki xaɨtsie yunaime 'amunema, 'aniwema 'ukitsi meta 'ukari, yunaime kemɨ'ane memɨ'a'iwama, 'ikɨ kiekaritsie mepɨkayuhayewani,

Tsutɨarika 19:12 ပူးပေါင်းရင်းမြစ်များ

Tsutɨarika 7:1

Hikɨ Yawé Nuhexi mɨpaɨ katiniutahɨawe: «'Ekɨ xeikɨa 'aixɨa pekatiniuka'iyarini 'ena pemuyeika, kanuwa 'amɨtimariwetsie keneutahaki 'atɨɨriyama xeyunaitɨ.

Matsiɨkɨtɨ kemɨratɨa 18:4

Hikɨ xeimeta nekaniu'enieni muyuawitsie mɨpaɨ hetaineme: «Kiekaritsie xekenewayekɨni neteɨterima, wahepaɨ xemɨkayɨakakɨ mɨkɨ 'axakememɨteyurie, 'uximatɨarika xehetsie mɨkatinakenikɨ,

2 Pekuru 2:7

Yaxeikɨata tewi heitseriemekɨ yamɨtikamiekai kaniutawikweitsitɨani Ruti titewakame, mɨkɨ kwini mieme katiniuti'uxitɨariwakaitɨni, 'inɨari tsanamete kememɨte'u'uwakai merukuyatɨwetɨ.

2 Pekuru 2:9

Kaniyɨweni Ti'aitame mɨwatawikweitsitɨanikɨ mɨkɨ Kakaɨyari memayexeiya kepauka memɨta'inɨatsieni, pɨyɨweta mɨkɨ heitseriemekɨ yamemɨkatekahu mɨwata'ɨwiyakɨ wa'uximatɨatɨ, 'itsɨkame 'arike mɨwata'iwawiyakɨ.

'Inɨatsie 16:26

Hikɨ Muitsexi 'ixaheritsixi mɨpaɨ katiniwarutahɨawe: —'Ikɨ 'axamemɨte'u'iyari waxamaru 'aurie xepɨka'u'uwani. Tixaɨtɨ wapiini xepɨkatekumaɨwani, xemeta kapa xete'ukwinitɨarienikɨ mɨkɨ 'axamemɨte'uyurikɨ.

Tsutɨarika 19:17

Mewarayewitɨkari kiekaritsie, xewitɨ niuki tuayame mɨpaɨ kaniutayɨni: —Xekeneuyuta'una. Yu'utɨma xepɨka'anakuneniereni mayeweritsie xepɨkahewa'uweni. Hɨritsie paitɨ xekeneuyuta'una, nɨkahɨrixɨa xe'ukwini.

Keremiyaxi 32:39

Wa'eriwametsie meta kememɨte'u'uwa nekaniwataxewiririemɨkɨ, yuheyemekɨ memɨnetsihayemakaxenikɨ, 'aixɨa 'anemekɨ memu'uwanikɨ meta waniwema 'ukitsi.

Tsutɨarika 19:22

Keneumienitsɨari xeiya, kene'ata'una mana paitɨ, peheta'ayuke yanepɨtiyurieni. 'Ayumieme mɨkɨ kiekari Tsuhaxi titewatɨ patɨa.

Tsutɨarika 19:14

Hikɨ Ruti kanayeyani wata'inienike yuniwema wakɨnama memakɨnekekai, kemɨ'ane memɨwatiwitɨnikekai. Mɨpaɨ katiniwarutahɨawe: —Mexɨima. Kiekaritsie xekenayekɨni, Yawé kanika'unarɨmeni. Matsi mɨkɨ yakɨ 'utaineme mepɨ'eriekai.

Tsutɨarika 19:11

Hikɨ mɨkɨ, 'itupari memeu'unakai temari 'ukirawetsixi mekaheunenieretɨ mekanayeitɨarieni, kitenie hakewa mehɨkɨtɨkai mepɨka'itaxeiri.

Tsutɨarika 19:13

hikɨ tame tekanika'unakuni. 'Axamɨti'ane hiwerika Yawé hetsɨa paitɨ kaniye'ani, 'ari 'iyarieyatsie katineuyeyani. 'Ayumieme tame pɨtatsiheyenɨ'a temika'unakɨ.

Keremiyaxi 51:45

»Neteɨterima, mɨkɨtsie xekenayekɨni xekeneuyuta'una. Kemɨ'ane mɨyɨweni ke'uyutawikweitsitɨani nehaxɨa mɨtiyutaiyatsie.