Tsutɨarika 18:26 - Kakaɨyari Niukieya

²⁶ Yawé mɨpaɨ katinita'eiya: —Xɨka huta tewiyari heimana tamamata heitserie yamemɨtekahu Tsuruma kiekariyaritsie newarukaxeiya, wahetsiemieme kiekari naime nekatineuyehɨwiriemɨkɨ.

Tsutɨarika 18:26 ပူးပေါင်းရင်းမြစ်များ

Keremiyaxi 5:1

«Kerutsareme kayeyaritetsie xekeneutikɨni, 'anɨkai xekunieretɨwetɨ, teɨteri memayukuxexeɨriwatsie xekeneutinieri. Xɨka xeime xehetaxeiya heitseriemekɨ yatiyurieneme, tita yuri mɨraine tikuwauneme, ne nepɨreiyehɨwirieni 'ikɨ kiekari.

Mateu 24:22

Mɨkɨ 'uximatɨarika xɨka 'etsika'utateriyarieni, nixewitɨ pɨkatawikweni, peru memanayexeiyarie wahekɨ, 'uximatɨarika 'etsipɨtateriyarieni.

'Etsekieri 22:30

Ne xeime nepɨwaune mɨkɨ watsata neteɨterima wahetsie munuakakɨ, wahetsiemieme maniukanikɨ para nemɨkawaka'unakɨ. Peru nepɨka'itaxeiyawe.

Kitsariyaxi 65:8

Yawé mɨpaɨ kanaineni: «Kepauka xewitɨ kaxie takari witsi'aneneme mɨtaxeiya, mɨpaɨ putaine: “Nemarima 'aixɨa, 'akuxi kanayemaneni hayari”. Mɨpaɨta yaxeikɨa nepɨtiyurieni nete'uximayatsiriwamete nemɨwanaki'eriekɨ: Yunaime nepɨkawaka'una.

Kitsariyaxi 19:24

'Iya tukaritsie 'Ixaheri puhɨkɨtɨni, 'Ekipitu meta 'Atsiriya meyunɨtɨ, kwiepa memɨtama 'aixɨa mepɨ'itɨarieni wakɨmana.

Kitsariyaxi 10:22

'Ixaheri, tsepanetɨ 'ateɨterima xiekari haramara tetsita mɨtika hepaɨ memɨyupaɨme, memuyuhayewaxɨ xeikɨa mekani'axɨakuni. 'Ari yakatiniutaniukieni memɨka'unarienikɨ, heitseriemekɨ katiniyɨmɨkɨ yuheyemekɨ.

Kitsariyaxi 6:13

Xɨka 'akuxi kwie tamamatatsie mieme xewitɨ yuhayewaneni, mɨkɨ 'akuxi mekanakumaweriyariekuni. Peru kepauka xiu mawitekietsie meta tuaxa kutsunuyari kemɨtiyukuhayeikawa, mɨkɨ yɨrameyari mɨpatsie kanihɨkɨtɨni».

Tsutɨarika 18:17

Yawé mɨpaɨ katiniku'eriwakaitɨni: «¿Nekapɨtitaxatɨani 'aumɨ 'Apɨrahami kenemɨtiyurieni?