Tsutɨarika 18:30 - Kakaɨyari Niukieya

³⁰ 'Apɨrahami tawarita mɨpaɨ kaniutayɨni: —Pepɨkaha'aka neti'aitɨwame, matsi kenenepitɨaka nemɨtikuxatanikɨ. Keri xɨka xeitewiyari heimana tamamata xeikɨa pewaretaxeiya. Yawé mɨpaɨ katinita'eiya: —Nepihayewa xeitewiyari heimana tamamata wahetsiemiemekɨ.

Tsutɨarika 18:30 ပူးပေါင်းရင်းမြစ်များ

Kitsariyaxi 6:5

Hikɨ nekaniutahiwa: «Xɨa'ui ne, nehetsie pɨrahɨiwa. Tewi nepɨhɨkɨ neteta mɨkati'itiya pɨrayeneika meta teɨteri 'axame'utiyuaneme watsata nepuyeika, matsi Ti'aitame nepuxei, Yawé Naimekɨmɨtɨrɨkaɨye».

Nɨawari 89:7

Kakaɨyari waɨkawa pumakaxiwa memɨpatsie memayuxeɨrietsie, pɨmariwe yemekɨ 'amemu'uwa 'auriena wahetsiemieme.

Nɨawari 10:17

'Ekɨ, Yawé, haweri memɨyɨa wanenewieri pepɨ'enie, pepɨwatɨrɨkariya meta kememɨmatewawirie pepɨraye'atɨwa.

Nɨawari 9:12

Wahetsie mɨkarahɨiwa wahetsie nunuwame kaniwara'eriwani, memɨ'uximatɨarie memehɨawe yapauka kaniwa'enieka.

Kuwi 40:4

«Yanemɨmatita'eiyakɨ nepɨkayɨwe, tixaɨtɨ nepɨkatihɨkɨ, Nemamakɨ netenie nepuwiere.

'Itsɨkate 6:39

Hikɨ Kerehuni Kakaɨyari mɨpaɨ katiniutahɨawe: «Pepɨkaha'aka nehamatɨa. Keneneupitɨa tawarita nemetitawawirienikeyu. Tawarita 'inɨari keneuwewi 'ikɨ muxa huxarieyakɨ. Hikɨta 'ikɨ muxa huxarieya kewakini, 'aurienata kwiepa kehakuyunani haɨtsikɨ».

Tsutɨarika 44:18

Kura 'ahurawa kaniuyani Kutse hɨxie, mɨpaɨ katinitahɨawe: —Pepɨkaha'aka neti'aitɨwame, 'awie nepɨmatitaxatɨanikeyu. 'Ekɨtsɨ ti'aitame pepɨmariwe yaxeikɨa Parahuni hepaɨtɨtɨ.

Tsutɨarika 18:29

'Apɨrahami tawarita mɨpaɨ kaniutayɨni: —Keri xɨka huta tewiyari xeikɨa pewaretaxeiya. Yawé mɨpaɨ katinita'eiya: —Heitserie memexeiya mɨkɨ huta tewiyari meyupaɨmemekɨ nepɨka'ika'una kiekari.

Tsutɨarika 18:31

'Apɨrahami tawarita mɨpaɨ kaniutayɨni: —Kenetineuyehɨwirieka mɨya nematikuxaxatɨwakɨ neti'aitɨwame, peru xɨka pewaretaxeiya xeikɨa xeitewiyari heitserie memexeiya. Yawé mɨpaɨ katinita'eiya: —Mɨkɨ xeitewiyarikɨ nepɨka'ika'una.