Tsutɨarika 18:31 - Kakaɨyari Niukieya

³¹ 'Apɨrahami tawarita mɨpaɨ kaniutayɨni: —Kenetineuyehɨwirieka mɨya nematikuxaxatɨwakɨ neti'aitɨwame, peru xɨka pewaretaxeiya xeikɨa xeitewiyari heitserie memexeiya. Yawé mɨpaɨ katinita'eiya: —Mɨkɨ xeitewiyarikɨ nepɨka'ika'una.

Tsutɨarika 18:31 ပူးပေါင်းရင်းမြစ်များ

Hepɨrayutsixi 4:16

'Ayumieme tekamamatɨ 'ahurawa teke'akɨne kemɨ'ane 'aixɨa mɨtiuka'iyari 'uwenieya manuwe 'aurie, temɨnenimayatsiekakɨ, temɨparewiyanikɨ kepauka mɨpaɨ temɨteheuyehɨwa, mɨkɨ 'aixɨa tiuka'iyarikaku.

'Epetsutari 6:18

Naimekɨ xekeneyunenewieka xekenewawirieka. Yuheyemekɨ nenewieri xekenepitɨaka 'Iyaritsie xetewiyatɨ. Mɨpaɨ xemɨteyuriekakɨ, xekeneyɨhɨtɨaka, yemekɨ xepɨkatehayewani xe'iwawirietɨ Kakaɨyari yunaime teɨterimama wahetsiemieme.

Rukaxi 18:1

Merikɨtsɨ 'ikɨ 'ɨxatsi hepaɨtsita tikuxatatɨ mɨpaɨ katiniwaruta'ɨkitɨani kename heuyewetse yuheyemekɨ mɨyunenewiekakɨ, kawaɨripietɨ.

Rukaxi 11:8

Mɨpaɨ nepɨtixekɨhɨawe, kanihamikuyatɨni, peru mɨkɨ 'ayumiemeyarikɨ xeikɨa pɨka'anukukeni pɨka'iniɨtɨani, 'iya mɨkatihayewakɨ matsi tiwawirietɨ 'ayumieme naime pɨtiniɨtɨani tita mɨreuyehɨwa.

Mateu 7:11

Xeme 'axaxete'u'iyaritɨtɨ, 'aixɨa 'anemekɨ xɨka xetewamikwani yuniwema, matsi waɨkawamekɨ xe'ukiyari taheima makawe 'aixɨa ti'aneme katiniwamimɨkɨ kemɨ'ane memɨte'itawawirieni.

Mateu 7:7

»Xekatehayewatɨ xɨka xete'uta'iwauni, yaxepɨtemikieni. Xɨka xetekuwautɨweni xekatehayewatɨ, yaxepɨte'itaxeiya, 'itupari xɨka xe'uyuitɨani xekatehayewatɨ, xepɨteheuyepiyarieni.

Tsutɨarika 18:27

'Apɨrahami mɨpaɨ katinitahɨawe: —Ne nepɨnemate kenetineuyehɨwirieka kwinimieme nematiku'iwawiyakɨ neti'aitɨwame, ne tumuanari naxi nepɨhɨkɨ.

Tsutɨarika 18:30

'Apɨrahami tawarita mɨpaɨ kaniutayɨni: —Pepɨkaha'aka neti'aitɨwame, matsi kenenepitɨaka nemɨtikuxatanikɨ. Keri xɨka xeitewiyari heimana tamamata xeikɨa pewaretaxeiya. Yawé mɨpaɨ katinita'eiya: —Nepihayewa xeitewiyari heimana tamamata wahetsiemiemekɨ.

Tsutɨarika 18:32

Mɨkɨ tawarita mɨpaɨ katinitahɨawe: —Pepɨka'uyeha'arɨweni neti'aitɨwame, keneneupitɨa tawarita nemɨtaniunikɨ. Xɨkata tamamata pewaretaxeiya xeikɨa. Yawé 'imatɨrieka mɨpaɨ katinitahɨawe: —Mɨkɨ tamamata wahekɨ nepɨka'ika'una.