Tsutɨarika 18:19 - Kakaɨyari Niukieya

¹⁹ Ne nepenayexei yuniwema muwata'ɨxatsitɨanikɨ meta watɨɨriyama, Yawé huyeya'utɨa memuhunikɨ, yamemɨteyuriekakɨri tita 'aixɨa mɨti'ane tita mɨtiheitserie. Hikɨ mɨpaɨ me'anekaku Yawé pɨraye'atɨani 'Apɨrahami kemɨtiutahɨawixɨ».

Tsutɨarika 18:19 ပူးပေါင်းရင်းမြစ်များ

2 Timuteu 3:15

Mɨpaɨ pepɨtimate nunutsiyari paitɨ pemɨtimaikaikɨ kemaine 'utɨarika xapayari mɨpatsie, mɨkɨ pɨyɨwe petimaiweme mɨmatsi'ayeitɨanikɨ pemɨtawikweitsitɨarienikɨ yuri peti'erietɨ, mɨpaɨ kemɨtiyɨwe Kɨritsitu Ketsutsi hetsie tiwiyatɨ.

'Epetsutari 6:4

Xemeta xemɨwapaapama xepɨkawahaxɨatɨaka yutɨɨriyama. Matsi xekeniwawaweriyani xewakuwayatɨ meta xetewa'ɨkitɨatɨ yamɨtikamienikɨ Ti'aitame hetsie tiwiyatɨ.

2 Timuteu 2:19

Tsepatsɨ mɨpaɨ memɨteyurie, Kakaɨyari yutetsariya kaniutawewieni kii tutuikame, 'apuwe tse'itɨ 'uxaya matsiɨkɨkaku mɨpaɨ manuyɨne: «Ti'aitame pɨwamate yuteɨterima,» 'ipaɨ meta manuyɨne: «Yunaitɨ memehɨawe Ti'aitame mekeyukweriwayurieka tita mɨkatiheitserie hepaɨtsita».

1 Timuteu 3:12

Tiparewiwame xeime hɨkɨa yɨ'ɨya pawitɨkɨni, meta 'aixɨa 'anemekɨ yɨtɨriyama ketiwa'aitɨaka meta yukie kiekatari.

Temaiwawemete 22:6

'Aniwe 'etsimuyumate kenekuxaxatɨwani huye 'aixɨa mɨ'ane, kepauka 'ukiratsi mayani hatsuaku pɨka'iku'eirieni.

1 Kemɨtiuyɨ 28:9

»'Ekɨ Tsarumuni neniwe kena'eriwani 'a'ukiyari Kakaɨyarieya. Meta kenayexeiyani naime 'a'iyarikɨ meta 'aixɨa 'anemekɨ 'a'eriwamekɨ. Karikɨ Yawé 'iyari kanixeiyani meta naime 'iyaritɨarika kanimaika. Xɨka pe'itiwauni, pɨmatsipitɨani pemitaxeiyakɨ, mexɨka pe'iku'eirieni yuheyemekɨ kamaniku'eirimɨkɨ.

Kutsuhexi 24:15

Peru xɨka xehetsiemieme 'axa'aneni Yawé mɨti'uximayatsirieka, xekeniwaranayexeiya kemɨ'ane xemɨwarayexeiyani, xetutsima memɨwarayexeiyakai 'Eupɨrate 'anutaɨye, yatɨni kakaɨyarixi 'amuxeutsixi memɨwarayexeiya, hikɨ 'ena wakwietsie xemanu'uwa. Tametsɨ, netɨɨriyama meta ne Yawé tepayexeiyani».

Hutarieka 'inɨari 32:46

«Xekena'eriwani yemekɨ 'ikɨ tukaritsie kenemɨtixe'utahɨawixi, yuniwema mɨpaɨ xeketeniwarutaxatɨa 'ikɨ 'aitsika niukiyaritsie heitseriemekɨ yamemɨtekahunikɨ.

Nɨawari 34:15

Yawé 'aixɨa memɨteyurie kaniwaxeiyani, wanenewieri yapauka kani'enieka,

Nɨawari 11:4

Yawé yutuki muyepatsieta kanayekani, muyuawitsie Yawé yu'uweni kanexeiyani, kayuwatɨ xeikɨa tewi kwikanitaxeiyani, kanixeiyani kemɨtiyuriene.

Kuwi 1:5

Kepaukari yunaitɨ memanayexɨni yu'ixɨarari mewewietɨwetɨ, Kuwi puyumexɨitɨakai niwemama 'aixɨa memuyuyurienikɨ. Ximeri paitɨ mɨkɨ yuxexuime wahetsiemieme mawari taiyariyari putiwewiwakai, mɨpaɨ tiku'eriwatɨ: «Heiwatɨ 'axamemɨteniuyuri neniwema meta yu'iyaritsie Kakaɨyari hepaɨtsita 'axamemɨniutiyua». Kuwi mɨpaɨ pɨtiyurienekai yuheyemekɨ.

2 Timuteu 1:5

Nepɨmatsiha'eriwa yuri kepemɨti'erie yakɨ pekatikuxatatɨ, mɨpaɨ yuri tiuta'erieka meri 'apukatei 'akutsi Ruhira meta 'awarutsi 'Eunitsi. Yuri nepɨti'erie 'ekɨta wahepaɨ yuri pemɨti'eriekɨ.

