Tsutɨarika 17:7 - Kakaɨyari Niukieya

⁷ 'Ahetsiemieme 'ikɨ tɨratu nepɨwewie meta 'anuiwarite wahetsiemieme, 'ikɨ tɨratu yuheyemekɨ mieme payani, yunaime 'anuiwarima wahetsiemieme. Ne 'akakaɨyari nepɨhɨkɨtɨni, meta 'anuiwarima wakakaɨyari.

Tsutɨarika 17:7 ပူးပေါင်းရင်းမြစ်များ

Tsutɨarika 26:24

'Ana tɨkaritsie Yawé kaniuyuhekɨata mɨpaɨ katinitahɨawe: «Ne 'apaapa 'Apɨrahami Kakaɨyarieya nekanihɨkɨtɨni. Pepɨkamaka, ne 'ahamatɨa nepuyeika. 'Apɨrahami 'aixɨa mɨtiuyurikɨ, 'aixɨa nepɨmatsiyurieni nepɨwatimɨiriya 'anuiwarima».

Nɨ'ariekate 2:39

'Ikɨ kemutayɨ xehetsie pɨmieme, xetɨriyama wahetsie meta yunaitɨ teewa kɨkamete, tatsɨari, mɨkɨ yunaitɨ Ti'aitame takakaɨyari mɨwaranayexeiya.

Tsutɨarika 15:18

Mɨkɨ tukaritsie Yawé 'Apɨrami hetsɨa tɨratu kaniuwewieni. Mɨpaɨ katinitahɨawe: —'Ikɨ kwie nepɨwayetuirieni 'anuiwarima, haa 'Ekipitu mieme manuyeka, meta 'amɨpa manuyekatsie paitɨ 'Eupɨrate mɨtitewatsie.

Hepɨrayutsixi 8:10

Peru mɨpaɨ paineta Ti'aitame: «Tɨratu kenemɨtiwatawewirieni 'Ixaheri xiɨyarimama: Mɨkɨ tukari 'aye'ayu ne'inɨari niukiyari wa'eriwametsie nepɨwapitɨani, meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ, mɨkɨta neteɨterima mepɨhɨkɨtɨni.

Hepɨrayutsixi 11:16

Matsi mepihiwe'eriekai kwie 'aixɨa mɨ'ane taheima mieme. Kakaɨyari 'ayumieme pɨkayutewiya mɨkɨ wakakaɨyari mɨramamatiwanikɨ, kiekari puwarukuha'aritsitɨiri.

Mawari 26:12

Xehamatɨa nekaniumiemɨkɨ. Ne xekakaɨyari nepɨhɨkɨtɨni, xeme nekiekari xepɨhɨkɨtɨni.

Tsutɨarika 28:13

Metatsiere Yawé kaniuxeiya 'auriena 'uweme, mɨpaɨ tikɨhɨaweme: «Ne Yawé nepɨhɨkɨ 'ateukari Kakaɨyarieya 'Apɨrahami meta 'apaapa 'Itsahaki. 'Ekɨ yaxeikɨa 'anuiwarima 'ikɨ kwie nepɨxeyetuirieni mana hikɨ pemanukatsie.

Xumatari 9:4

Mɨkɨ mekani'ixaheritsixitɨni. Mɨkɨ Kakaɨyari niwemama mepayeitɨarie, witsiti'aneme mepɨte'upitɨarie, tɨratute mepupitɨarie, 'inɨari niukiyari mepupitɨarie, Kakaɨyaritsie mieme 'uximayatsika mepexeiya, yamepɨte'utahɨawarie kememɨtemikienikekai.

Marikuxi 10:14

Ketsutsi waruxeiyaka teyɨ'ɨkitɨwamete kememɨteyuriekai kaniuyeha'ani, mɨpaɨ katiniwarutahɨawe: «Xekeniwapitɨaka tɨɨri nehetsɨa memɨ'axenikɨ, wahɨxie xepɨka'u'uka, mɨpaɨ memɨ'anene kaniwahetsiemiemetɨni Kakaɨyari mɨra'aita.

Mateu 22:32

“Ne 'Apɨrahami, 'Itsahaki meta Kakuwu wakakaɨyari nekanihɨkɨtɨni”? Mɨkɨ mɨkite pɨkawaxata, kename wakakaɨyari maine. Memayeneniere pɨta wakakaɨyari kaniyuxatani, tsepa memukwi.

Mikeyaxi 7:20

Matsiɨkɨme kenayeitɨa Kakuwu pemɨkaku'eiriwe hatsuaku, meta 'Apɨrahami heitserie kepemɨtinaki'erie, meripaitɨ tsutɨa paitɨ kepemɨti'ahɨritɨa tatutsima wahamatɨa.

'Etsekieri 28:26

Mana 'aixɨa 'iyari mepu'uwani, mepuyutikitɨani, kaxie mepɨka'eni, netsɨ nekaniwa'uximatɨamɨkɨ kemɨ'ane 'Ixaheri kiekariyari memɨxani'erie. 'Ana mɨpaɨ mepɨtehetimani kename ne, Yawé wakakaɨyari nehɨkɨ”».

Memeyekɨ 6:4

Metatsiere tɨratu tepuwewi kwie Kanani miemekɨ wahetsiemieme mayanikɨ, meripaitɨ memakutekaitsie 'ateewa kiekatari wahepaɨ me'anetɨ.

Memeyekɨ 3:15

Hikɨ Kakaɨyari Muitsexi mɨpaɨ katiniutahɨawe: —Mɨpaɨ ketiniwaretahɨawi 'ixaheritsixi: “Yawé xe'ukiyarima wakakaɨyari 'Apɨrahami, 'Itsahaki meta Kakuwu, pɨnetsiheyenɨ'a xehetsɨa. 'Ikɨ pɨhɨkɨ kenemɨtitewa yareuyuhanemekɨ, 'ikɨ pɨhɨkɨ kenemɨtitewa naitɨ nuiwarite manuyekɨne”.

Memeyekɨ 3:6

Ne 'apaapa nekanikakaɨyarieyatɨni, 'Apɨrahami, 'Itsahaki meta Kakuwu. Mɨpaɨ tiu'enaka Muitsexi, kaneuyuku'eima yɨhɨxie, 'utimaka Kakaɨyari 'uxeiyaka.

'Epetsutari 2:2

'Anapaitɨ xeniu'uwakaitɨni mɨpaɨ xeteyurietɨ kememɨteyurie hikɨ miemete kwiepa memɨtama, kemɨtiyuriene kemɨ'ane mɨtiwa'aitɨa mɨkɨ heitserie memexeiya 'ekapa memanukuneniere. Kemɨtiyuriene mɨkɨ kakaɨyari hikɨ mɨwakuyuitɨwa mɨkɨ memɨkayuwaɨriya yamemɨtekahunikɨ, mɨpaɨ xekateniyuriekaitɨni xeme.

Nɨawari 81:10

Ne nepɨhɨkɨ Yawé 'akakaɨyari, 'Ekipitu nemɨmetsi'ayewitɨ. Kenakwaxaka, ne 'ateta nekatinitahɨniyamɨkɨ.

Tsutɨarika 6:18

Peru 'ekɨ hamatɨa ne tɨratu tepexeiyani, kanuwa 'amɨtimariwetsie xekaneutahaxɨakuni 'ekɨ meta 'aniwema, 'a'ɨya meta 'amu'e'ema.

Tsutɨarika 17:13

Yunaitɨ xewitɨ pɨkayukuhayeikawani, 'akie memɨtinunuiwa meta kemɨ'ane pemɨwatinawe, xitekiya 'inɨariyari meke'uwewiyarieni. Mɨpaɨ pɨtiyuhayewa netɨratu xewaiyaritsie kayeiwetɨ, tɨratu yuheyemekɨ mɨhɨkɨkɨ.

Tsutɨarika 17:19

Kakaɨyari mɨpaɨ katinita'eiya: —Tsara nepɨxata 'a'ɨya xeime nunutsi payexeiya 'aniwetɨme, 'Itsahaki pekatiniterɨwamɨkɨ. Mɨkɨ hamatɨa netɨratu payeyurini meta nuiwarimama wahetsɨa, tɨratu yuheyemekɨ mieme mɨhɨkɨkɨ.

Memeyekɨ 6:7

Ne, xeme nekiekari nepɨxe'ayeitɨani, neta xekakaɨyari. Mɨpaɨ 'ana mepɨtehetimani, kename ne Yawé nexekakaɨyari, nemɨxe'ɨxɨnaxɨ 'ekipitutari kememɨtexe'uximatɨakai.