Nɨ'ariekate 27:31

Papuru mɨpaɨ katiniwaraye'eritɨani xeitsienituyari kuyaxi tiwa'aitɨwame meta kuyaxi: «'Ikɨ xɨka kanuwatsie mekayuhayewa, xeme xepɨkatawikweni».

Wani 10:14

»Ne muxatsi wahɨweme 'aixɨa nemɨtiuka'iyari nekanihɨkɨtɨni, nemuxatsima nepɨwamate, mɨkɨta menetemate,

Kitsariyaxi 38:19

Kemɨ'ane memu'uwa, peru kemɨ'ane xeikɨa memu'uwa, mɨkɨ mepɨhɨkɨ memɨmatsinɨawa, hikɨ ne kenemɨmatinɨawa. Wapaapama yunaitɨ yuniwema mekateniwataxatɨakuni wahetsie kepemɨtiwiyanikɨ.

Nɨawari 1:6

Yawé 'aixɨa memɨte'u'iyari wahuye kani'ɨwiyani, 'axamemɨteyurie matsi wahuye kanitatɨmaiyariemɨkɨ.

2 Tsamuheri 7:20

»¿Kehepaɨ tawarita mati'uximayatsiriwame Rawiri matitahɨawe yapekatinimaikari, 'ekɨ Yawé nekakaɨyari?

Wani 21:17

Hairiekari Ketsutsi mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Pekuru kaniyuhiweriekaitɨni hairieka «¿Penetinaki'erie?» mɨtitahɨawixɨkɨ. 'Ayumieme mɨpaɨ katinitahɨawe: —Ti'aitame, 'ekɨ naime pekatinimaika, pepɨtimate nemɨmatsinaki'eriekɨ. Ketsutsi mɨpaɨ katinitahɨawe: —Nemuxatsima ketiniwarumikwa.

'Amuxi 3:2

«Xeme xeikɨa nekanixe'anayexeiya yunaime kwiepa memɨtama watsata. 'Ayumieme, nekatinixe'akapitɨamɨkɨ naimekɨ ke'axaxemɨte'uyuri».

Tsutɨarika 12:2

»'Ekɨ 'ahetsie nuiwari mariweme nepɨnetɨani, 'aixɨa nepɨmatsiyurieni, 'aixɨa petikuxaxatsiwame nepɨmatsi'ayeitɨani, 'ahekɨ hipatɨta 'aixɨa mepɨ'itɨarieni.

Tsutɨarika 12:3

Ne 'aixɨa nepɨwayurieka kemɨ'ane 'aixɨa memɨmatexeiyani, meta 'axanepɨwayurieni kemɨ'ane 'axamemɨmatsiyurieni. 'Ekɨ 'akɨmana 'aixɨa mepɨ'itɨarieka yunaitɨ nuiwarite kwiepa memɨtama».

Tsutɨarika 17:9

Kakaɨyari 'Apɨrahami mɨpaɨ katiniutahɨawe: «Netɨratu xekenaye'atɨa, 'ekɨ meta yaxeikɨa 'anuiwarima yuheyemekɨ.

Tsutɨarika 22:18

Yemekɨ kenematiutahɨawixɨ yapemɨtikatɨakɨ, yunaitɨ nuiwarite kwiepa memɨtama 'aixɨa mepɨ'itɨarieka 'anuiwarima wahekɨ.

Tsutɨarika 35:2

Hikɨ Kakuwu mɨpaɨ katiniwarutaxatɨani yutɨɨriyama meta hamatɨana memu'uwakai: «Xekeniwaruhayewa hipame wakakaɨyarixi yuhetsɨa xemɨwarexeiya, xekeneuyu'iti, hipame pɨta yu'ixurikite xeketenanakatɨxɨa.

2 Tsamuheri 22:22

Yawé 'aitsikateya ne'enietɨ nemumiekɨ, ne hatsuaku 'axanepɨkatiyuriwe, meta nekakaɨyari nepɨkaku'eiriwetɨma.

Nehemiyaxi 9:7

»'Ekɨ, Yawé meta Kakaɨyari, 'Apɨrami pemanayexei pepɨhɨkɨ. 'Ekɨ 'Uxi karireutsixi wakwieyaritsie paitɨ pepiyewitɨ, 'Apɨrahami pepɨtiterɨwaxɨ.

Mawari 14:42

'Ariketa tetexi memeukɨtɨkixɨatsie hehekwame mepɨkayatsa, 'anari 'aixɨa kii 'anetɨ payani mutahekwariyariekɨ haxu 'ukawiriyarieka.

'Itsɨkate 13:12

Hikɨ Manuhani kanita'iwawiya: ―Kepauka yamɨraye'ani kepemutayɨ, nunutsi ketete'iweriya. Ketikamieni.

2 Kemɨtiuyɨ 14:3

Mɨkɨ kaniti'una mawari taiyame meta kakaɨyarixi watukite, tetexi mɨpatsietɨka kaniutitara meta kaneti'unaxɨani kɨyexi 'Atserá kakaɨyariyari 'ɨkiyarite.

Mateu 25:17

Yaxeikɨata, 'iya huta kiriwayari mu'ɨitɨarie tawari hutame pana'iwaxɨ.