Mawari 11:45

Ne Yawé nekanihɨkɨtɨni, nemɨxe'ayewitɨ 'Ekipitu kwieyaritsie, xekakaɨyari nemayanikɨ. Xemeta xekenepatsieka ne nemɨpatsiekɨ.

Mawari 25:38

Ne Yawé xekakaɨyari nekanihɨkɨtɨni, 'Ekipitu kwieyaritsie nemɨxe'ayewitɨ, Kanani kwieyari nemɨxeyetuirienikɨ meta xekakaɨyari nemayanikɨ.

Mawari 26:9

»Ne nekanixexeitsitɨamɨkɨ 'aixɨa kenemɨtiuka'iyari. Ne xeyuxiɨtɨakame nepɨxe'ayeitɨani. Nekanixetimɨiriyamɨkɨ meta netɨratu xehetsɨa nekaniwewimɨkɨ.

Mawari 26:45

Matsi watutsima wahetsiemieme tɨratu kenemɨtiutawewi nekanaye'erimɨkɨ, kepauka hipame nuiwarite wahɨxie 'Ekipitu kwieyaritsie nemɨwarayewitɨ wakakaɨyari nemayanikɨ. Ne Yawé nekanihɨkɨtɨni».

Hutarieka 'inɨari 29:13

'Ayumieme mɨkɨkɨ mɨpaɨ paine kename xeme xeteɨterimama, mɨkɨta kename xekakaɨyari hɨkɨ, xetutsima 'Apɨrahami, 'Itsahaki meta Kakuwu kemɨtiwarutahɨawixi.

'Itsɨkate 2:1

Niuki tuayame Yawé hetsɨa mieme Kirikari kaniyeyani kaneta'ani Wukini paitɨ, mana mɨpaɨ katiniwaretahɨawe 'ixaheritsixi: «Ne 'Ekipitu kwieyaritsie nepɨxe'ayewitɨ, nepɨxe'atɨa kwie xetutsima nemɨwayetuirienikekaitsie. Mɨpaɨ neputayɨ: “Hatsuaku nepɨkatihayewa kenemɨtixe'utahɨawixɨ,

Kitsariyaxi 61:8

«Ne Yawé, tita mɨtiheitserie nepɨtinaki'erie, peru nepi'uxiwe'erie 'inawari meta 'axamɨti'ane. 'Aixɨa nemɨtiuka'iyarikɨ wa'iwarika nepɨtiwamini, meta wahamatɨa tɨratu yuheyemekɨ mieme nepɨwewieni.

Keremiyaxi 31:1

Yawé mɨpaɨ kanaineni: «'Iya tukaritsie, 'Ixaheri tɨɨriyamama Wakakaɨyari nepɨhɨkɨtɨni mɨkɨta neteɨterima mepɨhɨkɨtɨni».

Tsutɨarika 9:16

Kepauka nekuwiwi haiwitɨritsie manutahuni, ne ne'ixeiyame nepaye'erieni tɨratu kenemɨtiuwewi yuheyemekɨ xehamatɨa meta yunaime kwiepa memɨtexuawe wahamatɨa».

Mawari 26:44

»Mɨyatɨtɨ, tsepa memɨwaraye'unie wakwietsie memɨtiteni, ne nepɨkawarayexɨrieni meta nepɨkawatixani'erieni meta nepɨkawarakumaweriya, netɨratɨ wahetsɨa nepɨkatitsanaxɨani. Ne Yawé xekakaɨyari nekanihɨkɨtɨni.

2 Tsamuheri 7:24

'Ixaheri kwieyaritsie pekatiniuwiya 'ateɨterima yuheyemekɨ memɨhɨkɨtɨnikɨ meta 'ekɨ Yawé wakakaɨyari pemɨhɨkɨtɨnikɨ.

1 Kemɨtiuyɨ 16:13

»'Ixaheri nuiwarimama, Yawé ti'uximayatsiriwame Kakuwu niwemama, Yawé mɨxe'anayexei:

1 Kemɨtiuyɨ 16:14

Yawé takakaɨyari pɨhɨkɨ, naitsarie kwiepa katini'aitani kemɨtiheitserie.